2 SAMUEL 7:14 - Cho Bible Common Language 2016

¹⁴ Kei cu ani ah pa ah ka kyak khai, ani cu kei ah hta ah kyak khai. Ani hma nak abi ung apa naw a hta am kyuk ah mäih ah kei naw ka m’kyuk khai.

2 SAMUEL 7:14 Referans Kwoze

HEBRU 1:5

Khanpughi naw a u khanchang am phi, “Nang cu ka ning Htapa nei; tuhngawi kei cu nang ah Pa ah ka kya lawk ci,” cine kä pyein man ci. A i khanchang ah mawng ung phi Khanpughi naw, “Kei cu ani ah Pa ah ka kyak khai, ani cu kei ah Htapa ah kyak khai,” ci ne kä pyein man ci.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

1 SHONTÄP NAK 28:6

Bawipa naw kei cu na pyen nak ci, “Nang ah hta Solomon cu kei ah Taigüim co khai ah chang tumat ah kyak ci. Kei naw ani cu ka hta ah ka ghü ci, kei cu ani ah pa ah ka kyak khai.

1 SHONTÄP NAK 17:13

Kei cu ani ah pa ah ka kyak khai, ani cu kei ah hta ah kyak khai. Nang ghangpughang ah na kyak vai ah hmawk ah Saul cu heeng ne ani ah khan ah ka bi ah mäih ah kei naw ani ka dühdawn nak cu kä ka heeng khai.

THULÄÄN NAK 8:5

Nami shüm ba vai Bawipa nami Khanpughi naw, apa naw a hta am cäi ah mäih ah ning m’düng gui ne, ning m’kyuk gui ci.

1 KORIN 11:32

Cun ah Bawipa naw nam khoicha gui ne a na m’kat nak gui cu, khomdek chang awn a täng ah m’kat nak kä mi gah tu vai ah hmawk ah kyak ci.

JEREMIAH 30:11

Kei cu nangmi ah law ne ka ning hun gui khai. Kei naw ka ning püi piang sak nak gui ah pakhui gui avan kei naw ka m’di khai, cun ung phi nangmi kä ka ning m’di gui khai. Nangmi cu kä m’kyuk ah kä ka ning m’di gui khai. Cun ung phi nangmi ka ning m’kyuk gui ung Kei cu ka citheing khai. Kei, Bawipa naw a pyen nei.”

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

JOB 5:17

Khanpughi naw am düng ah chang cu yeikyai nak om ci! Ani naw aning m’cäi law ung kä na thüi nak vai.

2 KORIN 6:18

Kei cu nangmi ah Pa, Nangmi cu kei ah hta gui, ah nami kyak khai, ci ne m’gäi pi ciah Khanpughi naw pyein ci” ciah khän ne pyein ci.

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

1 GHANGPUGHANG GUI 9:6

Cun ung phi nang, käcung na hta ng’shon gui naw kei kä na läk ba u ne, kei naw ka ning pek gui ah thukhän gui la thumkhän gui cu kä läk ba u ne, a hei khanpughi gui ami khawihnah ah a kyak ung,

1 GHANGPUGHANG GUI 11:34

Cun ung phi Solomon ah uknak khaw avan cu kä ka lak pek khai, ani a ghin ah hmawk ah cun ah ka bik khai, ani cu ka chang ghü, ka thukhän la thumkhän gui läk ciah kyak ci.

1 SHONTÄP NAK 22:10

Ani naw kei ah phäh ah Taigüim co khai. Ani cu kei ah hta ah kyak khai, kei cu ani ah pa ah ka kyak khai. Ani ah mangshon naw Israel cu khonglän ung uk khai” cik ci.

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.