2 SAMUEL 9:7 - Cho Bible Common Language 2016

⁷ David naw, “Kä na kyih vai, na pa Jonathan ah phäh ah kei naw nang cu ka ning m’gein khai nei. Na pughi Saul ah päng ah khaw avan ka ning pe ba khai, nang cu ka tawnglang ung angtäi sei ka ning dou khai nei” cik ci.

2 SAMUEL 9:7 Referans Kwoze

2 SAMUEL 9:1

Hnüüp ät ung David naw, “Saul ah kyongchang tumat mat om ba ne ang? A om ba ah akiak ung Jonathan ah phäh ah kei naw m’gein nak ka m’dang hlük ci nei” cik ci.

1 GHANGPUGHANG GUI 2:7

“Cun ung phi Kilead ah ka Barzillai ah hta gui cu na m’gein gui vai, a i ah kyasei ci ung kei cu nami phäi Absalom kyih ne ka dawng sangung kei cu na m’gein ci gui.

2 SAMUEL 9:3

Ghangpughang naw ng’shi ne, “Saul ah kyongchang pawih ba ci tumat mat om ne ang, ka bi vai ah Khanpughi ah ka shaitak ah mäih ah ka bekhüt nak la ka m’hni nak cu ani am ka m’dang hlük ci nei” cik ci. Ziba naw, “Jonathan ah hta gui ungka tumat om ba ci, ani cu shum ci” cine m’thein ci.

2 SAMUEL 19:28

Kapa ah kyongchang avan cu nang ka bawi mang naw sih nak na pek gui vai kyak ci. Cun ung phi nang naw na tawnglang ung ei tu vai ah na na pek ci. Nang bawi mang ung kei naw ka thäh ba vai cu a i phi kä om ci nei.”

LUKA 22:30

Nangmi cu kei ah uknak kho ung kei awn a täng ah nami ei aw tuk khai. Cun kawn ah mang ah kiang ung ngo u netah, Israel pakhui gha-lei-goi cu nami uk khai nei” cik ci.

SAM 41:9

Ka teihpüi ni pi, ka ngaih u pi bäih, ka ei vai phi k’pai ne ka ei püi, Naw phi ng’hlat ne na hnung’tuk püi ci nei.

2 GHANGPUGHANG GUI 25:29

Cun ah kyasei Jehoiachin cu thawng ung a suisak ng’thon ba sak u ne, a ghin ah chuih ghanpughang awn vun ne a täng ah ei tu sak ci gui.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

2 SAMUEL 12:8

Kei naw ani ah uk ah khaw la ak chu gui phi ka ning pek ci; Israel la Judah avan ah ghangpughang ah ka ning pyang ci. Cun gui kä ang büh ah akiak ung kei naw cun ah a goi ah ka ning pe ba khai.

1 SAMUEL 12:24

Bawipa läk ne, nami m’lung kyong avan awn bekhüt ne abi nami bi vai. Nangmi ah phäh ah küikyang ciah bi abi cu nami shüm ba vai.

ATÜNNAK 43:23

Changshäm naw, “Kä kyi vä! Kä ng’ä vä! Nami Khanpughi, nami pa ah Khanpughi naw nami ng’ip ung ngui a ning pek gui nei. Nami ngui cu ka dou ci nei” ci neta Simeon cu law püi ba ci.

MATTHE 6:11

Ak hnüüp tä ng’büh nak vai ei na pe gui ä.

2 SAMUEL 19:33

Ghangpughang naw ani am, “Kei awn a täng ah Jerusalem ah law ä, kei naw ka ning m’htei khai nei” cik ci.

2 SAMUEL 9:11

Ziba naw, “Nang bawi mang ah ng’thu k’bäi cu avan ka bik khai nei” cik ci. Cun ah kyasei Mephibosheth cu ghangpughang ah tawnglang ung ghangpughang ah hta ah mäih ah ei awk ci.

ATÜNNAK 43:18

Im ah ami gawk kawn ah ngami cu kyi law u neta, “Shin ung ami na law püi gui cu, zan ung mi ng’ip ung mi hteh püi ba ah hmawk ah kyak khai. Mikmi cu ang ghit ah na pha gui ne, changshäm ah na hmoh gui ne, mi laa gui phi avan lak khai gui nei” ciah ngai ci gui.

2 SAMUEL 9:10

Nang, na hta gui la na chang gui naw khawlo cu bi u ne, na bawi Saul ah kyongchang gui ah phäh ah khäm tawng ne, ei nami tu m’bei gui vai nei. Cun ung phi Mephibosheth läi cu angtäi sei kei ah tawnglang ung khin ah kyak khai nei” cik ci. (Ziba ung a htapa gha lei hma la a changshäm m’ku om ci.)

2 SAMUEL 9:13

Cun ah kyasei Mephibosheth, a khaw vang goi vei shum ciah chang cu, Jerusalem ah om ne, ghangpughang ah tawnglang ung angtäi sei ei awk ci.

JEREMIAH 52:33

Cun ah kyasei Jehoiachin cu thawng kyum sui ng’thawng sak neta, ani a ghin ah chuih ghangpughang ah ei nak ung a täng ah ei tuk ci.

ZEKHARIAH 7:9

“Cau pui shin ah ng’thumkhän cu chang gui am ka pe gui ci: ‘Nangmi naw taga nak bi pyi cu nami hmuh vai nei, Tumat la tumat ng’khawt gei nak la chimgein nak cu nami m’dang vai.

1 SAMUEL 20:15

acun ah mäih ah hläkhäm nak cu angtäi sei ka kyong khui ung na m’dang vai nei. Bawipa naw mi ga gui avan cu am di yawp ah a kyak ung,

1 SAMUEL 22:23

Kei awn a täng ah na om tu vai, kä na kyih vai, Saul naw nang la kei cu na ngawn hlü goi ci, cun ung phi nang cu kei awn a täng ah na phyawng khai,” cik ci.

2 SAMUEL 19:29

Ghangpughang naw, “Nang ung a i phi na pyen ba vai kä om ci. Saul ah khawh cham cu nang la Ziba naw nani ng’pai vai ah kei naw ka k’bäi pyi ci nei” cik ci.

2 SAMUEL 21:7

Cun ung phi ani la Jonathan naw theing ciah shaitak ani bi om ci kyasei, Saul a tu Jonathan ah hta, Mephibosheth cu David naw k’pawih nak ci.