2 SAMUEL 7:26 - Cho Bible Common Language 2016

²⁶ Nang ming cu dämduh khai, chang gui naw ngawi yä pyen khai gui, ‘Hlüngtai ciah Bawipa cu Israel avan ah Khanpughi nei! Nang naw kei ah hta ng’shon cu ak phlüt ah na ngäng khai.

2 SAMUEL 7:26 Referans Kwoze

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

JOHAN 12:28

Cun ung phi kei cu shin ah caiya nak ah a khin cu ka aut khai ah ka lawk ci nei. O Kapa, Na ming theing ung na bämang nak dang sak ä” cine kyak ci. Acun vai-am Khankho ah kaa thang lawk ciah k’aw naw, “Kei naw ka ming theing ah bämang nak cu kang dang sak pyi ci nei, cun kawn ah phi ka dang sak ba khai nei” cine pyein ci.

SAM 115:1

Nang bäng ung, O Bawipa, Nang bäng ung, keimi ung ah kä kyak ci, Na bämang nak cu om khai nei, a i ah kyasei ci ung ng’täi ciah nam hni nak la na bekhüt ah hmawk ah kyak ci.

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

ATÜNNAK 17:18

Abraham naw, “A i ah kyasei Ishmaela naw ka pakhui kä ah m’düng hning vai ang?” cine ng’shik ci.

2 SAMUEL 7:25

Tuh bäi, Bawipa Khanpughi naw, kei la ka hta ng’shon ah mawng na shaitak cu ak phlüt ah na be sak ci, na pyen ah mäih ah na bik ci nei.

1 GHANGPUGHANG GUI 18:36

Khaw k’awi täng khawihnah nak ah khin ung prophet Elijah naw sonkiang pei ah law neta ak taigü cu, “O Bawipa, Abraham, Issak, Jakob ni ah Khanpughi, Israel gui ah Khanpughi ah na kyak ah mawng, kei cu na na changshäm ah ka kyak ah mawng, shin gui avan nang ah thumkhän awn ka bi ah mawng cu tuhbäi m’dang law ä.

1 GHANGPUGHANG GUI 18:37

Na m’shang ä, Bawipa na m’shang ä, cun ung shin ah chang gui naw nang cu Bawipa, Khanpughi ah na kyak ah mawng la na mät ung na law püi ba gui ah mawng cu hmat khai gui nei.”

SAM 61:7

O Khanpughi, nang ah ma ung ani naw uk lä sä; Na m’hni nak la na bekhüt nak awn shungvong ä.