2 SAMUEL 8:18 - Cho Bible Common Language 2016

¹⁸ Jehoiada ah hta Benaiah cu David ngäng ciah bawi ng’vai pi ah kyak ci, David ah hta gui cu taigü ah kyak ci gui.

2 SAMUEL 8:18 Referans Kwoze

1 SAMUEL 30:14

Keimi naw Judah khaw a htumtäng Cherethit gui ah khaw la Kaleb pahta gui ah khaw cu tu ne, Ziklak gawnu cu kami m’khih ci nei,” cik ci.

1 SHONTÄP NAK 18:17

Jehoiada ah hta Benaiah cu David ngäng ci ung angvaipi ah kyak ci; Ghangpughang David ah hta gui cu ani ah bii binak ung ak hlüng gui ah kyak ci gui.

2 SAMUEL 20:23

Joab cu Israel gakap ah gabawi ah kyak ci; Jehoiada ah hta Benaiah cu David ngäng ci gui ah bawi ah kyak ci.

2 SAMUEL 20:7

Cun ah kyasei, Joab ah chang gui, bekhüt ciah chang ngäng gui, la gakap gui ami van cu Jerusalem ungka Abishai awn Sheba ah hnu ah hteit ci gui.

2 SAMUEL 15:18

Abawi avan cu ani tawi ne ng’düi ci gui, bekhüt ne ani ngäng ciah chang gui cu ma ne, ama ung hteit ci gui. Gath ungka ani läk lawk ciah gakap phia chuk phi ma ne hteit ci gui.

1 GHANGPUGHANG GUI 1:44

Ani naw Zadok, Nathan, Benaiah la mang im ngäng gui cu ani m’htei khai gui ah tüi gui ci nei. Ngami naw ani cu ghangpughang ah ng’sela ng’cum sak ci gui.

1 GHANGPUGHANG GUI 1:38

Cun ah kyasei Zadok, Nathan, Benaiah la mang im ngäng gui naw Solomon cu ghangpughang David ah ng’sela ung ng’cum sak neta Kihon tuihta ah hteh püi ci gui.

ZEPHANIAH 2:5

Tuikem ah om ciah Philistin gui, nangmi cu nami ng’yiin ci. Bawipa naw ning m’kyuk gui ci. Ani naw ning m’di gui yawp khai, a u phi kä nami k’pawih ba khai.

EZEKIEL 25:16

Cun ah kyasei kei naw ka ng’shäu ci, kei naw Philistin gui cu tu gui ne ka nawtheng gui khai. Philistin kho dou ung om ci ng’nü cu kei naw ka m’di gui khai.

1 GHANGPUGHANG GUI 4:4

Gakap bawi: Jehoiada ah hta Benaiah Taigü gui: Zadok la Abiatha

2 SAMUEL 20:26

Jaira gawnu ungka Ira cun phi David ah taigü tumat ah kyak ci.

1 GHANGPUGHANG GUI 1:8

Cun ung phi taigü Zadok, Jehoiada ah hta Benaiah, prophet Nathan, Shimei, Rei la David ngäng ciah chang gui cu Adonijah täng ah kä kya tuk ci gui.

1 GHANGPUGHANG GUI 2:25

Cun ah kyasei Solomon naw Benaiah cu ng’thu k’bäi sei, ani naw hteit ne Adonijah cu ngawn ci.

1 SHONTÄP NAK 11:22

Kabzeela ah ka Jehoiada ah hta Benaiah cu mingthang ciah gakap ah kyak ci; ani naw akda vei m’gäi nak bik ci, dämduh ciah Moabit gakap hnih ngawn ci. Hnü ät ung khüi a bawk hnüüp ung ani cu kawng ah khui ung lut ne phongkawng tumat ngawn ci.

1 GHANGPUGHANG GUI 4:5

Khawpäng uktu gui: Nathan ah hta Azariah Mang Im uktu: Nathan ah hta taigü Zabud

2 GHANGPUGHANG GUI 11:4

Akum chih nak ung taigü Jehoiada naw ghangpughangnu ngäng ciah bawi gui, mang gaw ngäng gui cu Taigüim ah khü gui neta, am hnüt bäi ah täng ah ami bi vai ah yum sak gui ne thukhän sak gui ci. Ani naw ghangpughang Ahaziah ah hta Joash cu m’hnuh gui neta,