2 SAMUEL 7:21 - Cho Bible Common Language 2016

²¹ Cun cu bi vai ah nang ah na ng’yakhlü la na ng’bii nak ah kyak ci. Nang naw shin ah dämduh ci avan na bi cu kei na na m’thein nak vai ah kyak ci.

2 SAMUEL 7:21 Referans Kwoze

SAM 115:1

Nang bäng ung, O Bawipa, Nang bäng ung, keimi ung ah kä kyak ci, Na bämang nak cu om khai nei, a i ah kyasei ci ung ng’täi ciah nam hni nak la na bekhüt ah hmawk ah kyak ci.

EPHESIAN 3:11

Khanpughi naw ng’täi ciah ang bü nak awn, mi Bawipa Khrit Jesuh ung dang khai ah abi ah kyak ci.

EPHESIAN 1:9

Khanpughi naw acüivai nak la alulang nak awn, ang bü nak cu dang khai ah bi bik ci. Bawi Khrit ung akümbe sak ah thuuk ne ng’kau ciah a mawng gui cu mikmi am na hmat sak gui ci.

1 KORIN 1:1

Khanpughi ah ang yak hlü ah khü ne, Bawi Khrit Jesuh ah ang düihpüi ah am düih ah kei Paul la mi nau Sosthenes naw:

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

SAM 138:2

Theingcim ciah na pum im man ne, m’khuukdong ne na ming ka m’tam ci nei, a i ah kyasei ci ung ng’täi ciah na m’hni nak la na bekhüt nak ah hmawk ah kyak ci, a i ah kyasei ci ung na ming la na thumkhän a hlüngtai ah hmawk ah kyak ci.

LUKA 10:21

Cun yah ung Bawipa Jesuh cu Mumcha Theing awn yeikyai nak gah netah, “Khankho la khomdek ah Pa Khanpughi, hmuhmat tatlah ci gui ah ma ah, nam yih cu kä hmuhmat ci gui ah ma ah ng’dang sei ka ning m’hlüngtai ci. Aw Kapacun cu na mät ah ng’yak hlü ah kyak ci.

LUKA 1:72

Ani naw mi pupa gui am gein nak gui cu pyein ne, ang thu khän theing cun phi shüm ci nei.

MATTHE 24:35

Khankho la khomdek a maih ung phi kei ah thu cu kä maih khai nei.

MATTHE 11:26

Kapa Khanpughi, cun gui cu nang na mät ah ng’yak hlü ah kyak ci,” cine pyein ci.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

1 SHONTÄP NAK 17:19

Kei ah phäh ah shin ah na bi la ngawi ah kei ah dämduh nak vai na m’dang cu na mät ah ng’yak hlü la ng’bü nak ah kyak ci.