2 SAMUEL 8:6 - Cho Bible Common Language 2016

⁶ Cun kawn ah ani naw ami khaw ung gakap hmun k’süm ci, ngami cu ani ah chang ah kya law u ne, phlam phi ani am pek ci gui. Bawipa naw David am a khawpäng ung näng nak pek ci.

2 SAMUEL 8:6 Referans Kwoze

2 SAMUEL 8:14

Ani naw gakap phung gui Edom khaw avan ung m’düih sei, cun ung chang gui cu ani ah chang ah kya lawk ci gui. Bawipa naw David cu khaw nü ung näng nak pek ci.

SAM 140:7

Hlüngtai ciah ka Bawipa, khüighat ciah ka shung nak, Nang naw ng’tuk nak ung na na shungvong ci.

2 SHONTÄP NAK 17:2

Ani naw a gakap gui cu Judah mang gaw gui ah ng’vongpaang gui, Judean khaw gawhta gui ung la Ephraim khaw gui ung Asa naw akhäm ah mang gaw gui ung tha gui ci.

2 SAMUEL 7:9

Kei naw na hteh nak phung ah ka ning om püi ci, na ma ah na ga gui avan kei naw ka hnim ci, kei naw nang cu khomdek khan ung däm pi ciah ng’vai gui ah mäih ah ng’mingthang khai ah ka ning pyang khai.

NG'THU K'THUUK~ 21:31

Nangmi naw ng’tuk bi nak vai ng’se nami gah ge khai, cun ung phi näng nak pek cicu Bawipa ah kyak ci.

1 SHONTÄP NAK 18:13

Ani naw gakap phung gui Edom khaw avan ung pyang sei, chang gui cu ghangpughang David ah ka ung om ci gui. Bawipa naw David am khaw nü ung näng nak pek ci.

2 SAMUEL 23:14

Cun yah ung David cu ng’mah nak ah kho gui ung om sei, Philistin bum ät naw Bethlehem cu khäm ci gui.

2 SAMUEL 8:2

Cun kawn ah Moab chang gui hnim gui ci. Ani naw thawng kyum gui cu m’dek ung ng’yän sak gui neta thum ungka hnih ci laih laih ngawn gui ci. Cun ah kyasei Moab chang gui cu ak chang ah kya u ne, phlam phi ani am pek ci gui.

2 SAMUEL 3:18

Tuhbäi, shin cu nangmi ah hmawk ah kyak ci. Bawipa ah ng’thu pyen cu nami shüm ba vai ‘Kei naw ka chang David cu, ka chang Israel gui Philistin gui la a hei ga avan ah kut ungka gung gui khai ah ka mang khai nei” cik ci.

1 SAMUEL 14:15

Cun ah khohmun ung om ciah Philistin gui cu cäcat yawp ci gui, ng’tuk bi ci gui la gakap gui cu phung kyong ah kyi ne htet ci gui; khomdek thüng ci, ak tung ah thünggüng nak om ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

1 SAMUEL 14:1

Hnüüp ät ung Jonathan naw a li k’htei gui kawt ciah chang nong am, “Philistin gui ah phung kan ne mi hteit khai nei” cik ci. Cun ung phi Jonathan naw apa Saul am kä m’thein ci.

1 SAMUEL 13:3

Jonathan naw, Geba ung philistin gabawi cu ngawn ci. Cun ah mawng cu philistin gui ami van naw ng’yak ci gui. Saul lah chang gui van naw ng’yak ci gui. Saul naw chang gui tüi gui ne, phyung puuk tum ne kho avan ung ng’shäu sak gui ne, ng’tuk nak ah ami law vai ah Hebrew chang gui khü sak gui ci.

2 SAMUEL 8:7

David naw Hadadezer ah bawi gui ah kawh ah ghui shawi gui cu khäm neta, Jerusalem ah hteh püi ci.

2 SAMUEL 10:19

Israel gui naw ami hnim gui cu, Hadadezer ah chang ah kyak ciah ghangpughang gui naw hmat law u neta, Israel gui awn dimdeeih nak bi u ne, ami chang ah kya lawk ci gui. Sirian gui cu Ammonit gui ami kuram ba gui vai ah kyi lawk ci gui.

1 GHANGPUGHANG GUI 4:21

Solomon ah uknak khaw ung Euphratis tuinu ungka naw Philistia la Egypt khawgi ung khüt ciah pakhui khaw avan ah kyak ci. Ngami naw ani am khaw phlam pe u ne, ani a ghin ah chuih a uknak ka ah om ci gui.

2 SAMUEL 5:10

Ani cu ang täih ah ng’ghaw tai lawk ci, a i ah kyasei ci ung hlüngtai ciah Bawipa Khanpughi naw om püi ci.

2 GHANGPUGHANG GUI 1:1

Israel ghangpughang Ahab a sih kawn ah Moab kho chang gui naw Israel cu ng’hnungtuk püi ci gui.

2 GHANGPUGHANG GUI 3:4

Moab ghangpughang Mesha naw htome gui vuh ci, ani naw a kum tä sei Israel ghangpughang am htome hta 100,000 la htome 100,000 amu cu pe lawk ci.

2 GHANGPUGHANG GUI 14:28

Jeroboam II naw a bi gui phung phung, m’gäi ne ng’tuk abi nak gui, Damaskas la Hamath cu Israel kho ung akhäm ba gui, avan cu Israel ghangpughang gui ah a mawng ca-uk ung guk ah kyak ci.

2 GHANGPUGHANG GUI 18:7

Cun ah kyasei ani cu Bawipa naw a täng ah om püi ci, a bi lawh phung ung m’khüt näng nak om ci. Ani naw Assiria uktubawi cu hnungtuk püi ne, ani ah ma ah kä ng’yom phung ci.

SAM 60:10

Keimi akcang ah na na hnu na gui khai ma? Keimi ah gakap gui awn atäng ah kä na ng’düi khai ma?