2 SAMUEL 5:13 - Cho Bible Common Language 2016

¹³ Ani cu Hebron ungka naw Jerusalem ah ang plon kawn ah, David cu akchudüt, chulüngda sei, hnumi pami akda ah hta ba ci.

2 SAMUEL 5:13 Referans Kwoze

1 SHONTÄP NAK 3:9

Shin ah a hta gui avan ah kawn ah David ung akchuba gui awn ami hta gui phi om ci. Ani ung a hta hnumi Tamar phi om ci.

THULÄÄN NAK 17:17

Ghangpughang naw akda kä akchu nak vai, a i ah kyasei ci ung acun naw ani cu Bawipa ungka naw dawng sak khai. Ghui la ngui awn amät ang bühmang vai ah kä ah bi en vai.

2 SHONTÄP NAK 13:21

Abijah cu a huham däm law pi pi ci. Ani cu akchu gha lei phli lawk ci, a hta pami m’ku lei goi, a hta hnumi gha lei chuk lawk ci.

2 SAMUEL 5:12

Cun ah kyasei David naw, ani cu Israel ghangpughang ah Bawipa naw am düih ah hmat ci, ani naw ak chang gui ah phäh ah a uknak cu bühmang khai ah pyang ci.

1 GHANGPUGHANG GUI 11:3

Solomon naw manghta phia chih chu nak ci, cun kawn ah a chu ba phi phia thum lawk ci. Cun gui naw ani cu Khanpughi ng’hlah ta sak ci gui,

1 SAMUEL 25:43

David naw Jeyreela ah ka Ahinoam cu chu nak ci, tuhbäi Abigail phi chu na ba ci.

2 SAMUEL 12:2

Bühmang ci ung sei akda la htome akda om ci,

1 SHONTÄP NAK 3:1

Hebron ung a om yah ung David ah hta gui cu, a khokum aläk ah khei ung shin ah kyak ci: Amnon, anu cu Karmelaa ah ka Ahinoam Daniel, anu cu Karmelaa ah ka Abigail Absalom, anu cu Geshura ghangpughang Talmai ah hta hnumi Maakah, Adonijah, anu ci Hakkith Shephatiah, anu cu Abital Ithream, anu cu Eklah