2 SAMUEL 7:22 - Cho Bible Common Language 2016

²² A i hlawk ah na dämduh ci ang, uktu Bawipa! Nang ah mäih a u kä om ci; keimi naw angtäi sei kami hmat ci, nang bäng Khanpughi ah na kyak ci.

2 SAMUEL 7:22 Referans Kwoze

SAM 86:10

Nang cu m’gäi ne cäi aih vai gui na bik ci. Nang bäng cu Khanpughi ah na kyak ci nei.

SAM 86:8

O Bawipa, nang ah mäih ah Khanpughi a u kä om ci nei, nang ah bi ah mäih ah bik ci a u kä om ci nei.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

1 SHONTÄP NAK 16:25

Bawipa cu dämduh ci kiasei, ak hlüng ah m’hlümtai vai nei, Ani cu Khanpughi gui avan ah ta m’tamkhah pi vai nei.

ISAIAH 45:5

“Kei cu khanpughi nei; cun kawn ah ahei khanpughi kä om ci. Nang naw kei cu kä na na hmat pang ung phi, kei naw nang ung hlü ciah thamah nak cu ka ning pek khai.

THULÄÄN NAK 3:24

‘Uktu Bawipa, Nang naw na bilawh vai ah dämduh ci la cäicat vai gui ah angtün nak vah, nang naw na na hmuh sak ciah kei naw ka hmat ci nei. Nang naw na bi ah mäih aküikyang gui bi hning ciah khanpughi, khankho la khomdek ung kä om ci nei.

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.

SAM 89:8

M’gäi ciah Bawipa Khanpughi, nang ah mäih ah m’gäi ci a u kä om ci nei. O Bawipa, a mawng avan ung nang cu na bekhüt ci nei.

SAM 89:6

Bawipa, khankho ah nang ah mäih tumat phi kä om ci; Nang awn täng ciah khankho chang a u kä om ci.

SAM 96:4

Bawipa cu dämduh ci kya sei, ak hlüng pi ah m’taam vä; Ani cu khanpughi gui avan ah khan ah m’taam khah vai kyak ci nei.

THULÄÄN NAK 4:35

Bawipa naw shin cu ning hmuh sak gui ci, nami hmat vai cu, ani bäng Khanpughi om ci.

ISAIAH 40:18

Khanpughi cu a u awn m’täng vai ang? Ani a i ah mäih lawk ci, ci cu, a i cha ah m’dang vai ang?

SAM 48:1

Bawipa cu küikyang ci kyasei, a khomhtung theing, mi Khanpughi mang gaw ung ak hlüng tai ah m’taam khah vai nei.

SAM 145:3

Bawipa cu dämduh ci kyasei, ak hlüngtai ah m’tamkhah vai nei; a dämduh nak cu kä hmat hlawt yawp vai kyak ci nei.

SAM 135:5

Mi Bawipa cu dämduh ciah kei naw ka hmat ci, khanpughi gui avan ah dämduh pi ci.

SAM 44:1

O Khanpughi, Cau pui pui ak küikyang na bi lawh gui ah mawng cu kami pupa gui naw pyen u sei, kami hnga awn kami ng’yak ci nei:

EZEKIEL 36:22

“Cun kawn ah tuhbäi, kei, uktu Bawipa ungka ngami ah phäh ah ng’thu cu Israel gui am pe gui ä: Kei naw nami hteh nak ah kho nü ung gui ah phäh ah kä kyak ci, nangmi naw nami hteh nak ah kho nü ung thu ng’aa nak vai ah nami bi ah kei ah ka ming theing ah phäh ah kyak ci.

ISAIAH 45:22

“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

ISAIAH 40:25

Theingcim ciah khanpughi cu a u awn m’täng hning vai aw? Ani awn täng ci a u baw om ne ang?

2 SHONTÄP NAK 2:5

Kei naw dämduh ciah Taigüim cawh vai ah ka pawng ci, a i ah kyasei ci ung keimi ah Khanpughi cu a hei khanpughi gui ah a dämduh pi ah phäh ah kyak ci.

THULÄÄN NAK 32:39

Kei, Kei bäng Khanpughi, A hei a i Khanpughi phi akcang kä om ci. Kei naw ngawn ne ghin nak ka pe ba ci, Kei naw phleim ne kam tui ba ci, Kei ah bi cu a u naw kä hnungtuk hlawst khai.

EZEKIEL 36:32

Israel, kei naw nami hmat vai ah ka ng’yak hlü cu, kei naw shin gui shi nangmi ah phä ah ka bi ah kä kyak ci nei. Kei naw ka ng’yak hlü cu nami bilawh ah phäh ah nami thui hmai lüng’aa vai ah kyak ci nei. Kei, uktu Bawipa naw ka pyen nei.”

PHYAWN NAK 10:2

kei naw cäi aih vai ka bi sang ung Egypt chang gui a i hlawk ah ka gu ang sak gui cu nami hta gui la nami tu gui am nami m’thein gui vai ah hmawk ah kyak ci. Nangmi nami van naw kei Bawipa ah ka kyak cu nami hmat khai nei” cine pyen nak ci.

PHYAWN NAK 8:10

Ghangpughang naw, “Kei ah hmawk ah ngawi ung taigü ä” cik ci. Moses naw, “Na k’thäh ah mäih ah kei naw ka bik khai, Bawipa, kami Khanpughi ah mäih a hei khanpughi kä om ci, cicu nang naw na hmat khai.

PHYAWN NAK 9:14

Tuhbäi ung na bawi gui la na chang gui bäng kä m’kiuk ne, na mät phi ka ning m’kyuk khai. Cun ung khaw ah ka ah kei ah mäih a u kä om ci, cicu nang naw na hmat khai.

1 GHANGPUGHANG GUI 8:23

taigü ci, “Israel gui ah Bawipa Khanpughi khankho ung phi m’dek khan ung phi, nang ah mäih Khanpughi kä om ci nei! Nang naw na chang gui ung na thukhän cu nak pang ci, ami m’lung-ngaih avan awn nang ning ngai ne ami om sangung nang naw na m’hni nak cu na m’dang gui ci.

DANIEL 2:45

Lung nu cu a u naw kä a tawn ah hlit ne kya law ne, m’sii ni, kyei ni, m’deknai ni, ngui ni, ghui ni awn pyan ah a gup cu, shudeng ciah nang naw na hmuk ci. Dämduh ciah Khanpughi naw ngawi ah a i ah kya lawk khai cicu nang ghangpughang am a ning m’thein ah kyak ci. Kei naw nang ah mang akcang cu ka ning m’thein ci, acun ah mawng akcang phi ka ning m’thein ci.

PHYAWN NAK 8:6

Cun ah kyasei Aaron naw tui avan ah khan ah ang shopawng shäng khäta, k’u gui cu lut law u ne, khaw avan küm ci gui.

THULÄÄN NAK 4:39

Cun ah kyasei tuhngawi nami shüm ba vai, kä nami m’hnih vai, khankho la khomdek ung Bawipa cu Khanpughi nei, a hei khanpughi kä om ci.

2 SAMUEL 22:32

Bawipa amät bäng Khanpughi nei; Khanpughi bäng cu mi ng’shung nak nei.