2 SAMUEL 3:39 - Cho Bible Common Language 2016

³⁹ Kei cu Khanpughi naw a ghü ah ghangpughang ah ka kyak ung phi, tuh ngawi ka tha ken ci nei. Shin ah Zeruiah ah hta gui cu kei ah phäh ah ta, m’gäi m’cik aih ci gui nei. Shin ah chang chei yeeih gui cu ami katnak ah ciah Bawipa naw m’kyuk gui sä” cik ci.

2 SAMUEL 3:39 Referans Kwoze

SAM 101:8

A hnüüp, a hnüüp tä sei mi khaw ung om ciah akshe gui cu ka m’di gui khai; changshe gui cu Bawipa ah mang gaw ungka naw ka k’tääm gui khai.

SAM 28:4

Ami bi pyi gui ah hmawk la ami chei ah katnak ah hmawk ah m’shet gui ä. Ami om ih ah ciah m’kat gui ne, ami bilawh ah ciah thung gui ä.

2 TIMOTHI 4:14

Kyeei sheh ciah Alexander naw kei cu ak kaa ah na kyak na tuk ci nei, amät ah bi ah khan ah Khanpughi naw a gah vai cu pek khai nei.

ROMAN 13:4

A i ah kya sei ci ung, ani cu nang ah ni nak vai ah Khanpughi naw ak chang ah am düih ah kyak ci. Cun ung phi katnak na bi ah a kyak ung ani cu na kyih vai, aniung akcang ah shet m’kat nak vai ah huham nak cu om ci. Ani cu Khanpughi ah changshäm ah kya ne, katnak bik ciah chang gui cu Khanpughi ah huham awn m’shetkat gui ciah kyak ci.

NG'THU K'THUUK~ 25:5

Akshe ah m’cumcäi thei cicu ghangpughang ungka kami k’täm khai. Aniah uknak cu ataga nak awn avan naw hmat khai.

SAM 62:12

Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.

ISAIAH 7:4

Ang nih nak vai, akcing ah a om vai. Kä a kyih kyawk vai, kä a m’lungso vai ah na m’thein vai nei. Ghangpughang Rezin la a Sirian chang gui la Ghangpughang Pekah ah m’lungshe nak cu ui ngän ngän ciah sing tawn hnih hlawk ah kyih vai ah kä kya ba ci nei.

NG'THU K'THUUK~ 20:8

Ghangpughang cu ng’thumcha nak ung ngok ci, ani naw akshe cu a hmuh ung hmat ci.

SAM 75:10

Ani naw changshe gui ah huham cu cheiuh khai. Cun ung phi chang düng gui ah huham cu hlüngtai law pi khai nei.

SAM 7:16

Ami mät ah shetkat nak cu ami mät ah lu khan ah ng’taih ba ci, ami kat nak, a mi mät ah khan gawk ba ci.

1 SHONTÄP NAK 22:5

David naw, “Ka htapa Solomon naw a cawh vai ah Taigüim cu chünla ne, khomdek khan ung mingthang khai nei. Cun ung phi ani cu hmaw ci, a hmuhmat kä om phak ci, cun ah kyasei kei naw ka pawng htein pek khai” cine ng’ngai ci. Cun ah kya ne David naw kä a sih pha ung cawh kyan nak vai akda gah pyi ci.

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

PHYAWN NAK 21:12

“Chang shun daih ne ngawn ciah chang cu amät ngawn ba vai.

2 SAMUEL 3:38

Ghangpughang naw a bawi gui am, “Tuh ngawi dämduh ciah Israel ng’vai sik ci, cicu kä nami ngaih-tüh ne ma?

2 SAMUEL 16:10

Ghangpughang naw Abishai la ana Joab am, “Shin cu nang ah bi ah kä kyak ci, ana shai nak cu Bawipa naw a shai vai ah am thein nei, a i ah kyasei shin ah abi cu ani naw ng’shi hning ci nei.

2 SAMUEL 19:22

Cun ung phi David naw Abishai la anau Joab am, “A u naw na ngaih na pyen vai ning shi ne ang? Kei cu tuhbäi Israel ghangpughang tumat ah ka kyak ci, tuh ngawi a u Israel chang phi sih nak kä pek vai” cik ci.

1 GHANGPUGHANG GUI 2:32

Joab naw kapa David ah kä hmat ah chang gui ngawn ne akat ah phäh ah ani cu Bawipa naw m’kyuk khai. Joab naw chang ni hnih ngawn ci, ngani cu amät ah ta ni tuba ci goi: ngani cu Abner, Israel gakapbawi la Amasa Judah gakapbawi ah kyak ci goi.

1 SHONTÄP NAK 29:1

Ghangpughang David naw chang hli avan ah ma ah thu ang ng’shäu cu, “Kei ah ka hta Solomon cu khanpughi naw a ghü tumat ah kyak ci, cun ung phi ani cu nong sang ci kya ne a hmuhmat nak ken ci. Abi vai ah bii cu dämduh aih ci, a i ah kyasei ci ung cun cu chang ah phäh ah mang im ah kä kyak ci, Bawipa Khanpughi ah phäh ah Taigüim ah kyak ci.

2 SHONTÄP NAK 13:7

Cun kawn ah ani naw chang omshe gui cu k’bum gui sei, ngami naw Solomon ah hta Rehoboam cu ami ng’yak hlü ah bi sak u sei, ani cu nong yah ne a i kä buiawt man ci kya ne kä m’khüt gui ci.

JEREMIAH 38:5

Ghangpughang Zedekiah naw m’shang gui ne, “Bä khai nei, nami ng’yak hlü ah ani ah khan ah bi vä; kä ka ning maa na gui khai nei” cik ci.

DANIEL 6:16

Cun ah kyasei ghangpughang ah thukbäi awn Daniela cu pha ne, phongkawng be ciah khui ung yuk shum vai kyak ci. Ani naw Daniela am, “Bekhüt ne na khawihnah ah na Khanpughi naw, ning gung sä” ci nak ci.

KHEI NAK 32:23

Cun ung phi nangmi naw nami shaitak kä nami k’pan ah a kyak ung, nangmi naw Bawipa hnu tuk püi ne nami hmakak ciah kei naw ka ning k’bäi gui khai. Shin ah mawng ung hma nak kä nami bi en vai, nami katnak ah phäh ah m’kyuk nak nami gah khai nei.

SUKI GUI 9:57

Khanpughi naw Shekhem chang gui cun phi ami shekat ah phäh ah yaica sak gui ci, cun cu Kideon ah hta Totham naw acun ah ami kyak vai ah a pluhtam gui kyak ci.

1 GHANGPUGHANG GUI 2:9

Cun ung phi ani kä m’kyuk ah kä na nawng en vai. A i bi vai cu nang naw na hmat ci, ani am sihnak pek nak vai cu nang naw na hmat vai” ciah pyen nak ci.

ISAIAH 3:11

Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.