2 SAMUEL 6:22 - Cho Bible Common Language 2016

²² Kei cu ng’lam ne Bawipa ka m’tam khah lä khai, kei ka mät cu ka gu law pi khai nei. Nang naw kei cu a kholä ah na na ngai khai, cun ung phi cun ah hnumi hta gui naw ak hlüngtai ah na ngai khai gui!” cik ci.

2 SAMUEL 6:22 Referans Kwoze

1 PETER 4:14

Bawi Khrit ah chang ah nami kyak ah hmawk ah päipih nak nami gah ung yeikyai nak om ci, a i ah kyasei ci ung, acun ah khin ung, bämang ciah Mumcha, Khanpughi ah Mumcha cu, nangmi ah khan ah ang leen ah hmawk ah kyak ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

ATÜNNAK 32:10

Na m’hni nak la na bekhüt nak cu kei changshäm awn kä khinkha ci nei. Cau kei naw Jordan tuinu cu ng’shopawng bäng awn ka kat lawk ci nei, cun ung phi tuhbäi chang bum hnih kami law lawk ci.

1 PETER 5:6

Khanpughi ah hlüngtai säih ciah a kut kaa ah nami mät naw nami mät ng’neim sak ne om vä, cun ung Khanpughi naw ni pi ciah akhin ung ning yu chang gui khai nei.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

MAKUH 14:66

Peter cu im cham kyong ah a om yah ung, taigütung ah a shäm hnumi hta cu gawk lawk ci.

2 SAMUEL 6:21

David naw, “Kei cu Bawipa m’tam ne ka ng’lam ci nei, ani naw na pa la akyong chang gui ah hnün ung na ghü ne, Israel chang gui ah matawn ciah na pyang ci nei.

2 SAMUEL 6:23

Michala, Saul ah hta hnumi ung ak hmaw kä om ling ci.

SAM 131:1

Bawipa, chang ah ka ng’shei nak cu ka nawng ci, chang yawshe nak phi ka ng’hlah tak ci. A tung khak ah phi kä ka kyak ci, khüikha nak gui vai phi kä ka yum ci.