2 SAMUEL 3:31 - Cho Bible Common Language 2016

³¹ Cun kawn ah David naw Joab la achang gui cu, ami sui k’teek ne, ng’yu nak sui sui ne, Abner ah phäh ah ami thüi kyah vai ah k’bäi gui ci. Gook ami htüm nak ung David amät phi gook tom nak pei ah hteit shüi ci.

2 SAMUEL 3:31 Referans Kwoze

ATÜNNAK 37:34

Jakob cu a sui suut ne, ng’yuu sui sui ne, a hta ah phäh ah thüi kyap ci.

2 SAMUEL 1:11

David naw thüi ne a sui cu k’teek ci, ak chang gui ami van a cun ah kyak ci gui.

2 SAMUEL 1:2

A ngawi ung Saul ah phung ung ka chang nong tumat gawk lawk ci. A thüi am dang nak ah, a sui gui cu shum ne, alu ung m’dek awn bu ci. Ani cu David ah hteit ne m’dek ung bop ne chang m’sui ci.

SUKI GUI 11:35

Ani naw cun ah hnumi hta cu hmu neta, thüi ne, a sui k’teek neta a pyen cu, “Oh, ka hta hnumi! Nang naw ka m’lung msin na na nat sak ci nei! Kei ah m’lung na nat sak cicu a i ah kyasei, nang ah a kyak ang? Kei naw Bawipa ung a küi ah thu ka khan pyi ci nei, kei naw kä ka k’pyai ba hlawt khai nei! cik ci.

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

LUKA 7:14

Cun kawn ah gook cu a kut awn tawk sei, kawt ci gui cu ng’düm ci gui. Bawipa Jesuh naw, “Phäi hta, tho ba ä” ci khätah, chang k’si cu tho ne ngoh ne ng’htau ci.

2 GHANGPUGHANG GUI 19:1

Ghangpughang Hezekiah cu cun ah ng’thu ang yak vai am thüisei ne, a sui gui k’teek ne, sui she sui neta Bawipa ah Taigüim ah hteit ci.

ATÜNNAK 37:29

Reuben naw Joseph cu teng law ba sei khui ung kä om ba khäta, a sui shum ne azä ci.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

1 GHANGPUGHANG GUI 20:31

A bawi gui naw a pei ah hteit ne ami pyen nak cu, “Israel ghangpughang gui cu chimgein nak om ciah mi ng’yak ci, Israel ghangpughang ah na hteh sak gui ä, kami khei ung suishe pat ne, kami hngü ung suinu awi ne kami hteit khai, ani naw nang ah hnungui ning phyawn nei hman khai nei” cik ci gui.

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

2 GHANGPUGHANG GUI 19:2

Ani naw Eliakim, mang im ung ami ng’vai bawi; Shebna, yung bawi la taigü ng’vai gui cu Amaz ah hta prophet Isaiah ah tüi gui ci. Ngami ami van phi suishe sui ci gui.