2 SAMUEL 9:1 - Cho Bible Common Language 2016

¹ Hnüüp ät ung David naw, “Saul ah kyongchang tumat mat om ba ne ang? A om ba ah akiak ung Jonathan ah phäh ah kei naw m’gein nak ka m’dang hlük ci nei” cik ci.

2 SAMUEL 9:1 Referans Kwoze

1 SAMUEL 20:42

Cun kawn ah Jonathan naw David am, “Khanpughi naw ning om püi sä. Nik ni naw ni bi ah theing ciah shaitak cu, nang la kei la, nang ah hta ng’shon la kei naw ng’hteicha sak khai nei,” cik ci. Cun kawn ah David hteit sei, Jonathan cu pigaw ah hteit ba ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

MAKUH 9:41

Kei naw akcang ka pyein cu, kei ah ng’düihpüi ah nami kyak cu a hmat nak awn nangmi-am tui m’yak ät ning tu gui ci cu, akcang ah m’khum taih ne gah tang nak om khai.

1 GHANGPUGHANG GUI 2:7

“Cun ung phi Kilead ah ka Barzillai ah hta gui cu na m’gein gui vai, a i ah kyasei ci ung kei cu nami phäi Absalom kyih ne ka dawng sangung kei cu na m’gein ci gui.

2 SAMUEL 1:26

“Nang ah phäh ah ka thüi ci nei, ka phäi Jonathan; Nang naw a i hlawk ah na na m’hni ci ang? Nang ah na m’hni cu i hlawk ah cäi vai ah kyak ci ang, Cun cu hnumi ah m’hni ah ta bä pi ci nei.

NG'THU K'THUUK~ 27:10

Na teihpüi la napa ah teihpüi cu kä na m’hnih vai, khüikha nak ung na gawk law ung, ning m’htei khai ah na phäi nau kä na k’thäh vai, nani ng’shawng ciah na phäi nau ah ta, na pei ah om ciah na im ng’phei naw, ning m’htei tuba hning khai.

MATTHE 10:42

Kei naw akcang ka pyein cu, kei ah kang khahpüi gui ung kaa, akhmaw pi-am tui k’gei m’yak ät tu ciah chang cu, kei ah kang khahpüi ah gah ah m’cümhnah nak cu, kä gah ah kä om khai.

2 SAMUEL 9:7

David naw, “Kä na kyih vai, na pa Jonathan ah phäh ah kei naw nang cu ka ning m’gein khai nei. Na pughi Saul ah päng ah khaw avan ka ning pe ba khai, nang cu ka tawnglang ung angtäi sei ka ning dou khai nei” cik ci.

2 SAMUEL 21:7

Cun ung phi ani la Jonathan naw theing ciah shaitak ani bi om ci kyasei, Saul a tu Jonathan ah hta, Mephibosheth cu David naw k’pawih nak ci.