2 SAMUEL 7:8 - Cho Bible Common Language 2016

⁸ Kei A hlüngtai Bawipa naw ka pyen nak cu, ka changshäm David am m’thein ä, “Lo ah hto na shäm nak ungka kei naw ka ning lak ci, ka chang Israel gui uktu ah ka ning pyang ci.

2 SAMUEL 7:8 Referans Kwoze

2 SAMUEL 12:7

Nathan naw David am, “Nang cu cun ah chang nei. Shin cu Israel ah Bawipa Khanpughi ah ng’thu nei: “Kei naw nang cu Israel ghangpughang ah ka ning hmoh ci, Saul ah kut ungka, ka ning gung ci.

2 SAMUEL 6:21

David naw, “Kei cu Bawipa m’tam ne ka ng’lam ci nei, ani naw na pa la akyong chang gui ah hnün ung na ghü ne, Israel chang gui ah matawn ciah na pyang ci nei.

1 SHONTÄP NAK 17:7

“Ka changshäm David am m’thein vä, kei M’gäi ciah Bawipa naw, ka pyen nak ci nei,” kei naw bung ah htome na shäm nak ungka ning la ne, ka chang Israel gui ah uktu ah ka ning pyang ci nei.

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

1 SAMUEL 9:16

am “Ngawi ung a tuhbäi chü, Benjamin pakhui ung ka chang tumat ka ning tüih lawk khai, ani cu Israel chang uktu ah na phyuh theh vai nei, ani naw Philistin gui ung ka phyawn gui khai nei. Kei naw ka chang gui ah gein vai nak cu hmu ne, m’htei gui vai ah ami kyah cu ka ng’yak ci nei.”

LAMKTU 7:46

David cu Khanpughi ah ma ah a hmai kiang ci kiah neh Jakob ah Khanpughi ah a om nak vai Taigüim cu Khanpughi naw a cawh sak vai ah ng’thäh ne taigü ci.

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

2 SAMUEL 23:1

Jesse ah htapa David cu Khanpughi naw a dämduh sak ah chang ah kyak ci, ani cu Jakob ah Khanpughi naw ghangpughang ah a ghü ah kyak ci, ani cu Israel chang gui ah phäh ah ng’äi k’kiom gui pyang ciah kyak ci. Shin gui cu David ah ak hnu ah angthu gui:

2 SAMUEL 24:17

David naw chang gui ngawn ciah khanchang cu hmu neta, Bawipa ah ma ah, “Kei cu hma ciah ka kyak ci, kei cu cheishoh ci bi ciah chang tumat ah ka kyak ci. Shin ah chang dukhaih gui naw a i ang ami bi? Nang naw kei la ka kyong khui cu na m’kyuk hning ci nei” cik ci.

1 GHANGPUGHANG GUI 3:6

Solomon naw, “Nang naw angtäi sei, na changshäm kapa David ung dämduh ciah m’hni nak cu na m’dang ci. Ani cu nang ung ang mätyah nak awn ni ne, bekhüt ne, düng ciah kyak ci. Nang naw k’täi ne, amät ah hnün ung tuhngawi uk ba khai ah htapa pe ne, dämduh ci la ng’täi ciah na m’hni nak cu na m’dang ci.

1 GHANGPUGHANG GUI 8:16

‘Kei naw ka chang gui Egypt ah ka, ka law püi ba gui yah ung, kei na khawihnah nak vai ah Taigüim cawh nak vai ah, Israel khaw avan ung a i mang gaw phi kei naw kä ka ghü ci. Cun ung phi, David aw, ka chang gui na uk vai ah kei naw ka ning ghü ci nei” cik ci.

1 SHONTÄP NAK 21:17

David Taigü ne, “O Khanpughi, kei cu hma khai ah bik ciah ka kyak ci nei. Kei naw chang ami khei vai ah thu ka k’bäi ci nei, shin ah dukhaih ciah chang gui naw a i ang ami bi? Bawipa ka Khanpughi, kei la ka kyong chang cu na m’kyuk gui ä, na chang gui cu k’phyawn gui ä” cik ci.

2 SAMUEL 5:2

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”

2 SAMUEL 14:13

Hnumi naw ani am, “A i ah kyasei nang naw shin ah mäih ah chei shoh nak cu Khanpughi ah chang ah khan ah na bi ang? Nang naw na mät ah hta cu omk’tu khaw ah kaa, a law ba vai ah kä na ng’kiaa ci, cun ah kyasei nang cu tuhbäi na ng’thu awn na mät naw na mät na m’kyuk ci.

AMOS 7:15

Cun ung phi htoshäm bii ka bi nak ungka Bawipa naw na k’thäh ne, hteit ne a chang gui Israel gui ka k’cä gui vai ah na k’bäi ci.