2 SAMUEL 7:23 - Cho Bible Common Language 2016

²³ Khomdek khan ung Israel ah mäih a hei pakhui kä om ci, na mät ah chang ah na pyan gui vai ah khleihtein ungka, na gun gui ah kyak ci. Küikyang ci la cäicat vai gui, ngami ah phäh ah na bi gui cu khomdek khan avan ung püi ne gawk ci nei. Na mät ah chang gui vai ah Egypt ungka na m’hlawt ah chang gui ah ma ah, a hei pakhui gui la ami khanpughi gui cu nang naw na k’täm gui pyi ci nei.

2 SAMUEL 7:23 Referans Kwoze

THULÄÄN NAK 10:21

Ani cu m’taam vä. Ani cu nami Khanpughi nei. Ani naw nangmi ah hmawk ah abi ah dämduh ne cäicat vai kyak ci gui cu nangmi naw nami mik awn nami hmu pyi ci nei.

THULÄÄN NAK 9:26

Cun kawn ah kei ka taigü ci, uk ciah Bawipa, na mät ah chang gui cu kä m’di gui ä, ngami cu dämduh ciah na thagui la na huham awn gung gui ne, Egypt khaw ah ka na law püi ba gui ah kyak ci nei.

SAM 147:20

Ani naw shin gui cu chang khuihei ung kä bik ci; ngami naw ani ah thukhän kä hmat ci gui. Bawipa cu m’tam nei!

SAM 111:9

Ani naw a chang gui cu phyawn sak gui ne, ng’täi ciah thumkhän cu be püi gui ci. Theingcim ne m’gäi cicu ani nei!

NEHEMIAH 1:10

“Bawipa, shin gui cu nang ah chang gui nei, namät ah chang gui nei. Nang naw dämduh ciah na huham la k’thagui awn na gun gui nei.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

THULÄÄN NAK 15:15

Nangmi cu Egypt khaw ah changshäm ah kya u ci sei, Bawipa nami Khanpughi naw a ning m’hlawt gui cu nami shüm ba vai nei. Cun ah kyasei kei tuhbäi a shin ah thumkhän ka ning pek gui ah kyak ci.

EZEKIEL 20:9

Cun ung phi cun naw kei ah ka ming cu thang m’shet khai kyasei cun ah kä ka bik ci. A i ah kyasei ci ung Israel gui cu Egypt ah akpung ah ka hteh püi gui khai cine, ami om nak tu ah chang gui ah ma ah ka ng’shäu pyi ah kyak ci.

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

SAM 145:6

Chang gui naw m’gäi ciah na bilawh gui cu pyen khai gui, kei naw na dämduh nak cu ka ng’shäu khai.

SAM 65:5

Nang naw näng nak na pe gui ne, na na m’shang gui ci, cäicat vai bi ne na na hun gui ci. M’dek khan ah om ciah chang avan la tui ah m’cha nak ah om ci gui naw phi ning ngaih u ci gui nei.

1 SHONTÄP NAK 17:21

Nang naw khleihtein ungka gung gui ne, namät ah chang ah na pyan gui ah Israel gui ah mäih chang pakhui cu, khomdek khan ung kä om ci nei. Nang naw ngami ah phäh ah dämduh ne cäicat gui vai na bi cu khomdek khan avan ung mingthang ci nei. Nang naw na chang gui cu Egypt khaw ungka gung gui nei, na chang gui ah hteh nak vai ah a hei chang pakhui gui cu na k’täm ci nei.

JOSHUA 7:9

Kanaanit gui la shin ah khaw ung chang nü naw, cun ah mawng cu ng’yak ci gui nei. Ngami naw na khaai gui u ne, kami van na ngawn gui khai gui nei. Na ming küi m’küih nak vai ah a i na bik khai aw?”

PHYAWN NAK 12:12

“Cun ah mü ung Egypt khaw avan yäu ne ka hteit khai, chang gui la seime gui ah hta htük gui phung ka ngawn khai. Egypt gui ah khanpughi gui avan ka m’kyuk khai. Kei cu Bawipa nei.

PHYAWN NAK 9:16

Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

SAM 106:22

A cau ah abi gui cu cäicat vai ah kyak ci nei! Tuisen tuinu ah abi gui cu ngaih khit vai ah kyak ci nei!

KHEI NAK 6:27

Bawipa naw, “Israel chang gui ah khan ah kei ah ming cu, hriham ah kyak ciah ngami naw ami ng’shäu ah a kyak ung, kei naw hriham ka pe gui khai.”

JEREMIAH 32:21

Cäi-aih nak gui vai la cäicat nak gui vai awn mi ga gui cu kyihkyawk sak gui ne, nang naw na chang gui Israel gui Egypt khaw ah kaa law püi ba nak gui vai ah na huham la na m’gäi nak cu na mang ci

PHYAWN NAK 6:7

Nangmi cu ka mät ah chang ah ka ning pyang gui khai, kei cu nangmi ah Khanpughi ah ka kyak khai. Egypt khaw, khleihtein ungka ka ning m’hlawt gui kawn ah, kei cu Bawipa, nami na Khanpughi ah nami hmat khai nei.

PHYAWN NAK 9:15

Kei naw ka kut shäng ne nang la na chang gui cu ka shetkat sak gui khai, nang phi ang müi ah ka ning m’di khai.

PHYAWN NAK 33:16

Keimi awn a täng ah kä na hteh ah a kyak ung, na chang gui na yei nak ah mawng la kei na na yei nak ah mawng, a i cha ah a u naw hmat khai aw? Keimi ung na om ah mawng naw m’dek khan ung chang hei gui awn na ng’lakmah sak gui khai nei.

2 SAMUEL 7:24

Nang naw Israel gui cu ngawi yä na chang ah na pyang gui ci nei, Nang, Bawipa cu ami Khanpughi ah na kyak ci nei.

SAM 44:3

Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

JEREMIAH 32:20

Cau pui nang naw Egypt khaw ah cäicih gui vai la cäicat gui vai vu na bik ci, nang naw na bi gäk gäk ci, cun ah kyasei tuhbäi ung nang khaw nü ung ning hmat ci gui.