2 SAMUEL 7:3 - Cho Bible Common Language 2016

³ Nathan naw, “Na m’lung kyong ah om ci phung na bi vai, a i ah kyasei ci ung Bawipa cu nang awn a täng ah om ci,” cik ci.

2 SAMUEL 7:3 Referans Kwoze

1 SHONTÄP NAK 22:7

David naw ani am, “Ka htapa aw, kei naw Bawipa ka Khanpughi m’tamkhah nak ah Taigüim ka co hlük ci nei.

1 SHONTÄP NAK 28:2

David naw ami ma ah ng’düi neta ng’thu a pyen cu: “Kei ah ka khaw chang gui, na ng’ngai vä. Kei naw Bawipa mi Khanpughi naw a khaw ataih nak ah kiah ciah Thukhän m’küm angtäi sei tha nak vai ah im cu ka co hlük ci nei. Kei naw ani m’tamkhah nak vai ah Taigüim cawh vai ah ka pawmhtein pyi ci nei,

2 GHANGPUGHANG GUI 4:27

Cun ung phi Elisha ah a gawk law kawn ah ama ah kawp ne a khaw cu k’pang ci. Kehazi naw k’täm hlük ci, cun ung phi, Elisha naw, “Nawng en ä, ani am lung a thüi nak cu nang naw kä na hmu ne ma? A cun ah mawng cu Bawipa naw a i kä na m’thein ci nei” cik ci.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

SAM 37:4

Yeikyai nak cu Bawipa ung shui vä, Ani naw nami m’lung ah ng’yak hlü cu ning pe gui khai.

SAM 20:4

Na ng’yak hlü cu ani naw ning pe sä, Na pawngpüi avan na näng vai ah ning pyang sä.

1 SAMUEL 10:7

Shin gui a kyak law ung Khanpughi naw na bi vai a ning m’shüm phung cu na bi vai.

2 SAMUEL 7:4

Cun ung phi cu mü Bawipa naw Nathan a pyen nak cu,

1 SAMUEL 14:7

Cun ah chang nong naw, “Na bi nak hlü phung ung, nang awn a täng ah ka om khai” cik ci.

1 GHANGPUGHANG GUI 1:8

Cun ung phi taigü Zadok, Jehoiada ah hta Benaiah, prophet Nathan, Shimei, Rei la David ngäng ciah chang gui cu Adonijah täng ah kä kya tuk ci gui.

1 SHONTÄP NAK 29:29

David ghangpughang ah a mawng tün nak ungka naw ang pyi nak ung khüt sei, prophet gui thum ah ca ung ami guk ah kyak ci, cun gui cu Samuela, Nathan, la Kad ah kyak ci.

2 SHONTÄP NAK 29:25

Ghangpughang ah prophet Kad la prophet Nathan ungka naw Bawipa naw ghangpughang David am a pek ah m’shümthein nak gui cu ghangpughang naw läk ci. Levit gui cu tingtäng la ng’sheei gui pe gui ne Taigüim ung tha gui ci.