2 SAMUEL 5:7 - Cho Bible Common Language 2016

⁷ (Cun ung phi David naw Zion mangpang cu tu ne näng sei, “David mang gaw” ah kya lawk ci.)

2 SAMUEL 5:7 Referans Kwoze

1 GHANGPUGHANG GUI 2:10

David cu si sei David ah mang gaw ung k’phuh ci gui.

2 SAMUEL 6:16

Thukhän M’küm cu mang gaw kyong ah law püi u sei, Michala, Saul ah hta hnumi naw m’kawt ung yuk teng ne, Ghangpughang David cu theing ciah ng’lam ah ng’lam ne yong ne ng’phiui sei hmu neta, ani cu päipih ci.

2 SAMUEL 6:12

Obed Edom ah kyongchang la ani ung om ci avan, Thukhän M’küm ah phäh ah Bawipa naw hriham apek cu David ghangpughang naw ng’ya neta; Thukhän M’küm Obed ah im ungka va la ne, dämduh ciah pawi bi ne Jerusalem ah hteh püi ci.

THU PHLAAN 14:1

Cun kawn ah han teng ba netah Zion khomhtung khan ah Htomehta ng’düi sei ka hmuk ci. Amät ah ming la Apa ah ming ami m’calai ung ami guk ah chang 144, 000 gui cu ani awn a täng ah om ci gui.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

ROMAN 9:33

Cacim Theing ung; “Teng vä, chang gui naw ami ng’vawn nak vai ah, lung tumat cu Zion m’htung khan ah ka m’shän khai nei, Chang gui cu cun ah lung ung ng’vawn ne ng’täng khai gui nei. Cun ung phi Lung ah kyak ciah Bawi Khrit yum ciah chang gui cu, a i yah ung phi ami thüisei nak kä om khai nei,” ciah om ci.

MIKHAH 4:2

ami chang gui naw, “Bawipa ah khomhtung ah mi hteit khai nei, Israel gui ah Khanpughi ah Taigü im ah. Ani naw mi bi vai angyak hlü cu na m’thei gui khai nei. Mikmi cu ani naw a ghü ah lam ung mi hteit khai nei. Bawipa ah m’thei nak cu Jerusalem ungka lawk ci, Zion ungka naw a chang gui cu ng’thu püi gui ci.”

ISAIAH 59:20

Bawipa naw a chang gui pyen ah gui ci, “Kei cu Jerusalem ah ka lawk khai, ning shungvong gui ne, katnak ung n’hlat ci gui nami van ka ning hun gui khai.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

SAM 132:13

Bawipa naw Zion manggaw cu ghü pyi ci; Ani naw cun cu a im ah pyang hlük ci:

SAM 87:2

Israel khaw hmun avan ung Jerusalem mang gaw cu ani naw m’hni pi ci.

SAM 51:18

O Khanpughi, Zion mang gaw cu m’gein ne m’hteihtang ä; Jerusalem mang gaw pang cu tah ne thong ba ä.

SAM 48:12

Khanpughi ah chang gui, Zion cu veing ne hteit ne, tänghän gui cu khei vä;

SAM 9:11

Zion kho ung uk ciah Bawipa am ng’äi m’cu vä! Ani ah bi lawh ah mawng cu pakhui päng-am’thein vä!

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

2 SHONTÄP NAK 24:16

Israel chang gui ah phäh ah a bilawn gui, Khanpughi ah phäh ah a bilawh gui la Taigüim ung a bilawh gui m’tamkhah nak ah, ani cu David mang gaw, mang ah phuh hmun ung phuh ci gui.

2 SHONTÄP NAK 5:2

Cun kawn ah Ghangpughang Solomon naw Israel pakhui gui la pahta gui ami van cu Jerusalem ung ng’bum sak gui ne, David ah mang gaw Zion ungka naw Taigüim ah Bawipa ah Thukhän M’küm cu hteh püi vai ah pawng ci.

1 SHONTÄP NAK 11:7

David cu mangpang ah kyong ah hteit ne am ci, cun ah kyasei cun cu “David ah Mang gaw” ah ami pyen ah kyak ci.

1 GHANGPUGHANG GUI 8:1

Ghangpughang Solomon naw Israel pakhui gui pahta gui ung tängpang ci gui ami van cu ani ah Jerusalem ah ami law vai ah k’thäh gui ci, cun cu David ah mang gaw Zion ungka naw Taigüim ah Bawipa ah Thukhän M’küm hteh püi vai ah kyak ci.

1 GHANGPUGHANG GUI 3:1

Solomon naw Egypt ghangpughang ah hta hnumi chu na ne, ng’khawtsheng nak bik ci. Ani naw achu cu David mang gaw ah law püi ne, amang im, Taigüim la Jerusalem gaw k’pang kä ah cawh pha yawp ah chuih acun ung om sak ci.

2 SAMUEL 6:10

Cun ah kyasei, amät naw Jerusalem ah kä hteh püi khai ah k’bäi ci; cun nak vai sü ung lam ah ng’hlat ba ne, Gath mang gaw khaw mah Obed Edom ah im ung tha khai k’bäi ci.

2 SAMUEL 5:9

Mangpang ami khäm kawn ah David cu a cun ung om neta, “David Mang Gaw” ah aming sui ci. Ani naw mang gaw cu veing ne cokyang ci, khomhtung ah a kiangtäng khaw dou cu k’be ne cokyang ci.

2 SAMUEL 5:8

Cu hnüüp ung David naw ak chang gui am, “Kei ah mäih ah Jebusit chang gui thüi na gui ci om ne ang? Ngami cu ngawn gui vai nei! Cun kawn ah tui m’hlawng ung hteit ne, am dauh la akshum gui cu tuk gui vai nei.” (“Cun ah mawng thu om cicu am dauh la akshum gui cu Bawipa ah im ung kä lut tu hlawt khai gui nei.”)

1 GHANGPUGHANG GUI 9:24

Solomon naw akchu, Egypt ghangpughang ah a tha hnumi cu David ah mang im ungka naw Solomon naw a cawh pek ah mang im ung akplon kawn ah, mang gaw ah a kiangtäng ah m’dek cu k’be ci.

JEREMIAH 21:13

Nang, Jerusalem cu khongnawi ah khan hlüng ne na ngok ci nei, cun cu kho zaw ung hang tho ciah lungksong ah mäih ah kyak ci nei. Cun ung phi kei naw hnung tuk ne ka ning tuk püi khai nei. Nang naw, a u naw kä na tu gui hlawlt khai, nami ng’vong pang phi a u naw kä m’shet hlawt khai nami cik ci.

NEHEMIAH 3:15

Kolahozeh ah hta Shallum, Mizpah district uktu naw tuilawng m’kawt cu co ba ci. Ani naw m’kawt lam cu khuih ne, shopaang cu a hmun ung tha ne, shohkeing la shohgaw gui cu pyang ci. Ani naw a hmun ung shelah tuibüm pei ah mangkhodum tawi ne, David ah mang ung kyum gaw hlaak ung khüt khai ah co ci.

SAM 48:3

Cun ah mang gaw ah chaam kyong ah ani awn om ung phyawn nak om ci, cicu Khanpughi naw m’dang ci nei.