2 TIMOTHI 1:12 - Cho Bible Common Language 2016

¹² Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

2 TIMOTHI 1:12 Referans Kwoze

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

1 PETER 4:19

Cun ah kyasei Khanpughi ah ang yak hlü ah geinvai nak gah ciah chang gui cu, akni ah hnüntho u ne, angtäi sei a shaitaak küm ciah Pushihpi ah ami ghin nak avan ng’ap u sä.

2 TIMOTHI 4:8

Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

NAHUM 1:7

Bawipa cu nik ci; Khüikha nak a gawk law ung A chang gui cu shungshet gui ci, Ani täng ah ng’hlat lawk ci gui cu, ani naw m’htei gui ci.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

MATTHE 24:36

“Cun ung phi cun ah hnüüp lacun ah akhin cu a u naw kä hmat ci. Khankho chang naw phi kä hmat ci, A Htapa naw phi kä hmat ci, Pa Khanpughi bäng naw hmat ci.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

SAM 25:2

Ka Khanpughi, nang ung ka ng’ap ci nei. Thui ng’a nak ung na k’phyawn ä; Ka gaa gui naw kä na näng en u sä!

2 TIMOTHI 1:18

Ephasus gawnu ah ani naw kei a i hlawk ah anam htei cu nang naw na hmat ci nei. Cun ah Hnüüp ung ani ah khan ah Bawipa ah chimgein nak om sä.

PHILIPPIAN 3:21

Bawipa naw amät ah uknak kaa ah, ang tüi avan a gawk nak sak ah, a hlüngtai nak awn shetka thei ciah pumsa cu bämang ciah amät ah pumsa ah mäih ah na ng’thawng sak gui khai nei.

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

1 KORIN 3:13

Cun ah chang gui ah cawhkyan nak ah a phu phäh phäh cu, Bawi Khrit a kyum law hnüüp ung ng’tän ne dang lawk khai. Cun ah hnüüp ung meidäi naw chang tumat ciah bi cu m’dang khai: cun ah mei naw chang tumat ciah bilawh cu akcang ah m’hnüt m’cah ne m’khoichak khai.

JOHAN 17:15

Cun ah kya ne m’dek chang naw ngami gen gui ci gui. Ngami cu shin ah m’dek khan ung kaa, nang naw na hteh sak gui vai ah, ka taigü ah kä kyak ci, ngami naw khoshe ami phiawn nak vai ah, nam htei gui vai ah ka taigü ah kyak ci.

MATTHE 12:21

Chang pakhui avan naw phi ani cu ngaih u khai gui,” ciah kyak ci.

ISAIAH 54:4

Kä na kyih vai, nang cu kä na lü ng’aa ba khai; a u naw kä ning yuk chah ba khai. Na hmaw sang ung kä bekhüt ciah chu ah na kyak nak la hmeinu ah kya ne, a i ah kä kya thei ne na om nak gui cu na m’hnih khai nei.

SAM 31:5

Kei cu na na m’htei nak vai ung ka om ci nei. Bawipa, nang naw na na hun khai nei, nang cu bekhüt ciah Khanpughi nei.

ROMAN 9:33

Cacim Theing ung; “Teng vä, chang gui naw ami ng’vawn nak vai ah, lung tumat cu Zion m’htung khan ah ka m’shän khai nei, Chang gui cu cun ah lung ung ng’vawn ne ng’täng khai gui nei. Cun ung phi Lung ah kyak ciah Bawi Khrit yum ciah chang gui cu, a i yah ung phi ami thüisei nak kä om khai nei,” ciah om ci.

1 PETER 4:16

Cun ung phi Khritha ah na mi kyak ah hmawk ah geinvai dukdeiu nak a gawk law ung kä na mi thui ng’aa vai nei, Bawi Khrit ah ming ung nami om pyi ci kyasei Khanpughi nami m’hlüngtai vai nei.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

HEBRU 2:18

Tuhbäi ani naw tüihtok nak gah ciah chang gui cu m’htei gui hning ci, a i ah kyasei ci ung, ani amät cu tüihtok nak la geinvai nak gah pyi ciah kyak ci.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

PHILIPPIAN 1:20

Kei naw ak tung ah ka ng’yak hlü la ka ngaih u nak cu, kei naw a i yah ung phi ka bi mawng cu kä ka nawng khai, a i khin ung phi, a tuhbäi chü phi, kei cu khüighaat nak awn be ne, ka sih ung phi, ka ghin ung phi, ka ghin nak avan awn Bawi Khrit kam taamkhah khai, ciah kyak ci.

LAMKTU 21:13

Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

LAMKTU 13:50

Cun ung phi Judah chang gui naw, gawnu ung ang vai gui la Khanpughi yum ciah ng’bümang ci gui ungka hnumi gui cu, took gui u sei, ngami naw Paul la Barnabas cu k’dudeiu na goi netah ami kho ung kä om tu ba khai goi ah gawt ne k’täm goi ci gui.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

LAMKTU 9:16

Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.

LAMKTU 7:59

Cun ah lung awn ami vawih yah ung Stephen cu, “Oh Jesuh Bawipa kamumcha na yuk la peä” cine taigü ci.

JOHAN 6:44

a u phi kei ah kä law hlawt khai, kei ah lawk ci cu akhnu hnüüp ung sih nak ungka ka thawh sak ba khai.

LUKA 23:46

Bawipa Jesuh cu, “Aw Kapa, Na kut ung Ka Mumcha ka ning ap ci nei” cine m’lau netah kät lawk ci.

ISAIAH 50:7

Cun ung phi ngami ah hedam nak naw kä ne nat sak ci, a i ah sei ci ung uktu Bawipa naw na m’hteihtang ci. Cun gui m’khüt vai ah kei naw ka tha ka lak ci. Kei cu kä ka lü ng’aa khai ah kei naw ka hmat ci,

SAM 56:9

Kei naw ka ning khü hnüüp ung, ka gaa gui cu ng’hlat ba khai gui. Cun cu ka hmat ci; Khanpughi cu kei lam ah om ci —

1 THESSALONIAN 5:4

Cun ung phi phäi nau gui aw, nangmi cu hmüp khui ung nami om ba ciah kä kyasei, cun ah hnüüp cu m’guk-ei ah mäih ah nangmi ah kä gawk lawk khai nei.

LUKA 10:12

Kei naw akcang ka pyein cu, m’khoichaa nak ah hnüüp ung cun ah gawnu cu Sodom gawnu ah mä she tu ba khai nei.

MATTHE 7:22

M’khoichaa nak ah hnüüp a gawk law ung chang akda naw, ‘Bawipa, Bawipa, nang ah ming awn Khanpughi ah ng’thu cu ka pyein ci nei, nang ah ming awn khoshe khogam phi kami ktäm ci nei, nang ah ming awn cäi aih gui vai phi kami m’dang ci nei, cine kyak khai gui.

1 KORIN 1:8

Ani naw nangmi cu kho a khütunggawk sei ning düng sak gui khai. Cun ah kyasei Bawipa Jesuh Khrit naw ng’thu am chaa hnüüp ung nangmi cu kat nami phiawn nak khai.

2 TIMOTHI 1:14

Nang am ning ap ah ak nikiom gui cu, mikmi ung om ciah Mumcha Theing ah hlüngtai nak awn na kutshum vai nei.

2 TIMOTHI 1:16

Onesiphorus ni ah kyongkhui ung Bawipa ah chimgein nak om sä, ani naw akda vei kei ah lung cu na hüiyang sak ci nei. Kei cu thawng k’kium ah ka kyak ung phi, ani naw kei cu kä na ng’aa nak ci nei,

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.