Biblia Todo Logo
Bib sou entènèt

- Piblisite -




2 SAMUEL 5:9 - Cho Bible Common Language 2016

9 Mangpang ami khäm kawn ah David cu a cun ung om neta, “David Mang Gaw” ah aming sui ci. Ani naw mang gaw cu veing ne cokyang ci, khomhtung ah a kiangtäng khaw dou cu k’be ne cokyang ci.

Gade chapit la Kopi




2 SAMUEL 5:9
16 Referans Kwoze  

Solomon naw akchu, Egypt ghangpughang ah a tha hnumi cu David ah mang im ungka naw Solomon naw a cawh pek ah mang im ung akplon kawn ah, mang gaw ah a kiangtäng ah m’dek cu k’be ci.


Ghangpughang Solomon naw Taigüim la mangim cawh nak ung, mang gaw ah a kiangtäng ung m’dek be nak ung, mang gaw k’pang cawh nak ung chang gui akghat ah ghüh gui ne bi sak gui ci. Ani naw ngami cu Hazor, Mekiddo la Keyera mang gaw gui cawh nak ung phi mang gui ci.


Ghangpughang naw vongpaang pyan ne ak khan ah tänghän co ne, akpung vongpaang co pyang ne mang gaw shungvong ci. Jerusalem gaw phyim a kiangtäng ung ng’shung nak vai co ne khui gui phi pyang ci. Ani naw k’htei gui la shawi gui phi akda ah pyang ci.


Shin cu hnungtuk nak ah mawng ah kyak ci. Solomon cu Jerusalem ah a kiangtäng ah m’dek k’be ne om ne, mang gaw k’paang gui phi pyang ci.


(Cun ung phi David naw Zion mangpang cu tu ne näng sei, “David mang gaw” ah kya lawk ci.)


Ani naw mang gaw cu tün ne co ba ne, atün nak cu khawgui ah a kiangtäng ung m’dek k’be ne pyang ci, akpawih ba ah mangaw avan cu Joab naw co ba ci.


Kä cun ah a kyak ung, Abimelek ung ka mei tho law ne, Shekhem la Bethmillo ung chang gui cu ui yawp sä. Shekhem la Bethmillo ung chang gui ung ka mei tho ne Abimelek cu ui sä” cik ci.


Cun kawn ah Shekhem la Bethmilo ung chang gui ami van cu a täng ah ng’bum u neta, Shekhem ung hlim ghing theing ah hteit ci gui, acu ah Abimelek cu ghangpughang ah m’düih ci gui.


Cu hnüüp ung David naw ak chang gui am, “Kei ah mäih ah Jebusit chang gui thüi na gui ci om ne ang? Ngami cu ngawn gui vai nei! Cun kawn ah tui m’hlawng ung hteit ne, am dauh la akshum gui cu tuk gui vai nei.” (“Cun ah mawng thu om cicu am dauh la akshum gui cu Bawipa ah im ung kä lut tu hlawt khai gui nei.”)


Ghangpughang Joash cu a bawi gui naw kük net püi ci gui, cun gui ungka hnih, Shimeath ah hta Joyakar la Shomer ah hta Jehozabad naw, Jerusalem ah ak kyangtäng, Silla pigaw ah hteh nak lam pei ah m’dek nawt ung cawh ah im ung ani cu ngawn ci goi. Joash cu David ah mang gaw, mang ah phuh hmun ung phuh ci gui, a hta Amaziah cu ghangpughang ah kya ba ci.


Jerusalem mang gaw cu kyom ne ng’ai khai ah ami k’süm ah kyak ci.


Khanpughi ah sonkiang, Jerusalem alnät cu ng’ziin ci! David ah ng’leen nak ah mang gaw cu ng’ziin ci! Kum ät käcung, kum goi ung yung im, eiawk pawi cu bi ba cang u sä,


Cun ah kyasei, amät naw Jerusalem ah kä hteh püi khai ah k’bäi ci; cun nak vai sü ung lam ah ng’hlat ba ne, Gath mang gaw khaw mah Obed Edom ah im ung tha khai k’bäi ci.


David cu si sei David ah mang gaw ung k’phuh ci gui.


Kolahozeh ah hta Shallum, Mizpah district uktu naw tuilawng m’kawt cu co ba ci. Ani naw m’kawt lam cu khuih ne, shopaang cu a hmun ung tha ne, shohkeing la shohgaw gui cu pyang ci. Ani naw a hmun ung shelah tuibüm pei ah mangkhodum tawi ne, David ah mang ung kyum gaw hlaak ung khüt khai ah co ci.


Swiv nou:

Piblisite


Piblisite