2 SAMUEL 7:1 - Cho Bible Common Language 2016

¹ Ghangpughang David cu amang im ung om sei, Bawipa naw aga avan ung gung ci.

2 SAMUEL 7:1 Referans Kwoze

NG'THU K'THUUK~ 16:7

Bawipa cu nami yei nak ah a kyak ung, nami gaa cu teihpüii ah nami pyang hning khai.

1 GHANGPUGHANG GUI 5:4

Cun ung phi tuhbäi Bawipa ka Khanpughi naw ka khawgi chang gui avan awn dimdeeih nak cu na pek ci. Kei ung ga kä om ba ci, na tu lawk khai phi kä om ci.

2 SHONTÄP NAK 14:6

Acun sang ah akhin ung ani naw Judah khaw mang gaw gui ung gawpaang gui co ci, khaw kum akda ung ng’tuk nak kä om ba ci, a i ah kyasei ci ung Bawipa naw ani am dimdeeih nak a pek ah kyak ci.

SAM 18:1

Ka ning m’hni aih ci nei, Bawipa! Nang cu ka thagui ah na kyak ci.

JOSHUA 23:1

Shohta khäta Bawipa naw, Israel gui cu koi gui ne om ciah ami ga gui ungka shungvong gui ci. Cun yah ung Joshua cu anghtei ah ghi lawk ci.

JOSHUA 21:44

Bawipa naw ami pupa gui am shai atak ah mäih ah khaw avan ung dinggei nak pe gui ci. Ami ga avan ungka tumat phi ngami kütnet püi gui ne ng’düi khai a u kä om ba ci, a i ah kyasei ci ung Bawipa naw Israel gui ami van ah khan ah näng nak a pek gui ah phäh ah kyak ci.

LAMKTU 7:46

David cu Khanpughi ah ma ah a hmai kiang ci kiah neh Jakob ah Khanpughi ah a om nak vai Taigüim cu Khanpughi naw a cawh sak vai ah ng’thäh ne taigü ci.

2 SAMUEL 6:23

Michala, Saul ah hta hnumi ung ak hmaw kä om ling ci.

2 SAMUEL 5:11

Tire ghangpughang Hiram naw sumlei vai ah chang tüi law ne, cedar k’pen gui la sing im k’co gui lung im k’co gui cu mang im co khai gui ah tüi law gui ci.

1 SHONTÄP NAK 22:6

Ani naw a hta Solomon ah chang tüi ne Israel Khanpughi Bawipa ah phäh ah Taigüim a cawh vai ah thumkhän ci.

1 SHONTÄP NAK 22:7

David naw ani am, “Ka htapa aw, kei naw Bawipa ka Khanpughi m’tamkhah nak ah Taigüim ka co hlük ci nei.

1 SHONTÄP NAK 28:2

David naw ami ma ah ng’düi neta ng’thu a pyen cu: “Kei ah ka khaw chang gui, na ng’ngai vä. Kei naw Bawipa mi Khanpughi naw a khaw ataih nak ah kiah ciah Thukhän m’küm angtäi sei tha nak vai ah im cu ka co hlük ci nei. Kei naw ani m’tamkhah nak vai ah Taigüim cawh vai ah ka pawmhtein pyi ci nei,

2 SHONTÄP NAK 20:30

Cun ah kyasei Jehoshaphat naw dimdeeih sei uk ci, a mawng päng ung m’lung üp nak om khai ah Khanpughi naw pe gui ci.

SAM 132:5

Bawipa ah hmawk ah hmun, Jakob ah m’gäi ciah Khanpughi ah hmawk ah im, kä ka hmuh pha ah chuih cun ah ka om khai.”

MATTHE 25:16

Cun kawn ah ani cu akho hei ah hteit ci. Ghui pit hma-kip gah ciah chang cu acun vai-am sumlei ne, ghui pit hma-kip ah khan ah pit hma-kip ak pawih khai ah gah ci.