2 SAMUEL 5:12 - Cho Bible Common Language 2016

¹² Cun ah kyasei David naw, ani cu Israel ghangpughang ah Bawipa naw am düih ah hmat ci, ani naw ak chang gui ah phäh ah a uknak cu bühmang khai ah pyang ci.

2 SAMUEL 5:12 Referans Kwoze

2 SAMUEL 7:16

Nang ung angtäi sei na hta ng’shon om khai, nang ah uknak khaw cu kä ng’pyi hlawt khai ah kei naw ka pyang khai. Nang ah uknak ng’shon cu kä ng’pyi hlawt khai!” cik ci.

1 GHANGPUGHANG GUI 10:9

Bawipa na khanpughi cu m’tamkhah ä! Ani naw Israel ghangpughang ah ning pyang ne, nang awn a täng ah a om ah phäh ah a i hlawk ah a yeikyai cu m’dang ci nei. A i ah kyasei ci ung ani naw Israel am hni nak cu angtäi ah kyak ci, ani naw nang cu ami ghangpughang ah ning pyang ci, nang naw thukhän la taga nak cu na bi hning ci.”

1 SHONTÄP NAK 14:2

Cun ah kyasei David naw ani cu Israel ghangpughang ah kyak khai ah Bawipa naw m’düih ci, achang gui ah phäh ah a uknak khaw cu bühmang khai ah ani naw pyang ci, cicu hmat lawk ci.

DANIEL 2:30

Tuhbäi cun ah akthuuk gui cu kei ung dang sak ci nei, Cun cu a hei gui ah ta kei, ka cüivai pi su ah kä kyak ci, nang ghangpughang naw na mang ah mawng na hmat nak vai la nang ung gawk lawk khai ah ngaih-tüh nak gui na hmuhmat nak vai ah kyak ci.

ESTA 4:14

Shin ah mäih a khin ung nang a düm ah na om ah a kyak ung, Jew chang gui ah hmawk ah khankho ah kaa m’hteihtang nak cu gawk lawk khai nei. Cun ung ngami cu hun nak gah khai gui. Cun ung phi nang cu na sik khai, na pa ah kyongchang cu ng’pyi khai. Cun ung phi nang ghangpughangnu ah na kyak law cu shin ah mäih a khin ah phäh ah kä kya ne ang!”

2 SHONTÄP NAK 2:11

Ghangpughang Hiram naw Solomon am ca m’khäh law tu ba cu, “Bawipa naw a chang gui m’hni ci, ani naw ami ghangpughang ah ning pyang ci.

2 SAMUEL 5:11

Tire ghangpughang Hiram naw sumlei vai ah chang tüi law ne, cedar k’pen gui la sing im k’co gui lung im k’co gui cu mang im co khai gui ah tüi law gui ci.

2 SAMUEL 5:13

Ani cu Hebron ungka naw Jerusalem ah ang plon kawn ah, David cu akchudüt, chulüngda sei, hnumi pami akda ah hta ba ci.

KHEI NAK 24:7

Ngami ung khawtui akni ah aa khai. Tui ah ni nak ah lolai ung ami m’shi geit khai gui. Ami ghangpughang cu Agag bawi ah dämduh pi khai. Ani ah uknak cu ng’shawng ne ng’kau pi khai.