2 SAMUEL 7:12 - Cho Bible Common Language 2016

¹² Nang na sih ung na pupa gui awn a täng ah ning m’cim ne, na hta gui ungka tumat cu ghangpughang ah ka pyang khai, ani ah uknak khaw cu khüi ghat khai.

2 SAMUEL 7:12 Referans Kwoze

LAMKTU 2:30

Ani cu prophet ah kiah neh amät ah hta ng’shawn ung ka, ghangpughang ah kiah ba khai ciah Khanpughi ah shai tak cu hmat ci.

1 GHANGPUGHANG GUI 8:20

“Tubäi Bawipa naw a shaitak cu k’pang ci. Kei cu Israel ghangpughang ah kya ne kapa ah hnün ung ka ngok ci, Israel Khanpughi Bawipa khawihnah nak vai ah Taigüim cu kei naw ka co ci.

1 GHANGPUGHANG GUI 2:1

David cu si law vai neta a hta Solomon cu khü ne ak hnu ah m’cäi m’ä nak pek ci.

LAMKTU 13:36

David cu a ghin om yah ung Khanpughi ah ng’yak hlü ah bi bik ci, a sih kawn ah a pupa gui ah ng’cim hmun pei ah m’cim tuk ci gui. A pumsa cu ng’cim hmun ah thukat nak ung gawk ci.

1 SHONTÄP NAK 17:11

Nang na sih ung na pupa gui awn a täng ah ning phuh ne, na hta gui ungka tumat cu ghangpughang ah ka kyak sak khai, kei naw a uk nak khaw cu khüighat khai ah ka k’pang khai.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

1 THESSALONIAN 4:14

Bawipa Jesuh cu sih nak ungka tho ba ci, cicu mi yum ci; acun ah mäih ah Bawipa Jesuh ayum kawn ah sik ciah chang gui cu Khanpughi naw, Bawipa awn a täng ah khäm ba gui khai cicu mi yum ci.

1 KORIN 15:51

Ngai vä, thuuk ne ng’düng ciah mawng cu ka ning m’thein gui khai.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

1 GHANGPUGHANG GUI 1:21

Cun ah kä na bi ah a kyak ung, nang na sih vai am ka hta Solomon la kei cu kä bekhüt ciah pyen ne na pha goi khai gui nei.”

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

SAM 89:29

Ani ah ng’shon cu khankhomik ah mäih ah khäng khai, Ani ah hta ng’shon cu angtäi sei ghangpughang ah kyak khai.

ATÜNNAK 15:4

Cun kawn ah Bawipa ah ng’thu angyak bamä cu, “Shin ah changshäm naw pakhui kä m’düng khai, na mät ah na hta naw na pakhui m’düng khai nei” ci neta,

MATTHE 1:1

Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

LUKA 1:32

Ang ming cu Jesuh ah na sui vai. Ani cu hlüngtai ne hlüngtai pi ciah Khanpughi ah hta ah kyak ci. Ani cu David ghangpughang ah ang shon ah kyasei, Khanpughi naw ghangpughang ah ngoh sak ba khai.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

1 GHANGPUGHANG GUI 1:48

taigü ci, ‘Israel Khanpughi, Bawipa cu mi m’tamkhah khai nei, ani naw kei ah ka hta ng’shon gui ungka tumat cu, kei ah hnün ung ghangpughang ah ngoh sak ci nei, acun ka hmuk khai ah kei cu na ghin sak ci nei!”

1 GHANGPUGHANG GUI 2:4

Nang naw na ngaih ah a kyak ung, Bawipa naw abi ah shaitak cu k’pang khai, ani naw ana pyen nak cu, kei ah ka htang’shon gui naw ami m’lung kyong m’lung ngaih avan awn ani ah thumkhän cu bekhüt ne, geing na ne ami läk ah chuih Israel cu uk khai gui nei.

1 GHANGPUGHANG GUI 5:5

Bawipa naw, kapa David am shaitak nak pek ci, nang ah kawn ah kei naw ghangpughang ah ka hmoh vai ah na hta naw, kei ah phäh ah Taigüim cu co khai.’ Bawipa ka Khanpughi khawihnah nak vai ah Taigüim cawh vai ah kei naw ka k’bäi pyi ci.

1 GHANGPUGHANG GUI 8:15

Ani naw, “Israel Khanpughi Bawipa cu m’tamkhah vä! Ani naw kapa David am shaitak a bi cu k’pang ci nei, ani naw a pyen cu,

1 GHANGPUGHANG GUI 8:19

Cun ung phi nang naw kä na co hlawt khai. Kei ah Taigüim co khai cu, nang ah hta, namät ah hta ah kyak ci!

1 GHANGPUGHANG GUI 9:5

Kei naw napa David am ka shaitak cu ka k’pang khai, kei naw ka pyen nak cu Israel cu ani ah hta ng’shon naw angtäi sei uk khai ciah kyak ci.

2 GHANGPUGHANG GUI 8:19

cung phi Bawipa naw Judah m’di vai cu kä ng’ya hlük ci, a i ah kyasei ci ung, ani naw a changshäm David am, ani ah hta ng’shon gui naw ami uk lä vai ah shaitak a bi pyi ah kyak ci.

2 SHONTÄP NAK 1:9

O Bawipa Khanpughi, kapa ung shaitak na bi cu kümbe sak ä. Khei ne kä khei tai vai ah chang gui ah khan ah ghangpughang ah na na pyang ci.

2 SHONTÄP NAK 13:5

Israel Khanpughi Bawipa naw Israel khaw avan cu ghangpughang ah kya ne khong’län ung uknak vai ah kä she hlawt ciah Thukhän cu David ung bi ne, amät la a htang-shon gui am a pek gui cu, kä nami hmat ne ma?

2 SHONTÄP NAK 21:7

cun ung phi David ah mang shon cu Bawipa naw kä m’di hlük ci, a i ah kyasei ci ung ani naw David awn thukhän bi ni ne, ani ah htangshon naw ngawi yä a uk vai ah shai atak pyi ah kyak ci.

2 SHONTÄP NAK 23:3

Ngami ami van Taigüim ung ng’bum u neta a cu ah ghangpughang ah hta Joash awn thukhän bik ci gui. Jehoiada naw a pyen nak gui cu, “Shin ung si pyi ciah ghangpughang ah htapa om ci! Ghangpughang David ah htangshon naw uk khai ciah Bawipa ah shaitak om ci kyasei, ani tuhbäi ghangpughang ah kyak khai.

2 SAMUEL 22:51

Khanpughi naw a ghangpughang am näng nak akdäm pek ci; Ani naw kä ng’pyi hlawt ciah m’hni nak cu a ghü ah chang tumat David la a hta ng’shon am ngawi yä m’hnuh ci nei,

1 GHANGPUGHANG GUI 2:10

David cu si sei David ah mang gaw ung k’phuh ci gui.

2 SHONTÄP NAK 6:9

Cun ung phi nang naw kä na co khai. Kei ah Taigüim co khai cu na hta, na mät ah hta ah kyak ci’ cik ci.

2 SHONTÄP NAK 6:15

Nang naw kapa David ung shai na tak cu na k’pang ci; tuhngawi thulung päng cu kümbe ci nei.

JEREMIAH 33:17

kei, Bawipa naw shai ka tak cu, David ah htangshon cu angtäi sei, Israel ghangpughang ah kyak khai,