2 SAMUEL 8:15 - Cho Bible Common Language 2016

¹⁵ David naw Israel khaw avan uk ci, ak chang gui cu ng’cim htaih ne taga khai ah ng’htei ne bik ci.

2 SAMUEL 8:15 Referans Kwoze

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

SAM 89:14

Na uknak khaw cu düngnak la ng’müi nak ung na k’süm ci nei; m’hni nak la bekhüt nak cu na bi nak phung ung dang ci nei.

SAM 72:2

Cun ah kyasei ani naw na chang gui cu ni nak awn uk gui ne, dukhaih ci gui cu düng ci gui cu düng nak awn m’htei gui khai.

AMOS 5:24

Cun nak vaisü ung taga ciah tuihta ah mäih ah long vä, kä ket hlawt ciah tuinu ah mäih ah ng’düng vä.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

SAM 75:2

Khanpughi naw, “M’kho m’cha nak vai ah khin cu kei naw k’bäi ne, düng nak awn ka m’khoi m’chak khai nei.

1 SHONTÄP NAK 18:14

David naw Israel khaw avan uk ne, angtäi sei a chang gui cu bä ne taga khai ah om püi gui ci.

2 SAMUEL 5:5

Ani naw Hebron ung om ne Judah cu khaw kum chih la avang ung uk ci, Jerusalem ung om ne Israel la Judah cu khaw kum thumkip-lei thum ung uk ci.

2 SAMUEL 3:12

Abner naw David ah ng’shä tüi ci, ani cu cun yah ung Hebron ah om ci. Ani naw ng’shä am cäi cu, “Shin ah khaw a u naw uk khai ang? Kei awn ngün kyük nak na bi vai nei, Israel khaw avan na näng vai ah nang täng ah om ne ka ning bawm khai nei,” ciah kyak ci.

HEBRU 11:33

Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

2 SAMUEL 8:14

Ani naw gakap phung gui Edom khaw avan ung m’düih sei, cun ung chang gui cu ani ah chang ah kya lawk ci gui. Bawipa naw David cu khaw nü ung näng nak pek ci.

2 SAMUEL 8:16

Zeruiah nu nak ciah Joab cu gakap ah gabawi ah kyak ci; Ahilud ah hta Johoshaphat cu yung bawi ah kyak ci;

1 GHANGPUGHANG GUI 10:9

Bawipa na khanpughi cu m’tamkhah ä! Ani naw Israel ghangpughang ah ning pyang ne, nang awn a täng ah a om ah phäh ah a i hlawk ah a yeikyai cu m’dang ci nei. A i ah kyasei ci ung ani naw Israel am hni nak cu angtäi ah kyak ci, ani naw nang cu ami ghangpughang ah ning pyang ci, nang naw thukhän la taga nak cu na bi hning ci.”

SAM 119:121

Ng’düng nak la ni nak cu ka bi pyi ci nei; ga gui ah kut ung kä na nawng en ä!

1 SAMUEL 14:47

Saul naw Israel ghangpughang ah a kyak law kawn ah akhaw päng ung a ga gui avan cu tu gui yawp ci: Ammon la Edom, Moab chang gui, Zobah la Philistin ghangpughang gui. Atuk nak päng ah ani cu näng ci.

2 SAMUEL 15:3

Absalom naw, “Teng ä, thukhän cu nang täng ah om ci nei, cun ung phi nang ah cuhcan ah mawng ng’yak khai ah ghangpughang ah chang m’düih kä om ci nei.

2 SAMUEL 20:23

Joab cu Israel gakap ah gabawi ah kyak ci; Jehoiada ah hta Benaiah cu David ngäng ci gui ah bawi ah kyak ci.

1 GHANGPUGHANG GUI 4:1

Solomon cu Israel avan ah ghangpughang ah kyak ci,