2 SAMUEL 6:18 - Cho Bible Common Language 2016

¹⁸ Ani naw khawihnah douthak nak a pyi kawn ah ani naw chang gui cu Hlüngtai ciah Bawipa ah ming awn hriham pe gui ci,

2 SAMUEL 6:18 Referans Kwoze

1 SHONTÄP NAK 16:2

David naw khawihnah nak douthak a pyi kawn ah, ani naw Bawipa ah ming ung chang gui cu hriham pe gui ci,

1 GHANGPUGHANG GUI 8:55

Cun ung om ciah chang avan ah chaw ah ani naw m’lau ne, Khanpughi ah hriham cu k’thäh ci. Ani naw a pyen cu,

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

2 SHONTÄP NAK 30:27

Taigü gui la Levit gui naw chang gui ah khan ah Bawipa naw a phyuh theh vai ah k’thäh ci gui. Khanpughi naw khankhaw a im ungka naw ami taigü gui ng’ya ne dou pe gui ci.

2 SHONTÄP NAK 6:3

Israel chang gui ami van cu acun ung ng’düi ci gui. Ghangpughang cu ngami täng ah ng’hlat law neta Khanpughi ah hriham cu k’thäh pe gui ci.

1 GHANGPUGHANG GUI 8:14

Chang gui cun ung ng’düi u khäta, Ghangpughang Solomon cu ngami täng ah ng’hlat neta, Khanpughi ah hriham cu ngami ah khan ah k’thäh pe gui ci.

PHYAWN NAK 39:43

Moses naw a päng avan cu teng neta, Bawipa ah thumkhän ah mäih ah pyi phleh ne, ami bi cu hmuk ci. Cun kawn ah Moses naw hriham pak ci.

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

JOSHUA 22:6

Joshua naw hriham pe gui ne ami im ah tüi ba gui neta, shin ah m’cäi gui ci, “Nangmi cu ang htei ah bühmang ne, nami im ah nami hteit ba ci, vuhchah akda, ngui, ghui, kyei, m’sii la suisak akda nami hteh püi ci. Nami ga gui ah kaa nami lak gui cu nami pakhui chang paw gui am nami pai tu gui vai” ciah kyak ci. Cun kawn ah ngami cu ami im ah hteit ba ci gui. Moses naw Jordan a kyangtäng khaw cu Manasseh pakhui ateih am pe gui ci. Cun ung phi a hei ateih am Joshua naw Jordan akhei täng khaw cu a hei pakhui gui awn ngtäi khai ah pe gui ci.

2 SAMUEL 6:19

ami van am ei phi pe tak gui ci. Ani naw Israel hnumi pami päng am, m’htut pum ät, meh ket ng’zang ät la ak theih gui cu pe gui ci.

1 GHANGPUGHANG GUI 8:15

Ani naw, “Israel Khanpughi Bawipa cu m’tamkhah vä! Ani naw kapa David am shaitak a bi cu k’pang ci nei, ani naw a pyen cu,

2 SHONTÄP NAK 31:8

Ghangpughang Hezekiah la a bawi gui naw cun ah ami law püi cu hmu u neta Bawipa cu m’hlümtai cu ne, a chang Israel gui phi m’hlümtai ci gui.

SAM 129:8

Ani sun pah ciah chang naw phi, “Bawipa naw hriham ning pe sä! Bawipa ah ming ung hriham kami ning pek ci nei” kä ci phung khai gui.