2 SAMUEL 9:11 - Cho Bible Common Language 2016

¹¹ Ziba naw, “Nang bawi mang ah ng’thu k’bäi cu avan ka bik khai nei” cik ci. Cun ah kyasei Mephibosheth cu ghangpughang ah tawnglang ung ghangpughang ah hta ah mäih ah ei awk ci.

2 SAMUEL 9:11 Referans Kwoze

2 SAMUEL 19:26

Ani naw, “Ka bawi mang awi, na hmat ah mäih ah, kei cu ka shum ci. Kei naw ka changshäm, laa ung ana taih tu vai, cun ung nang awn a täng ah ka hteit tuk khai ka pyen nak ci. Cun ung phi, ani naw na m’hleei ci.

2 SAMUEL 19:17

Ani awn a täng ah Benjamin pakhui ungka chang phia gha law tuk ci gui. Saul changshäm kyong chang ungka Ziba phi a hta gha lei-hma la a changshäm m’ku awn a täng ah law tu u ne, Jordan tuinu pei, ghangpughang ah ma ah gawk lawk ci gui.

2 SAMUEL 9:10

Nang, na hta gui la na chang gui naw khawlo cu bi u ne, na bawi Saul ah kyongchang gui ah phäh ah khäm tawng ne, ei nami tu m’bei gui vai nei. Cun ung phi Mephibosheth läi cu angtäi sei kei ah tawnglang ung khin ah kyak khai nei” cik ci. (Ziba ung a htapa gha lei hma la a changshäm m’ku om ci.)

2 SAMUEL 9:12

Mephibosheth ung a hta ak hmaw Mika om ci. Ziba ah kyongchang avan cu Mephibosheth ah changshäm ah kya lawk ci gui.

2 SAMUEL 9:13

Cun ah kyasei Mephibosheth, a khaw vang goi vei shum ciah chang cu, Jerusalem ah om ne, ghangpughang ah tawnglang ung angtäi sei ei awk ci.

2 SAMUEL 19:24

Cun kawn ah Mephibosheth, Saul ah atu cu ghangpughang hmuk khai ah lawk ci. Ani cu Jerusalem ungka ghangpughang a hteh ungka naw näng ne a law ba ung khüt sei, a khaw kä m’si ne, am gawng mu kä k’teiu ne, a sui kä m’su ne om ciah kyak ci.

2 SAMUEL 15:15

Ngami naw, “Ä, bawi mang aw, kei mi cu na pyen nak phung ah hteh vai ah kami om ge ci nei.