2 TIMOTHI 1:16 - Cho Bible Common Language 2016

¹⁶ Onesiphorus ni ah kyongkhui ung Bawipa ah chimgein nak om sä, ani naw akda vei kei ah lung cu na hüiyang sak ci nei. Kei cu thawng k’kium ah ka kyak ung phi, ani naw kei cu kä na ng’aa nak ci nei,

2 TIMOTHI 1:16 Referans Kwoze

2 TIMOTHI 4:19

Priscilla la Akuila ni, Onesiphorus ah kyongkhui ni gui cu ka yavaih na gui ci nei.

PHILIMON 1:20

Cun ah kyasei phäihta aw, Bawipa ah hmawk ah na bä nak awn cun ah na bi vai nei, Bawi Khrit ung phäi nau ah na kyak nak awn kei cu na thawlet sakä.

PHILIMON 1:7

Kam hni ah phäihta, nam hni nak naw kei cu ang htei ah na yeikyai sak ne, nak thamah sak ci nei. Khanpughi ah chang gui phung cu phi ami m’lung na thawh sak gui ci nei.

EPHESIAN 6:20

Kei cu thawng ka cun pang ung phi, shin ah Thu Ni ah hmawk ah ng’shä ah ka kyak ci nei. Shin ah Thu Ni ka pyein khai ah kang düi ci kyasei, khüighaat ne ka ng’shäu vai ah nami na taigü peik vai nei.

LAMKTU 28:20

Cun ah kyasei nangmi awn ng’hmuh vai ah ka k’tha nak ah kya ci. Kei shin ah m’si gui, gui awn ami na khih cu, Israel chang gui naw, mi ngäng ah Bawipa ah hmawk ah kyak ci” cine pyein ci.

HEBRU 10:34

Nangmi naw thawng ung cun ci gui cu nami chimgein ci, nami khawhcham avan ami ning khäm peit gui ung phi yei ne nami om düt ci, a i ah kyasei ci ung nangmi ung cun ah khawh chaam gui ah tah küikyang pi ne, käng pyii hlawt ciah khawh a om cu nami hmat ah hmawk ah kyak ci.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

2 TIMOTHI 1:18

Ephasus gawnu ah ani naw kei a i hlawk ah anam htei cu nang naw na hmat ci nei. Cun ah Hnüüp ung ani ah khan ah Bawipa ah chimgein nak om sä.

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

1 KORIN 16:18

Ngami naw nangmi ah m’lung ami ning yei sak gui ah mäih ah kei phi na yei sak ci gui nei. Cun ah mäih gui cu chang m’sui nak gah khin ci gui nei.

MATTHE 5:7

“M’geinsei nak om ciah chang gui yeikyai vä; Nangmi cu Khanpughi naw ning m’geinsei gui khai

SAM 37:26

Ani cu angtäi sei chang-am pe taak, pu m’hnih ciah kya ne, a hta nau gui naw m’shum phyuk nak gah ci gui.

SAM 18:25

O Bawipa nang ung bekhüt ci gui ah khan ah nang cu na bekhüt ci; kümbe ci gui ah khan ah akbe ah na nik ci

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

NEHEMIAH 13:22

Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

NEHEMIAH 13:14

Shüm ä, Ka Khanpughi, shin gui avan cu na Taigüim la a cun ung khawihnah nak vai ah kei naw ka bi ah kyak ci nei.

NEHEMIAH 5:19

O Khanpughi ka taigü ci, shin ah chang gui ah phäh ah kei naw ka bi phung cu na shüm pe ne na m’shum phyuk ä.

RUT 1:8

Ani naw ngani am, “Nani im ah hteit ba ne, nani nu awn a täng ah om ni ä. Khan ah phi kia, si pyi ci goi ah khan ah phi kia, nangni akni ah nani om ah mäih ah nani khan ah Bawipa naw ning m’htei goi sä.

2 SAMUEL 2:6

Tuhbäi Bawipa naw ning m’hni gui ne, ning bekhüt na gui sä. Kei naw phi nami bilawh ah phäh ah akni ah ka ning m’htei gui khai nei.

LAMKTU 21:33

Cun yah ung gaakap bawi gawk law ne Paul cu pha sak gui ne, m’si gui k’hnih awn pha ne khih sak gui ci. Cun kawn ah Paul cu a u chang ah a kyak la a i katnak a bi ah ng’shi k’ca gui ci.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

2 TIMOTHI 1:17

Ani cu Rom gawnu ung a gawk law vai am, kä a na hmuh pha ah chuih kei cu na shui ci nei.

JEREMIAH 39:17

Cun ung phi kei, Bawipa naw ka ning shung vong gui khai, nang mi cu, nangmi naw nami kyih gui ah chang gui am kä ningap gui khai gui.

MATTHE 25:17

Acun ah mäih ah pit m’ku gah ciah chang cun phi pit m’ku ah khan ah pit m’ku ak pawih khai ah gah ci.