2 TIMOTHI 1:15 - Cho Bible Common Language 2016

¹⁵ Na hmat pyi ah mäih ah Asia khopäng, Phigelus la Hermogenes gawnu gui ung chang gui naw kei cu na hnu na pyi ci gui nei.

2 TIMOTHI 1:15 Referans Kwoze

2 TIMOTHI 4:16

Kei cet ne ami na ng’shi sang ung, kei na hunshawih khai ah a u phi kä ng’düi lawk ci, van naw kei cu na nawng ci gui nei. Khanpughi naw ngami ah bi nak cu kä ngaihdam men pe gui sä!

PHILIPPIAN 2:21

A hei chang gui läi cu ami mät ah hmawk bäng ngaih-tüh u ne Bawi Jesuh Khrit ah bi cu kä k’tha nak ci gui nei.

LAMKTU 19:10

Cun ah kho kum goi ung lüng ne pyein sa ne bilo khä tah, Asia kho ung om ciah Judah chang la changpakhui hei chang avan naw, Khanpughi ah Thu Ni cu ngai ya yawp ci gui.

1 KORIN 16:19

Asia kho ah Khrithabum gui naw phi ning yavaih gui ci gui nei; Akuila la Priscilla ni, ami im ah nami pum nak gui ah khritha gui naw phi ning yavaih gui ci gui nei.

LAMKTU 19:27

Mikmi ah bi lawh cu ang ming she ne ng’ä vai ah kya lawk ci. Cun bäng ah kä kya ciah, Asia la khomdek khan van naw a yum ah kho hnumitha Artemis cun phi ng’ä nak vai kya law ne, a hlüngtai nak phi dimaih lawk khai nei” cine pyein ci.

LAMKTU 16:6

Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

LAMKTU 20:16

Paul cu Asia kho ah ak shou kä om hlü netah Ephesus sun pah ne htinpaw awn hteh vai ah k’bäi ci. Ani cu Jerusalem ah Pentekos hnüüp pha vai ah ak yang ah hteit ci.

LAMKTU 19:31

Huham om ciah a teih püi chang gui cun naw phi, gaw ng’lung imnu kyong ah kä a hteh vai ah, Paul cu chang tüi ne m’cäi ci gui.

LAMKTU 2:9

Mik mi cu Parthia, Media, lah Elam; Mesopotamia, Judea, lah Kappadocia,