2 SAMUEL 4:4 - Cho Bible Common Language 2016

⁴ A hei Saul ah angshon tumat cu Jonathan ah hta Mephibosheth ah kyak ci, ani cu Saul la Jonathan ami ngawn goi yah ung kum hma lawk ci. Ngani ah sih ah mawng cu Jezreelaa mang gaw ungka gawk law khäta, ani m’htei ci naw chang ne dawng püi ci; cun ung phi cun ah hnumi cu ang htei ah tawt aih neta, lam ah chah pah sei, a khaw shum ci.

2 SAMUEL 4:4 Referans Kwoze

2 SAMUEL 9:3

Ghangpughang naw ng’shi ne, “Saul ah kyongchang pawih ba ci tumat mat om ne ang, ka bi vai ah Khanpughi ah ka shaitak ah mäih ah ka bekhüt nak la ka m’hni nak cu ani am ka m’dang hlük ci nei” cik ci. Ziba naw, “Jonathan ah hta gui ungka tumat om ba ci, ani cu shum ci” cine m’thein ci.

1 SHONTÄP NAK 9:40

Jonathan cu Meribbaala ah pa, ani cu Mikah ah pa ah kyak ci.

1 SHONTÄP NAK 8:34

Jonathan cu Meribbaal ah pa, ani cu Mikah ah pa ah kyak ci.

2 SAMUEL 9:6

Saul ah tu, Jonathan ah hta Mephibosheth cu gawk law neta, David ah ma ah m’khukdong ne chang m’sui ci. David naw, “Mephibosheth cine khü sei, ani naw, “Ä, bawi mang aw” cik ci.

1 SAMUEL 29:11

Cun ah kyasei David la a chang gui cu khaw ngawi hta ung ang dawt ah pawng ne, Philistin ah hteit ba ci gui, Philistin gui cu Jeyreela hteit ci gui.

1 SAMUEL 29:1

Philistin gui naw ami gakap gui avan cu a täng ah Aphek ung law püi ci gui, cun yah ung Israel gui cu Jeyreela khaw ng’nawi ung phung tu ne om ci gui.

2 SAMUEL 21:7

Cun ung phi ani la Jonathan naw theing ciah shaitak ani bi om ci kyasei, Saul a tu Jonathan ah hta, Mephibosheth cu David naw k’pawih nak ci.

2 SAMUEL 9:13

Cun ah kyasei Mephibosheth, a khaw vang goi vei shum ciah chang cu, Jerusalem ah om ne, ghangpughang ah tawnglang ung angtäi sei ei awk ci.

1 GHANGPUGHANG GUI 11:17

Hadad la apa ah Edomit changshäm gui, Egypt ah dawng ci gui bäng phyawng ci gui. Cun sangung Haded cu a hmaw hta ah kyak ci.