2 SAMUEL 7:10 - Cho Bible Common Language 2016

^10-11 Kei naw ka chang Israel gui ah phäh ah khaw hmun ghü ne, a cu ah ka om sak gui ci, a cu ah ngami cu shedam nak kä om ba sei om khai gui. Ngami shin ah khaw ung ami luh law ung tün ne, ngami cu chang omshe gui naw tu gui ci gui, cun ung phi cun ah mäih kä om ba khai. Na ga avan ung ning gung ne, na hta ng’shon vai ka ning pek khai cine, kei naw shai ka tak ci.

2 SAMUEL 7:10 Referans Kwoze

AMOS 9:15

Kei naw ka pek gui ah khaw ung ka chang gui ka m’düih gui khai, a u naw kä mawi ba gui khai.” Bawipa nami Khanpughi naw cun ah pyen ci.

1 SHONTÄP NAK 17:9

Kei naw ka chang Israel gui ah phäh ah hmun cu ghü pe gui ne a cun ung ka om sak gui ci, acun ung ngami cu a u naw kä yawshe naba gui sei om khai gui. Ngami cu shin ah khaw ung ami luh law ung tün ne chang omshe gui naw tu gui ci gui, cun ung phi cun ah mäih ah kä kya ba khai. Kei naw na ga gui avan ka hnim khai, htangshon ka ning pek khai cine shai ka tak ci nei.

JEREMIAH 24:6

Kei naw ngäng bou gui ne shin ah khaw ah ka law püi ba gui khai. Kei naw ka co kyang gui khai, kä ka plawh sheh gui khai. Kei naw ka geit kaw gui khai, kä ka mawi gui khai.

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

EZEKIEL 28:24

Bawipa naw pyen ci, Israel gui shedam na gui ciah angveing ung pakhui gui cu cun kawn ah Israel nat sak ciah ng’hling k’so ah kä kya ba khai gui. Cun kawn ah ngami naw kei cu uktu Bawipa ah na hmat khai gui.”

SAM 80:8

Nang naw Egypt khaw ah ka sapyit shun cu law püi ne; pakhui hei gui k’täm gui neta, ami kho ung na geit ci.

JEREMIAH 18:9

Vangtäng ung phi, kei naw pakhui khaw, uknak khaw cu ka cokyan khai, ka geitkaw khai cine ka pyen ah a kyak ung phi,

THU PHLAAN 21:4

Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.

HOSEA 2:18

A cunah akhin ung kei naw khisa gui la kha gui avan awn thukhän ka bik khai. Cun ah kyasei ngami naw kei ah chang gui cu kä nat sak khai gui. Kei naw khaw ungka likhim gui avan, ka heng khai — khim gui avan. Li gui avan maih khai. Ka chang gui cu dimdeeih ne phiawng htein sei ka om sak gui khai.

PHYAWN NAK 15:17

Nang naw akyong ah law püi gui ne na khomhtung ung na geit gui ci. Cu ah hmun cu nang Bawipa naw na im vai ah na ghü ah kyak ci, cun cu na mät naw na cawh ah Taigüim ah kyak ci.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

ISAIAH 5:2

Ani naw m’dek lei cu co ne lung gui cu ghäng ci; ani naw sapyit aknipi gui geit ci. Ani naw cun gui ngäng nak vai ah tänghän co ci, Sapyit theih neen nak vai ah khui phi co ci. Ani naw sapyit a up vai cu ging ci, cun ung phi sapyit theih cu thui yawp ci.

SAM 44:4

Nang cu ka ghangpughang la ka Khanpughi ah na kyak ci, Nang naw na chang gui-am näng nak na pek ci.

SUKI GUI 4:3

Jabin ung m’si yatha phya kaw om ci, ani naw Israel chang gui cu m’ghämce ne hupdep ne khawku m’ku lung uk gui ci. Cun kawn ah Israel chang gui cu Bawipa naw am htei gui vai ah kyap m’lau ci gui.

1 SAMUEL 13:17

Philistin gakap gui cu ami phung ung ka thum ah ng’pai ne, ng’mün ne lawk ci gui: ng’pai ät cu Shualu ah khaw Ophrah täng ah hteit ci gui,

PHYAWN NAK 1:22

Ak hnu ah ghangpughang naw a chang gui am, “Ng’thumkhän ne a pek gui cu, “Hebru chang gui ami hta ung pami phung cu, Nile tuinu ung nami shum vai, hnumi hta gui cu nami ghin sak gui vai” ciah kyak ci.

2 GHANGPUGHANG GUI 21:8

Israel chang gui naw ka thumkhän avan, ka changshäm Moses naw a pek gui ah thukhän avan ami läk ah a kyak ung ami pupa gui am ka pek gui ah khaw ungka kei naw kä ka k’täm gui khai.”

2 SHONTÄP NAK 33:8

Israel chang gui naw ka ng’thumkhän avan läk u ne ka changshäm Moses ah pek gui ah thukhän avan ami k’pam ah a kyak ung, ami pupa gui am ka pek ah khaw ungka ami k’täm gui vai ah kä ka shai m’cha khai.”

SAM 44:2

Chang hei gui cu na mät naw k’tääm gui ne, na chang gui ah ami kho cu na pyang ci Chang khuihei gui cu m’kyuk gui ne na chang gui cu na bühmang sak gui ci.

SAM 80:9

Nang naw a thawh vai ah a hmun cu k’sei m’ghan ci sei, a pya thuk ne kho küm ne ng’shun ci.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.