2 SAMUEL 8:2 - Cho Bible Common Language 2016

² Cun kawn ah Moab chang gui hnim gui ci. Ani naw thawng kyum gui cu m’dek ung ng’yän sak gui neta thum ungka hnih ci laih laih ngawn gui ci. Cun ah kyasei Moab chang gui cu ak chang ah kya u ne, phlam phi ani am pek ci gui.

2 SAMUEL 8:2 Referans Kwoze

KHEI NAK 24:17

Kei naw ngawi ah kaa vai ka teng ci, Israel pakhui cu ka hmuk ci. A cun ah pakhui ung ng’shü ciah aisi ah mäih ghangpughang tho lawk khai nei. Ani cu Israel chang ungka aisipa ah mäih lawk khai nei. Ani naw Moab ng’vaihta gui cu dep gui khai nei. Seth pakhui chang avan cu that gui khai nei.

SAM 60:8

Moab khaw cu tui ka ng’si nak ah kyak khai, Edom cu ka phahnak ah ng’leh nak ah kyak khai. Cun cu ka ka ah a kyak ah mawng ka m’hnüt nak ah kyak ci. Philistin chang gui naw kei ah khan ah ng’näng ne m’lau khai gui ah ngai u ne ma?”

2 SAMUEL 8:6

Cun kawn ah ani naw ami khaw ung gakap hmun k’süm ci, ngami cu ani ah chang ah kya law u ne, phlam phi ani am pek ci gui. Bawipa naw David am a khawpäng ung näng nak pek ci.

1 SAMUEL 10:27

Cun ung phi chang pyawipye gui naw, “Shin ah mi mät ah mäih chang naw a i hawi ah akni na bi pe gui hning khai aw?” cik ci gui. Ngami naw Saul cu päipih u ne, m’cümhnah nak a i phi kä law püi ci gui.

ISAIAH 36:16

Hezekiah cu känami ngaih en vai nei! Assirian ghangpughang naw ning thumkhän gui ci, mang gaw k’pung ah lut law ne nami ng’paa vai nei. Nami mät ah sapyit ung ka ak thih nami ei khai, nami mät ah thei ghing ung ka thei ei u ne, nami mät ah tui shawk ung ka tui nami awk khai —

SAM 108:9

Moab kho cu ka tui ng’si hlüng ah ka mang khai, Edom kho ung ka yung leh khai, kei naw ka khäm ah ka m’dang khai. Philistin kho ah khan ah näng nak awn ka m’lau khai” cik ci.

2 SHONTÄP NAK 26:8

Ammonit gui naw Uzziah am akhon pe law u sei, ani cu huham mah law ne, Egypt khaw güt ah ang ming thang lawk ci.

1 SHONTÄP NAK 18:2

Ani naw Moabit gui phi hnim gui sei, ngami cu ani ah kho ung om u ne phlam phi look ne thak law ci gui.

2 GHANGPUGHANG GUI 17:3

Assiria uktubawi Shalamanese naw ani cu ng’tuk püi ci, Shalamanese cu shung neta akum tä sei ani am k’phlam pek ci.

2 GHANGPUGHANG GUI 1:1

Israel ghangpughang Ahab a sih kawn ah Moab kho chang gui naw Israel cu ng’hnungtuk püi ci gui.

2 SAMUEL 12:31

Chang gui phi hlawh gui, k’tu shep, ghei shep la uk ng’shai cu ang ghit ah bi sak gui ci. Ani naw a hei Ammon gawnu gui ung chang gui phi acun ah bi sak gui ci. Cun kawn ah ani la a chang gui cu Jerusalem ah hteit ba ci gui.

1 SAMUEL 14:47

Saul naw Israel ghangpughang ah a kyak law kawn ah akhaw päng ung a ga gui avan cu tu gui yawp ci: Ammon la Edom, Moab chang gui, Zobah la Philistin ghangpughang gui. Atuk nak päng ah ani cu näng ci.

SAM 83:6

Edom chang gui, Ishmaelit gui; Moab chang gui la Hagrits gui;

1 SAMUEL 22:3

David cu a cun ungka naw Moab khaw Mizpah ah hteit ne, Moab ghangpughang ah ma ah, “Na bä ni, Khanpughi naw kei ah phäh ah a i abi law kä ka hmuh pha a chuih kanu la kapa cu law ne nang awn a täng ah om tu ni sä,” cik ci.

1 SAMUEL 22:4

Cun ah kyasei David naw anu pa gui cu Moab ghangpughang ah nawng shüt gui sei, David khui ung ang thuh ah chuih aca om tuk ci gui.

1 GHANGPUGHANG GUI 4:21

Solomon ah uknak khaw ung Euphratis tuinu ungka naw Philistia la Egypt khawgi ung khüt ciah pakhui khaw avan ah kyak ci. Ngami naw ani am khaw phlam pe u ne, ani a ghin ah chuih a uknak ka ah om ci gui.

SAM 18:45

Ngami cu ami k’tha maih sei ami ng’yii nak ung ka ng’hlet ne lut lawk ci gui.

SAM 60:10

Keimi akcang ah na na hnu na gui khai ma? Keimi ah gakap gui awn atäng ah kä na ng’düi khai ma?