2 SAMUEL 5:5 - Cho Bible Common Language 2016

⁵ Ani naw Hebron ung om ne Judah cu khaw kum chih la avang ung uk ci, Jerusalem ung om ne Israel la Judah cu khaw kum thumkip-lei thum ung uk ci.

2 SAMUEL 5:5 Referans Kwoze

2 SAMUEL 2:11

Ani naw Hebron ung om ne khokum chih la amcawt Judah ung uk ci.

1 SHONTÄP NAK 3:4

Ami van chuk cu David naw Hebron ung khokum chih la avang ung a uk yah ung a hta nak gui ah kyak ci. Ani naw Jerusalem ung ghangpughang ah kya ne khokum thumkip lei thum ung uk ci,

1 GHANGPUGHANG GUI 2:11

Ani cu khokum phli kip ung Israel ghangpughang ah kyak ci, Hebron ung kum chih, Jerusalem ung kum thum kip lei thum uk ci.

2 SAMUEL 2:4

Cun kawn ah Judah chang gui cu Hebron ah law u ne David cu Judah ghangpughang ah hmoh ci gui. David naw Kilead ung Jebesh chang gui naw Saul ami htüm cu ng’ya neta,

1 SHONTÄP NAK 11:3

Cun ah kyasei Israel gui ah ami ng’vaihta gui ami van Hebron ung David Ghangpughang ah lawk ci gui. Ani naw ak bum gui. Ng’teng püi gui ci, ngami naw ani cu phyuh theh ci gui, ani cu Samuela ung Bawipa naw shai atak ah mäih ah Israel ghangpughang ah kya Lawk ci.

1 SHONTÄP NAK 29:27

Khokum phli-kip ung uk ci. Ani naw Hebron ung om ne kum chih, Jerusalem ung om ne kum thumkip lei thum ung uk ci.

2 SAMUEL 12:8

Kei naw ani ah uk ah khaw la ak chu gui phi ka ning pek ci; Israel la Judah avan ah ghangpughang ah ka ning pyang ci. Cun gui kä ang büh ah akiak ung kei naw cun ah a goi ah ka ning pe ba khai.