2 SAMUEL 3:9 - Cho Bible Common Language 2016

^9-10 Bawipa naw David am shaitak ci, ani naw Saul la a hta ng’shon ah kut ungka, uknak cu lak khai, David cu Israel la Judah ah ghangpughang ah ng’hmoh khai, kho vangtäng khaw cawi ungka naw vangtäng khaw cawi ung khüt khai. Shin ah ng’thu cu akcang ah kä ka bi ung Khanpughi naw ka sik khai ah na ci sä!” cik ci.

2 SAMUEL 3:9 Referans Kwoze

1 SAMUEL 15:28

Samuela naw ani am, “Tuhngawi nang ung ka Israel uknak kho cu Bawipa naw heng pyi ci nei, nang ah bä pi ciah chang am pe pyi ci nei.

1 GHANGPUGHANG GUI 19:2

Ani naw Elijah am ng’thu m’khäh ci: “Prophet gui ah khan ah na bi ah mäih ah ngawi ung a shin ah khin ung kei naw nang ah khan ah kä ka bi ah a kyak ung khanpughi gui naw ka sik khai ah na ci u sä.”

1 SHONTÄP NAK 12:23

David Hebron ung a om yah ung, ng’thei pyi ciah gakap akda ani ung ng’dawn law u ne, Bawipa ah a shaitak ah mäih ah Saul ah hnün ung ani cu ghangpughang ah tha vai ah bawm tuk ci gui. Cun gui cu khei ung shin chü ah kyak ci: Judah: Shawi la htei gui kawt ne ng’tuk nak vai akbe om ciah chang 6,800; Simeon: akni ah m’thei pyi ah chang 7,100; Levi: Chang 4, 600; Aaron ah htangshon, Jehoiada läk ciah chang 3, 700; Zadok, ng’tuk hning ciah chang nong, ani ah mätyah gui: matawn ciah chang 22; Benjamin (Saulu amät ah pakhui): 3, 000 (Benjamin chang gui akda pi cu Saul ung bekhüt lä ci gui.); Epraim: Chang 20, 800 ngami cu ami mät ah pahta ung mingthang ci gui; Akheitäng Manasseh: David cu ghangpughang ah tha khai ah ami ghügui chang 18, 000; Issakha: angvaihta 200, ngami awn a täng ah ami thumkhän ka ah om ciah chang gui. (Shin ah angvaihta gui naw Israel gui ah ami bi vai la ami bi nak vai ah a khin om pi cu hmat ci gui); Zebulun: bekhüt ne ngaih gep vai kyak ci, ng’tuk ge vai ah kyak ciah chang 50, 000 Li htei awan ami m’thei gui ah kyak ci; Naphtali: angvaihta gui 1, 000 shani la htei kawtciah gakap 37, 000 awn a täng ah om ci gui; Dan: ami m’thei gui pui chang 28, 600; Asher: ng’tuk ge vai ah om ciah chang 40, 000 Jodan akiangtäng ung om ciah pakhui gui. Reuben Kad, la Manasseh akiang ung om ciah chang gui: Chang 120, 000 cu likhim avan ami m’thei gui ah kyak ci.

1 SAMUEL 28:17

Bawipa naw kei ung ana m’thein ah mäih ah abi ah kyak ci nei: ani naw uknak khaw cu nang ung ka la pyi ci, nang ah hnün ung David am pe pyi ci nei.

RUT 1:17

Na sih nak ah ka si tuk khai aw ah ka ng’cim khai. Sih nak ah kawn ah a hei a mawng awn nang ka ning pai püi ah a kyak ung, kei cu Bawipa naw akshe pi k’bäih ah na m’kyuk sä” cik ci.

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

2 SAMUEL 3:35

A hnüüp pum ung David naw ei a ei vai ah chang gui naw tha nak ci gui, cun ung phi ani naw thuuk ciah shaita ne, “Shin ah hnüüp kä ang pyi pha ung ei ka ei läi ngä sei, Khanpughi naw ka sik khai ah na ci sä!” cik ci.

1 SAMUEL 25:22

Khaw kä thai pha sei shin ah chang gui tumat phi kä om ba khai ah kä ka ngawn yawp ung, Khanpughi naw ka sik khai ah na that sä!” cik ci.

1 SAMUEL 14:44

Saul naw ani am, “Nang kä na sih ah a kyak ung, Khanpughi naw kei na m’sih sä!” cik ci.

1 SAMUEL 3:17

Eli naw, “Bawipa naw a i ang a ning m’thein. A i phi kei am kä na na m’zih vai. Ani naw a pyen päng kä na na m’thein ah a kyak ung Khanpughi naw aktä ah ning m’kyuk khai,” cik ci.

2 SAMUEL 19:14

David ah ng’thu naw Judah chang gui ami van akbe ah bekhüt sak gui ci, ngami naw, a bawi gui ami van nawn ami law ba vai ah ng’thu m’khäh ci gui.

1 GHANGPUGHANG GUI 2:23

Cun kawn ah Solomon naw Bawipa ah ang ming ung shaitak nak aktung ah bik ci, “Shin ah a nak thäh ah phäh ah Adonijah naw a hnun gui pek khai ah kä ka bi ah a kyak ung, Khanpughi naw ka sih vai ah na yuk bi sä!