2 SAMUEL 6:14 - Cho Bible Common Language 2016

¹⁴ David cu linen yih sui ne, ak tha gui avan awn Bawipa cu m’tam ne ng’lam ci.

2 SAMUEL 6:14 Referans Kwoze

1 SAMUEL 2:18

Cun yah ung ak hmaw Samuel cu Bawipa ah bi bi gäk gäk ci. Ani naw theing ciah

PHYAWN NAK 15:20

Prophet Miriam, Aaron ah be naw hting sheei tum ne ma sei, hnumi gui ami van naw hting sheei tum ne ng’lam ne läk ci gui.

SAM 150:4

K’hting k’bei tum ne ng’laam ne m’tam vä. K’phyung lawi la phiphät tum ne m’tam vä.

SAM 149:3

Ng’laam ne ang ming cu m’tam vä; k’hting la k’bei tum ne Bawipa cu m’tam vä.

SUKI GUI 11:34

Jephthah cu Mizpah a im ah law ba khäta, ahtahnumi cu ani hmu lawk khai ah thing tum ne ng’lam ne lawk ci. Ani cu a hta tumat bang ah kyak ci.

KOLOSE 3:23

Nami bi phung phung cu chang ah bi bi ah mäih ah kä kyak ciah Bawipa ah bi bi ah mäih ah nami m’lung kyong avan awn nami bi vai.

SAM 30:11

Kei ah thüi nak cu yei ne ng’lam nak awn na na m’thawng pek ci; Nang naw ka thüi nak avan cu la yawp ne, yeikyai nak awn na na kiung ci.

1 SAMUEL 2:28

Israel pakhui avan ung ka, ka taigüpa gui vai ah ani a ah kyong khui cu ka ghü ci, sonkyang ung bi bik khai, masui sui ne kei awn ng’ge pai khai. Sonkyang ung m’khih ne, khawhnak nak aming pai nak tu hning vai ah ami chaw cu kei naw ka pe gui ci.

LUKA 15:25

Cun yah ung a hta ang vai pi cu lo ah hteit ci. Lo ah kaa law ba ne, im pei ah ang et law ba ung ami tum ng’lam gui ah k’aw cu ng’ya netah,

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

1 SHONTÄP NAK 15:27

David cu linen ak ni pi ami tah ah suinu cu sui ci, tumkhawng ci gui, ami ng’vaihta Chenaniah la m’küm kawt ciah Levit gui phi akni sui ci gui. David cu linen ephod yih phi khang ci.

1 SAMUEL 22:18

Cun ah kyasei Saul naw Doeg am, “Nang naw ngawn gui ä! ci sei, Doeg naw ami van ngawn gui ci. Cun ah hnüüp ung ani naw shawiphaw kawt hning ciah taigüpa chei-kip-lei-hma cu ngawn gui ci.

SUKI GUI 21:21

ngäng vä. Pawi yah ung Shilon ung ka hnumi hta gui ng’lam khai gui ah ami law ah a kyak ung, sapyit lo ung ka nami law vai. Hnumi hta gui ung ka, nami mät phäh phäh naw nami chu vai nami k’pai vai, cun kawn ah Benjamin khaw ah nami law püi gui vai.

THULÄÄN NAK 6:5

Bawipa na Khanpughi cu nam lung kyong avan, na ngaih-tüh avan, na thagui avan awn nam hni vai.

PHYAWN NAK 19:6

Kei bäng ung ng’ap ciah nami kyak khai. Nangmi cu taigü ah kya ne ka khuut nami bik khai” cik ci.

PHYAWN NAK 15:21

Ngami ah hmawk ah Miriam ah ng’äi cu; Bawipa ah ng’äi m’cu vä, ani naw bä ciah näng nak gah pyi ci nei; Ani naw ng’se gui la ng’cum ci gui cu tuinu ung shum gui ci nei” cik ci.

2 SAMUEL 6:15

Cun kawn ah ani la Israel chang avan naw thukhän m’küm cu yei ne m’lau ne, phyungheng tum ne Jerusalem ah hteh püi ci gui.

2 SAMUEL 6:20

Cun kawn ah David cu akyong chang gui yavaih khai ah a im ah hteit ba khäta, Michala naw law ne hmu lawk ci. Ani naw, “Israel ghangpughang naw tuh ngawi amät ah ming däm khai ah bik ci nei! Abawi gui ah changshäm-hnumi hta gui ma ah akgu ah mäih ah amät naw amät m’dang ci nei!” cik ci.

SAM 87:7

Ngami cu ng’lam ne ng’äi u ne, “Zion mang gaw kyong ah mi hriham avan cu ng’yung ci nei” cik ci gui.

EZEKIEL 46:10

Manghta cu chang gui ami luh law ung lut law ne, ami hteh ba ung hteit tuba khai.