2 SAMUEL 6:21 - Cho Bible Common Language 2016

²¹ David naw, “Kei cu Bawipa m’tam ne ka ng’lam ci nei, ani naw na pa la akyong chang gui ah hnün ung na ghü ne, Israel chang gui ah matawn ciah na pyang ci nei.

2 SAMUEL 6:21 Referans Kwoze

LAMKTU 13:22

Cun kawn ah Khanpughi naw Soul cu nawng ne David cu Israel ghangpughang ah m’düih ba ci, Khanpughi naw “Jesse ah hta David cu Ka m’lung am lawk ciah chang, Kei ah ng’yak hlü phung bik khai ah chang ah kyasei, ka hmu pyi ci nei” ci ne David ah mawng cu pyein ci.

2 SAMUEL 6:16

Thukhän M’küm cu mang gaw kyong ah law püi u sei, Michala, Saul ah hta hnumi naw m’kawt ung yuk teng ne, Ghangpughang David cu theing ciah ng’lam ah ng’lam ne yong ne ng’phiui sei hmu neta, ani cu päipih ci.

1 SAMUEL 13:14

Cun ung phi tuhbäi nang ah uknak cu kä ng’täi khai. A i ah kyasei ci ung nang naw ani kä na ngai ci. Bawipa naw ang yak hlü ah chang cu shui khai, cun kawn ah ak chang gui uktu ah pyang khai” cik ci.

1 SAMUEL 15:28

Samuela naw ani am, “Tuhngawi nang ung ka Israel uknak kho cu Bawipa naw heng pyi ci nei, nang ah bä pi ciah chang am pe pyi ci nei.

2 SAMUEL 6:14

David cu linen yih sui ne, ak tha gui avan awn Bawipa cu m’tam ne ng’lam ci.

2 SAMUEL 6:5

David la Israel chang van cu aktung ah ng’lam ne ng’äi ne Bawipa cu m’tamkhah ci gui. Ngami cu tingtäng, mawng cha, k’hting, k’phyung heng, ng’sheei gui cu tum ci gui.

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

1 SHONTÄP NAK 15:29

Thukhän M’küm cu mang gaw kyong ah ami law pui sangung, Saul ah hta hnumi Michala naw m’kawt ung om ne teng ne, yeikyai ne, ng’phyi ne ng’lam ciah Ghangpughang David cu hmu neta, thüisei shemshai ci.

1 SAMUEL 16:12

Cun ah kyasei Jesse naw chang tüi ne khü sak ci. Ani cu kyom ci, gai ne nong ci, amik cine ng’shü ci. Bawipa naw Samuel am, “Shin ah chang nei na phyuh theh vai!” cik ci.

2 SAMUEL 6:22

Kei cu ng’lam ne Bawipa ka m’tam khah lä khai, kei ka mät cu ka gu law pi khai nei. Nang naw kei cu a kholä ah na na ngai khai, cun ung phi cun ah hnumi hta gui naw ak hlüngtai ah na ngai khai gui!” cik ci.

2 SAMUEL 7:8

Kei A hlüngtai Bawipa naw ka pyen nak cu, ka changshäm David am m’thein ä, “Lo ah hto na shäm nak ungka kei naw ka ning lak ci, ka chang Israel gui uktu ah ka ning pyang ci.

2 SAMUEL 5:2

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”