2 SAMUEL 7:18 - Cho Bible Common Language 2016

¹⁸ Cun kawn ah ghangpughang David cu Bawipa ah om nak phung kyong ah lut ne, ngo ne taigü ci, “Kei ah phäh ah na bi pyi gui cu kei awn kä khin kha ci nei, uktu Bawipa, ka kyongchang awn phi kä khin kha ci nei.

2 SAMUEL 7:18 Referans Kwoze

SAM 8:4

Hniciim chang cu a i ah kyasei nang naw na ngaih nak ang? A i ah kyasei chang ghet na m’htei htang ang?

1 SHONTÄP NAK 17:16

Ghangpughang David cu Bawipa ah om nak ah Phung kyong ah hteit ne, ngo neta, ak taigü cu, “Bawipa Khanpughi, kei phi, ka kyong chang phi, nang naw kei ah phäh ah na bi pyi awn kä kami khinkhaa ci nei.

1 SAMUEL 18:18

David naw, “Kei cu a u ah kya ngä sei, ka kyong khui cu a i ah kyasei, kei cu ghangpughang ah kawi ah ka kyak vai ang?” cik ci.

ATÜNNAK 32:10

Na m’hni nak la na bekhüt nak cu kei changshäm awn kä khinkha ci nei. Cau kei naw Jordan tuinu cu ng’shopawng bäng awn ka kat lawk ci nei, cun ung phi tuhbäi chang bum hnih kami law lawk ci.

PHYAWN NAK 3:11

Cun ung phi Moses naw Khanpughi ah ma ah, “Kei cu akholä ah ka kyak ci, kei naw a i hawkcha ah ghangpughang ah hteit ne, Israel chang gui Egypt khaw ungka ka hteh püi ba gui hlawt khai aw?” cik ci.

1 SAMUEL 15:17

Samuela naw, “Namät naw namät kä küikyang ciah na ngaih ung phi, nang cu Israel pakhui ah ng’vai pi ah na kyak ci,

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

SUKI GUI 6:15

Kideon naw, “Cun ung phi Bawipa aw, a i hawk cha ah kei naw Israel gui ka gung gui vai ang? Manasseh pakhui ung kei ah pahta cu ak yawken pikbäih ah kyak ci, kei ah kyongchang ung kei cu kä tungte pikbäih ciah kyak ci” cik ci.

1 SAMUEL 9:21

Saul naw, “Kei cu Benjamin pakhui ah ka kyak ci, Israel pakhui ung ak yaw pi k’bäih ah kyak ci, kei ah kyong khui cu pakhui ung kä küikyang pi k’bäih ciah kyak ci, a i ah kyasei shin ah mäih ah na na ng’htau püi ang?” cik ci.

ISAIAH 37:14

Ghangpughang Hezekiah naw cun ah ca cu lan püi ci gui ah kut ung ka la neta phat ci. Cun kawn ah ani cu faigü l ah hteit ne, cun ah ca cu Bawipa ah ma ah m’shän neta,

2 SAMUEL 7:17

Khanpughi naw ani ung am thein phung cu Nathan naw David am m’thein ci.

ATÜNNAK 32:11

Ka taigü ci nei, ka phäi Esau ah kut ung nak phyawn ä, kei cu ka kyik ci nei, ka phäi Esau cu kei la ka chu ka hta gui, avan na m’di gui khai ah law pyi ci nei.

RUT 2:10

Ruth naw ani ah ma ah m’dek ung a hmai gawk khai ah m’khukdong neta, Boaz am, “A i ah kyasei kei na na geing nak aih ang, A i ah kyasei a khaw hei chang cu nam gein aih ang?” cine ng’shik ci.

2 SAMUEL 23:5

Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

1 SHONTÄP NAK 29:14

“Cun ung phi ka chang gui la kei naw akcang ah a i phi kä kami ning pe hning ci, a i ah kyasei ci ung a päng avan cu nang ah m’cümhnah ah kyak ci, keimi naw na mät ah kaa ei cu m’hlat ne kami ning pek ba ah kyak ci.