Biblia Todo Logo
Bib sou entènèt

- Piblisite -




2 TIMOTHI 1:13 - Cho Bible Common Language 2016

13 Kei naw ka ning m’theithang ah thu düng cu, thei nak vai ah ak htek ah kutshum ne, Bawi Khrit Jesuh ung kawng ät nak awn mi gah ah yum nak la m’hni nak cu na läk vai nei.

Gade chapit la Kopi




2 TIMOTHI 1:13
30 Referans Kwoze  

Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.


Cun ung phi nang läi cu theithang ne na dou ah thu thuuk cu ak kheng ah na yum vai. A u chang gui ah nang theithang tu te cun phi na hmat vai.


Kei ah ka ng’thu ung nami theithang la kei ah ka bilawh nami hmuhteng ah mäih ah nami bilawh vai nei. Cun ung dimdeeih nak na pe gui ciah Khanpughi cu nangmi awn a täng ah om khai nei.


Nang mi cu katnak ah khlei-htein ah nami kyak man ung phi, tuk bäi nami gah ah m’theithang nak cu, nami m’lung kyong avan nawn nami läk ah hmawk ah Khanpughi cu kam hlüngtai ci.


Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.


Kei ka gawk law ge vai ci nei, nang ung om cicu m’htek ne khäm ge ä, cun ung nang ah näng nak ng’chuh cu a u naw kä ning gut hlawt khai.


Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.


Mi Bawipa naw küikyang ciah am gein nak cu nam shum phruk ne, mi Bawi Khrih ung kawng ät nak awn yum nak la m’hni nak phi na pek ci.


Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.


Mikmi cu Khanpughi ah shaitaak kutshum ne mi ng’ap hning pyi ciah kyasei, mi yum la mi ngaih u nak cu khäng khai ah mi kut shum khai nei.


Nang am ning ap ah ak nikiom gui cu, mikmi ung om ciah Mumcha Theing ah hlüngtai nak awn na kutshum vai nei.


Chang k’she gui ah lam piang, a i kä hmat ci gui ah ng’thei nak ah ka kyak ci ciah akcang ah na ngai ci. Thukhän cu hmuhmat nak la ng’düng nak ah küm nak ah kyak ciah phi akcang ah na hmat ci.


Cun ung phi nang naw bä ciah thu m’hnüt awn ng’müi khai ah nam theithang vai nei.


Hngihnga ciah yum nak m’theithang ne, Bawipa Jesuh Krih ah thu düng la mi yum nak ah m’theithang nak,


Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.


Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.


Pa la pa nu la nu ng’yawpawm düt ne pletbeng ci gui, chang phak ci gui, hleihlak ci gui, kä düng khai ah saksi ci gui la düng ciah yum nak hnu ng’tuk püi ci gui ah hmawk ah kya ci.


Ka hta, cüivai nak cu k’pang ne na kyong nak vai, nang ungka kä na ng’phleng en sak vai.


Kei kä ka law pha ah chuih nami kut ung om ci cu, htek sei nami shum vai.


Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.


Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.


A u naw kä a täitawk-en thei vai ah bä ciah thu lung gui na pyein vai nei, cun ung na ga gui naw mikmi ah khan ah a i ung phi katnak kä hmu u netah lü ng’aa khai gui nei.


Apäng avan m’nüm ne k’tä netah, nik ci phung cu kut shum u ne,


Bawi Khrit ung nami yum nak ah mawng la Khanpughi ah chang avan nami m’hni nak ah mawng cu, kami ng’yak ci nei.


Na ng’theithang phung cu angtäi ah na shüm vai. Na cimghang nak cu na ghin nak ah kyak ci.


Cüivai ciah chang gui cu yeikyai ci gui, cüivai nak naw ghin nak pe gui ci.


Kei naw ng’bü nak pyang ne a cun cu ka bik ci. Kei ung hmuhmat nak om ci, kei ka khüighat ci.


Kei Paul, Khanpughi ah yak hlü ah Bawi Khrit Jesuh ah ang düihpüi ah kya ne, Bawi Khrit Jesuh ung kawng ät nak awn, mi gah vai ah shaitaak om ciah ghin nak ah mawng, ka ng’shäu ci naw —


Chang gui naw düng ciah yum nak cu kä ngai ya hlü ne, amät ah ng’yak hlü düt läk ne, ami mät ah ng’yak hlü bä bä ah thu m’gawng khai ah, m’theithang ci gui cu k’tä ne ami shui nak ah akhin gawk lawk khai nei.


Swiv nou:

Piblisite


Piblisite