2 SAMUEL 8:1 - Cho Bible Common Language 2016

¹ Api shou hta khäta Ghangpughang David naw Philistin gui cu tuba gui mä ci, ani naw hnim gui ne, khaw ami uknak cu ng’pyi sak ci.

2 SAMUEL 8:1 Referans Kwoze

2 SAMUEL 7:9

Kei naw na hteh nak phung ah ka ning om püi ci, na ma ah na ga gui avan kei naw ka hnim ci, kei naw nang cu khomdek khan ung däm pi ciah ng’vai gui ah mäih ah ng’mingthang khai ah ka ning pyang khai.

2 SAMUEL 2:24

Cun ung phi Joab la Abishai naw Abner cu läk lawk ci goi, hni a hang kyak law vai ung Ammah kho gui ah gawk lawk ci gui, cun cu Giah ah kiang lam, Gibeon bung ah hteh ah lam khan ah om ci.

HEBRU 11:33

Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

2 SAMUEL 19:9

Khaw avan ung tün ne ami mät gui ng’vaw ng’shang ci gui. Ngami ami mät gui ng’htau u ne, “Ghangpughang David naw mi ga gui ungka na hun gui ci, Ani naw Philistin gui ah kut ungka na gung gui ci, cun ung phi tuhbäi Absalom kyih ne dawng ne mi khaw nawng shüt ci nei.

2 SAMUEL 22:44

Kei na ng’tuk püi ciah chang gui ungka, na na k’phyawn ci. Chang pakhui gui ah khan ah ka uknak na gawk sak ci. Kei naw kä ka hmat gui ah chang gui phi, tuhbäi ka chang ah kya lawk ci gui.

SAM 18:43

Na ng’küüt neet püi ciah chang gui ung na na hun ci; Pakhui päng ka uk khai ah na na pyang ci. Kä ka hmat man ah chang phi ka chang ah kya ci.

SAM 60:8

Moab khaw cu tui ka ng’si nak ah kyak khai, Edom cu ka phahnak ah ng’leh nak ah kyak khai. Cun cu ka ka ah a kyak ah mawng ka m’hnüt nak ah kyak ci. Philistin chang gui naw kei ah khan ah ng’näng ne m’lau khai gui ah ngai u ne ma?”

1 SAMUEL 7:13

Cun ah kya ne Philistin gui cu ami m’di gui, Bawipa naw shungvong gui sei, Samuel a ghin ah chuih Israel khaw cu kä tu law ba ci gui.

2 SAMUEL 5:17

Israel ghangpughang ah David a kyak law cu Philistin gui am m’thein gui ci gui, cun ah kyasei ami gakap m’cääp ne ani tuk vai ah pawng ci gui. David naw cun cu ng’ya neta, khäng ciah ng’shung nak ung hteit ne om ci.

2 SAMUEL 5:25

David naw Bawipa ah pyen ah mäih ah bik ci, ani naw Philistin gui cu Keba ka naw Keyera ung khüt sei k’täm gui ci.

SAM 60:2

Khomdek cu thüng sak ne, na ng’bo sak ci; Tuhbäi ami ng’bo nak gui cu, cüm ba sak gui ä. Ami gai cu m’tui ä, a i ah kyasei ci ung, ani cu ng’gäi pyi ci nei.