2 SAMUEL 8:11 - Cho Bible Common Language 2016

¹¹ Ghangpughang David naw cun ung cu khawihnah nak ung mang vai ah ap ci. A hei pakhui gui näng ne a gah ah ghui ngui gui phi khawihnah nak ung ap ci, cun ah pakhui gui cu —

2 SAMUEL 8:11 Referans Kwoze

1 GHANGPUGHANG GUI 7:51

Ghangpughang Solomon naw Taigüim ung bilawh gui avan pyi neta, apa David naw Bawipa am a ap gui avan ngui ni, ghui ni, a hei khawh gui avan cu Taigüim khawh tha nak ah akhaan ung tha ci.

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

1 SHONTÄP NAK 29:2

Kei naw k’tha na cang ne Taigüim cawh nak vai gui cu ka pawng püi ci-cun gui cu, ghui, ngui, kyei, m’sii, sing, lung aküi gui, la pyü ling gui, lung chei gui, la K’tou lung akda gui ah kyak ci.

1 SHONTÄP NAK 18:11

Ghangpughang David naw cun gui cu ani naw anäng ah chang pakhui gui — Edom, moabm Ammon, Philistia la Amalek ungka alak ah ghui ngui gui mah ah khawihnah nak ung mang vai ah ap ci.

2 SAMUEL 8:10

Cun ah kyasei ani naw a hta Joram cu Ghangpughang David yavaih khai ah tüi law ne, Hadadezer ah khan ah ang näng ah phäh ah yeikyai nak pyen lawk ci. Hadadezer cu Toi awn akda vei ng’tu man ci goi ah kyak ci. Joram naw David am ghui ni, ngui ni, kyei ni awn pyan ah m’cümhnah gui pe lawk ci.

2 SHONTÄP NAK 5:1

Ghangpughang Solomon naw Taigüim ung bi vai gui cu pyi phleh neta, apa David naw Bawipa am a ap ah ngui ni, ghui ni la a hei gui avan cu Taigüim khawh gim nak ah khan ung tha ci.