2 SAMUEL 5:1 - Cho Bible Common Language 2016

¹ Cun kawn ah Israel pakhui ami van David ah om nak Hebron ah law neta ng’thu ami pyen cu, “Keimi cu namät ah si la sa ah kami kyak ci.

2 SAMUEL 5:1 Referans Kwoze

EPHESIAN 5:30

mikmi cu apumsa ah ang phyeekpaai gui ah mi kyak ci.)

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

ATÜNNAK 29:14

Laban naw, “Nang cu akcang ah kasi, kasa ah na kyak ci nei” cik ci. Jakob cu cha ät lung ne om law tuk ci.

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

SUKI GUI 9:2

“Shekhem chang gui am ami m’thein gui vai cu, “A i ang nami ghü kaw? Kideon ah hta chih-kip avan ah uknak ang? Käcung tumat bang ah uknak ang? Nami shüm ba vai cu Abimelek cu ami mät ah si la sa ah kyak ci nei” cik ci.

THULÄÄN NAK 17:15

Ghangpughang ah nangmi naw nami ghü ah chang cu Bawipa naw aghü ah chang ah a kyak vai ah nami cimgang vai. Ani cu nami mät ah chang ah kyak khai. A khaw hei chang cu nami ghangpughang ah kä nami hmoh vai.

JOSHUA 10:36

Cun kawn ah Joshua la a gakap gui cu Eglon ungka naw khawgui täng ah hang kai u ne, Hebron cu tuk ci gui,

2 SAMUEL 19:12

Nang mi cu ka ning mätyah gui, ka si la ka sa ah nami kyak ci; a i ah kyasei kei na tha ba vai ah nami shokshü ang?” cik ci.

2 SAMUEL 19:43

Israel chang gui naw, “Ani cu nangmi ungka ah a kyak pang ung phi, Ghangpughang David cu nangmi ah ta keimi ung a gha ah ng’gui pha pi ci nei. A i ah kyasei keimi nami na kahta nak gui ang? Ghangpughang lak ba vai ah ng’thu pyen ma ci cu, keimi nei, kä nami m’hnih vai!” cik ci gui. Cun ung phi Judah chang gui ah ng’thu cu Israel chang gui ah thu ah ta khäng htek pi ci.

2 SAMUEL 2:32

Joab la ak chang gui naw Asahela ah gook cu la u ne, Bethlehem ah akyong chang ah phuh hmun ung phuh ci gui. Cun kawn ah ngami cu pum ng’kaan u ne, kho ngawi hta ung Hebron ah gawk ba ci gui.

2 SAMUEL 19:14

David ah ng’thu naw Judah chang gui ami van akbe ah bekhüt sak gui ci, ngami naw, a bawi gui ami van nawn ami law ba vai ah ng’thu m’khäh ci gui.