2 SAMUEL 9:10 - Cho Bible Common Language 2016

¹⁰ Nang, na hta gui la na chang gui naw khawlo cu bi u ne, na bawi Saul ah kyongchang gui ah phäh ah khäm tawng ne, ei nami tu m’bei gui vai nei. Cun ung phi Mephibosheth läi cu angtäi sei kei ah tawnglang ung khin ah kyak khai nei” cik ci. (Ziba ung a htapa gha lei hma la a changshäm m’ku om ci.)

2 SAMUEL 9:10 Referans Kwoze

2 SAMUEL 9:7

David naw, “Kä na kyih vai, na pa Jonathan ah phäh ah kei naw nang cu ka ning m’gein khai nei. Na pughi Saul ah päng ah khaw avan ka ning pe ba khai, nang cu ka tawnglang ung angtäi sei ka ning dou khai nei” cik ci.

2 SAMUEL 19:28

Kapa ah kyongchang avan cu nang ka bawi mang naw sih nak na pek gui vai kyak ci. Cun ung phi nang naw na tawnglang ung ei tu vai ah na na pek ci. Nang bawi mang ung kei naw ka thäh ba vai cu a i phi kä om ci nei.”

LUKA 14:15

Bawipa Jesuh awn a täng ah pawi ung om tuk ciah chang tumat naw, cun ah ng’thu cu ng’ya netah, “Khanpughi ah uknak kho ah khin ei vai tuk ciah chang cu, yeikyai nak om ci” ci khätah;

2 GHANGPUGHANG GUI 25:29

Cun ah kyasei Jehoiachin cu thawng ung a suisak ng’thon ba sak u ne, a ghin ah chuih ghanpughang awn vun ne a täng ah ei tu sak ci gui.

2 SAMUEL 16:3

“Hawi ang Mephibosheth, na bawi Saul ah atu” cine ghangpughang naw ng’shik ci. Ziba naw, “Ani cu Jerusalem ah om ci nei, Ani naw, tuhbäi Israel chang gui naw ka pughi Saul ah uknak khaw cu na pek ba khai gui” cik ci.

2 SAMUEL 21:7

Cun ung phi ani la Jonathan naw theing ciah shaitak ani bi om ci kyasei, Saul a tu Jonathan ah hta, Mephibosheth cu David naw k’pawih nak ci.

1 GHANGPUGHANG GUI 2:7

“Cun ung phi Kilead ah ka Barzillai ah hta gui cu na m’gein gui vai, a i ah kyasei ci ung kei cu nami phäi Absalom kyih ne ka dawng sangung kei cu na m’gein ci gui.

JEREMIAH 52:34

Ani a ghin ah chuih a hnüüp tä sei, ang yak hlü ah a mang vai phi pek ci gui.

2 SAMUEL 19:18

Ngami cu tuinu kat u ne, bawi mang gui naw ami kah yah ung m’htei gui ci gui, cun kawn ah ghangpughang ah ang yak hlü phung cu bi pek ci gui. Ghangpughang cu tui kat ge khai ah kya khäta Shimei cu ghangpughang ah ma ah ng’phäi ne kawp neta