2 SAMUEL 4:11 - Cho Bible Common Language 2016

¹¹ Amät ah im kyong ah ip ciah chang k’ni ngawn ciah changshe gui cu a i hlawk ah shetkat nak om ci ang? Ani nani ngawn ah phäh ah nangni ah khan ah tuhbäi kei naw phu ka tuk khai, m’dek khan ungka, ka ning täm goi khai,” cik ci.

2 SAMUEL 4:11 Referans Kwoze

SAM 9:12

Dukdeiu nak gah ci gui cu Khanpughi naw shüm gui ci; ngami ah ng’hui ng’pa nak cu kä m’hnih ci, ngami ah khan ah ak ka bik ci cu m’kyuk ci.

1 JOHAN 3:12

Mikmi cu Kain ah mäih ah kä mi kya en vai nei. Ani ung khoshe om sei, a nau Abel cu ngawn ci nei. Kain naw a i ah kyasei a ngawn ang? Ani ah bilawh gui cu cheishoh ne a nau ah bilawh gui cu ang düng ah hmawk ah kyak ci.

HABAKKUK 1:12

Bawipa, nang cu a htük ge ung Khanpughi ah na kyak ci. Nang cu ka Khanpughi, ng’ciim ne angtäi ah na ghing ci, Bawipa, ka Khanpughi la ka ng’yii nak, nang naw Babilonian gui cu ghü gui ne, na k’thamah sak gui ci. Cun ah kia nei keimi na m’kyuk gui ci gui.

HABAKKUK 1:4

Thukhän cu ng’yom ci, a i ah kä mawng ci, taga ciah m’khoicha nak kä om ci, changshe gui naw changnigui ah ni nak cu la u sei, taga nak cu ng’lat yawp ci.

JEREMIAH 10:11

(Nangmi chang gui naw nami m’thein gui vai cu khomdek la khankho mik tui pyang ciah kä kyak ciah khanpughi gui cu m’di vai nei. Ngami cu khomdek khan ung ahawi ah phi kä om tuba khai gui.)

NG'THU K'THUUK~ 25:26

Changnicu changshe ah mäih ah am lungsi ung m’no ciah tuihta, thuk ciah tuibüm ah mäiha ah kyak ci.

NG'THU K'THUUK~ 2:22

Cun ung phi changshe gui cu Khanpughi naw shin ah khaw ungka pheng gui khai. Chang kaa gui cu m’ghaw mawih ah mäih ah mawi gui khai.

SAM 109:15

Bawipa naw ami katnak cu angtäi ah shüm pe gui sä, cun ung phi ami mät läi cu m’hni gui yüm yüm sä!

1 GHANGPUGHANG GUI 2:32

Joab naw kapa David ah kä hmat ah chang gui ngawn ne akat ah phäh ah ani cu Bawipa naw m’kyuk khai. Joab naw chang ni hnih ngawn ci, ngani cu amät ah ta ni tuba ci goi: ngani cu Abner, Israel gakapbawi la Amasa Judah gakapbawi ah kyak ci goi.

2 SAMUEL 3:39

Kei cu Khanpughi naw a ghü ah ghangpughang ah ka kyak ung phi, tuh ngawi ka tha ken ci nei. Shin ah Zeruiah ah hta gui cu kei ah phäh ah ta, m’gäi m’cik aih ci gui nei. Shin ah chang chei yeeih gui cu ami katnak ah ciah Bawipa naw m’kyuk gui sä” cik ci.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

PHYAWN NAK 21:12

“Chang shun daih ne ngawn ciah chang cu amät ngawn ba vai.

PHYAWN NAK 9:15

Kei naw ka kut shäng ne nang la na chang gui cu ka shetkat sak gui khai, nang phi ang müi ah ka ning m’di khai.

ATÜNNAK 7:23

Chang ni, phyukha khisa, ak ghing phung avan Bawipa naw m’di gui yawp ci. Noah la Noah awn a täng ah htinpaw im kyong ah om ci gui bäng k’pawih ba ci gui.

ATÜNNAK 6:13

Khanpughi naw Noah am, “Hniciim chang ah ng’pyi nak vai cu ka k’bäi pyi ci nei. Khomdek khan cu cheishoh nak awn be ci kyasei, ka m’dii khai nei.

ATÜNNAK 4:11

Na ngawn ah na nau ah si awk khai ah a shai m’aan ciah khomdek naw nang cu ning m’kyuk pyi ci nei.

2 SAMUEL 16:8

Nang naw Saul ah uknak khaw na gut ci, Saul ah kyong chang akda na ngawn ah phäh ah Bawipa naw tuhbäi ning m’kyuk ci nei. Bawipa naw uknak khaw cu na hta Absalom am pe pyi ci nei, nang na dishum ci, chang ngawn ciah chang!” cik ci.