2 SAMUEL 7:13 - Cho Bible Common Language 2016

¹³ Ani cu kei ah phäh ah pum im co ciah chang tumat ah kyak khai, ani ah uknak khaw cu ng’täi ne om khai ah kei naw akcang ah ka pyang khai.

2 SAMUEL 7:13 Referans Kwoze

1 GHANGPUGHANG GUI 8:19

Cun ung phi nang naw kä na co hlawt khai. Kei ah Taigüim co khai cu, nang ah hta, namät ah hta ah kyak ci!

1 GHANGPUGHANG GUI 5:5

Bawipa naw, kapa David am shaitak nak pek ci, nang ah kawn ah kei naw ghangpughang ah ka hmoh vai ah na hta naw, kei ah phäh ah Taigüim cu co khai.’ Bawipa ka Khanpughi khawihnah nak vai ah Taigüim cawh vai ah kei naw ka k’bäi pyi ci.

SAM 89:4

Nangmi ah hta ng’shon cu ngawi yä ghangpughang ah kyak khai, “Nang ah hta ng’shon cu ngawi yä ka khän sak khai,” na cik ci.

1 GHANGPUGHANG GUI 6:12

nang naw ka thukhän gui la ka ng’thumkhän gui avan na läk ah a kyak ung, napa David am shaitak ka pek cu nang ah phäh ah ka bik khai.

ZEKHARIAH 6:13

Ani cu Taigüim co ne, ghangpughang ah m’taam nak gah ne, ak chang gui cu uk gui khai. Taigü cu amang kiang pei ah ng’düi khai, ngani cu dimdeeih kyäp nep nak awn atäng ah bik khai goi.’

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

SAM 89:29

Ani ah ng’shon cu khankhomik ah mäih ah khäng khai, Ani ah hta ng’shon cu angtäi sei ghangpughang ah kyak khai.

2 SAMUEL 7:16

Nang ung angtäi sei na hta ng’shon om khai, nang ah uknak khaw cu kä ng’pyi hlawt khai ah kei naw ka pyang khai. Nang ah uknak ng’shon cu kä ng’pyi hlawt khai!” cik ci.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

HEBRU 3:3

Im co ciah chang tumat cu a im cawh ah mä däm pi khai ah m’tamkhah nak gah khin ci nei.

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

SAM 89:21

Kei ah ka thagui cu angtäi sei ani ung om khai. Kei ah ka huham naw ani cu khüighat sak khai.

1 SHONTÄP NAK 28:10

Nang naw na hmat vai cu, Theingcim ciah a Taigüim cawh vai ah Bawipa naw nang cu ning ghü ci nei. Tuhbäi co vä, khüighat ne co vä.”

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

2 SAMUEL 7:27

Hlüngtai ciah Bawipa, Israel gui ah Khanpughi! Kei naw nang ah shin ah taigü ka taigü vai ah tha gui om ci nei, a i ah kyasei ci ung nang naw shin gui avan cu kei, na changshäm ung na m’dang ci, ka hta ng’shon gui ghangpughang ah na pyang gui khai ah phi na na m’thein ci nei.

1 GHANGPUGHANG GUI 2:4

Nang naw na ngaih ah a kyak ung, Bawipa naw abi ah shaitak cu k’pang khai, ani naw ana pyen nak cu, kei ah ka htang’shon gui naw ami m’lung kyong m’lung ngaih avan awn ani ah thumkhän cu bekhüt ne, geing na ne ami läk ah chuih Israel cu uk khai gui nei.

1 GHANGPUGHANG GUI 2:24

Bawipa naw kapa David ah mangkiang ung na khänhtek sak pyi ci; ani naw a shaitak k’pang ci, uknak khaw cu kei la ka hta ng’shon am na pe pyi ci. Adonijah cu a tuhngawi sik khai ah ghing ciah Bawipa ung ka ng’tam ci nei!” cik ci.

1 GHANGPUGHANG GUI 2:45

Cun ung phi kei läi cu hrilham na pek khai, David ah uknak khaw cu khonglän ung khän sak khai.”

1 GHANGPUGHANG GUI 8:13

Tuhbäi kei naw bä ciah Taigüim cu nang ah phäh ah ka cik ci, Cun cu nang naw khonglän ung na om nak vai ah hmun ah kyak ci.”

1 GHANGPUGHANG GUI 8:15

Ani naw, “Israel Khanpughi Bawipa cu m’tamkhah vä! Ani naw kapa David am shaitak a bi cu k’pang ci nei, ani naw a pyen cu,

2 GHANGPUGHANG GUI 21:4

Ani khawihnah nak vai ah Bawipa naw a pyen ah hmun ung ani naw Taigüim ung khongyo khawihnah nak ah sonkiang cu co ci.

2 SHONTÄP NAK 33:4

Ani naw khogam sonkiang cu Taigüim kyong ah co ci, cun ah hmun cu Bawipa naw ani angtäi sei khawihnah nak vai ah a pyen nak ah kyak ci.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

2 SAMUEL 22:51

Khanpughi naw a ghangpughang am näng nak akdäm pek ci; Ani naw kä ng’pyi hlawt ciah m’hni nak cu a ghü ah chang tumat David la a hta ng’shon am ngawi yä m’hnuh ci nei,

2 GHANGPUGHANG GUI 8:19

cung phi Bawipa naw Judah m’di vai cu kä ng’ya hlük ci, a i ah kyasei ci ung, ani naw a changshäm David am, ani ah hta ng’shon gui naw ami uk lä vai ah shaitak a bi pyi ah kyak ci.

2 GHANGPUGHANG GUI 21:7

Ani naw khanpughinu Asherah ah gup cu Taigüim ung tha ci. Cun cu Bawipa naw David la a hta Solomon am ng’thu a pyen nak goi ah kyak ci: “Shin ah Jerusalem, shin ah Taigüim kyong cu Israel pakhui avan ungka, kei ami na khawihnah nak vai ah hmun ah kei naw ka ghü ah kyak ci.

2 SHONTÄP NAK 6:16

Tuhbäi, Bawipa Israel Khanpughi, kapa ung a hei shaitak na’bi phi na k’pang khai nei, nang naw na pyen nak cu, ani ah mäih ah na thukhän geing na ne ami läk ah khoi ung, ani ah htangshon tumat mat naw Israel ghangpughang ah kya ne uk khai.

JOB 36:7

Ng’düng ciah chang gui cu ani naw shungvong gui ci. Ani naw ghangpughang ah mäih ah uk sak gui ne angtäi sei m’tam khah gui ci.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

JEREMIAH 33:17

kei, Bawipa naw shai ka tak cu, David ah htangshon cu angtäi sei, Israel ghangpughang ah kyak khai,

EZEKIEL 37:25

Ngami cu kei naw ka changshäm Jakob am ka pek ah khaw ung om khai gui, cun cu ami pupa gui ah om nak ah khaw ah kyak ci. Ngami cu acu ah khong län ung om khai gui, ami hta nau gui la ami htangshon gui phi om khai gui. Ka changshäm David ghangpughang ah mäih ghangpughang naw ang’täi ah uk gui khai.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

ZEKHARIAH 6:12

M’gäi ciah Bawipa ah ng’thu na m’thein vai cu, Ang ban ah ami khü ah chang cu, acun ung om ci khäng ne, Bawipa ah pum im cu co ba ci nei.