2 SAMUEL 7:2 - Cho Bible Common Language 2016

² Cun kawn ah ghangpughang naw prophet Nathan am, “Shin ung cedar k’pen awn cawh ah im ung kei ka om ci, cun ung phi Khanpughi Thukhän M’küm cu phung ung gim ah kyak ci!” cik ci.

2 SAMUEL 7:2 Referans Kwoze

2 SAMUEL 5:11

Tire ghangpughang Hiram naw sumlei vai ah chang tüi law ne, cedar k’pen gui la sing im k’co gui lung im k’co gui cu mang im co khai gui ah tüi law gui ci.

2 SAMUEL 12:1

Bawipa naw prophet Nathan cu David ah tüi ci. Nathan naw ani ah hteit neta, “Pigaw ät ung om ciah chang hnih om ci goi; tumat cu bühmang ci, tumat cu dukhaih ci.

LAMKTU 7:46

David cu Khanpughi ah ma ah a hmai kiang ci kiah neh Jakob ah Khanpughi ah a om nak vai Taigüim cu Khanpughi naw a cawh sak vai ah ng’thäh ne taigü ci.

JOHAN 2:17

Cun kawn ah ang düihpüi gui naw, Ka taigü nak Khanpughi ah im theing ah hmawk ah, kamlung kyong cu mei cang ah mäih ah ng’ling aih ci” ciah cacim cu shüm ba ci gui.

HAKKAI 1:4

“Ka chang gui aw, ka Taigüim she ne a kyak sang ung, a i ah kyasei im ni cine nami om ang?

1 SHONTÄP NAK 29:29

David ghangpughang ah a mawng tün nak ungka naw ang pyi nak ung khüt sei, prophet gui thum ah ca ung ami guk ah kyak ci, cun gui cu Samuela, Nathan, la Kad ah kyak ci.

1 SHONTÄP NAK 16:1

Ngami naw Thukhän M’küm cu David naw a cawh ah phung ah akyong ah tha ci gui. Cun kawn ah khawihnah nak la khawtsheng douthak nak cu Khanpughi am douthak ci gui.

SAM 132:5

Bawipa ah hmawk ah hmun, Jakob ah m’gäi ciah Khanpughi ah hmawk ah im, kä ka hmuh pha ah chuih cun ah ka om khai.”

2 SHONTÄP NAK 1:4

(Thukhän M’küm cu Jerusalem ah phung ung om ci, cun cu David ghangpughang naw m’küm cu Kiriath Jearim ah ka a law püi ba sang ung a cawh ah kyak ci.)

1 SHONTÄP NAK 14:1

Tire ghangpughang Hiram naw David am sumlei vai ah chang tüi lawk ci; ani naw mang im cawh nak vai ah cedar singnu gui, lungshep gui la peng shep pyang thei ci gui awn ng’düih püi ci.

2 SAMUEL 7:17

Khanpughi naw ani ung am thein phung cu Nathan naw David am m’thein ci.

2 SAMUEL 6:17

Ngami naw Thukhän M’küm cu law püi u ne, David naw tha nak vai ah a cawh ah phung, amät ah hmun ung tha ci gui. Cun kawn ah ani naw khawihnah nak la khawtsheng-douthak nak cu Bawipa am pek ci.

PHYAWN NAK 40:21

Cun kawn ah Thumkhän M’küm cu phung kyong ah tha neta, yihdung cu hei bat ci. Bawipa ah thumkhän ah mäih ah ani naw Thumkhän M’küm cu shungshet ci.

2 SAMUEL 11:11

Uriah naw, “Israel la Judah chang gui cu a shaw nak ah ng’tuk bik ci gui, thukhän m’küm cu ngami awn a täng ah om ci; ka gabawi Joab la a bawi gui cu khaw häu ung om ci gui. A i hawkcha ah kei ka im ah hteit ba ne, ei ne aw ne ka chu awn ip düt ne ka om khai aw? Theing cim ciah avan awn, cun ah mäih kei naw kä ka bik khai cine ka ng’gun ci nei!” cik ci.

1 GHANGPUGHANG GUI 1:22

Ani cun ah ang htau sang ung Nathan cu mang im kyong ah gawk lawk ci.

1 GHANGPUGHANG GUI 8:17

Solomon naw k’täi ne pyen ne, “Israel gui ah Khanpughi Bawipa khawihnah nak vai ah kapa David naw Taigüim cawh vai ah pawngpüi ci,

1 SHONTÄP NAK 22:7

David naw ani am, “Ka htapa aw, kei naw Bawipa ka Khanpughi m’tamkhah nak ah Taigüim ka co hlük ci nei.

2 SHONTÄP NAK 9:29

Solomon ah mawng atün nak ungka naw angpyi nak ung khüt ci avan cu, prophet Nathan ah mawng ung, Shilon ungka Ahijah ah ng’cängbang nak ung, Israel ghangpughang Jeroboam ah a uknak ah mawng phi ami guk, prophet Iddo ah muimang gui ami guk nak gui ung ami guk ah kyak ci.

2 SHONTÄP NAK 29:25

Ghangpughang ah prophet Kad la prophet Nathan ungka naw Bawipa naw ghangpughang David am a pek ah m’shümthein nak gui cu ghangpughang naw läk ci. Levit gui cu tingtäng la ng’sheei gui pe gui ne Taigüim ung tha gui ci.

1 GHANGPUGHANG GUI 1:8

Cun ung phi taigü Zadok, Jehoiada ah hta Benaiah, prophet Nathan, Shimei, Rei la David ngäng ciah chang gui cu Adonijah täng ah kä kya tuk ci gui.

1 GHANGPUGHANG GUI 4:5

Khawpäng uktu gui: Nathan ah hta Azariah Mang Im uktu: Nathan ah hta taigü Zabud

SAM 132:2

Bawipa, ani ah a shaitak la Jakob ah m’gäi ciah Khanpughi, nang ung ang taam cu shüm ba ä: