2 SAMUEL 3:29 - Cho Bible Common Language 2016

²⁹ Cun ah phäh ah m’kyuk nak cu Joab la akyongchang van ah khan ah ng’kya sä! Ang shon päng ung ani ah kyongchang m’neh ung gaw sä, kheilei ung gaw sä, hnumi bi bäng bi hning sä, ng’tuk nak ung ngawn u sä, kä tui ei hning sä!” cik ci.

2 SAMUEL 3:29 Referans Kwoze

2 SAMUEL 1:16

David naw, Amalek chang am, “Shin ah na kyak vai cu na mät naw na law püi nei. Bawipa naw ghangpughang ah a ghü ah chang, na ngawn ciah pyen ne, na ng’kia cu na mät naw na mät na m’kyuk ah kyak ci nei” ci nak ci.

THU PHLAAN 16:6

Ngami naw Khanpughi ah chang gui la purofet gui ah si cu huk sak ci gui nei, cun ah kyasei ami awk vai ah si cu na peit gui ah kyak ci nei. Ngami cu ami bi ah mäih ah gah ba ci gui ah kyak ci nei” cine a pyein cu ka ng’yak ci.

LAMKTU 28:4

Cun ah htui ne ang bah nak cu, cun ung om ciah chang gui naw hmu u netah, “Shin ah chang cu chang ngawn ciah kyak khai, tuinu ung kä si ne a phiawn ung phi, ng’düng nak naw ani kä ghin sak ci” cine ami mät ng’htau ci gui.

2 GHANGPUGHANG GUI 5:27

Tuhbäi Naaman ah gaw nak cu nang ah khan ah gawk sä, nang la nang ah hta ng’shon cu ngawi yä a cun ung gaw vä!” cik ci. Kehazi cu a hteh ba vai am, ani ung gaw nak gawk sei ani ah vun cu khüi toi ah mäih ah bawk ci.

2 GHANGPUGHANG GUI 5:1

Naaman cu Siria gabawi ah kyak ci, Siria ghangpughang naw a hlüng ah achang m’sui, am hni ah kyak ci, a i ah kyasei ci ung Bawipa naw Sirian gakap gui am ani ung näng nak a pek gui ah phäh ah kyak ci. Ani cu dämduh ciah gakap ah kyak ci, cun ung phi ani cu kyih vai kyak ciah kheilei ung gaw ci.

SUKI GUI 9:24

Shin ah a kyak cu, Abimelek la Kideon ah hta chih-kip ngawn vai ah k’tha pek ciah Shekhem chang gui naw ami hmakat nak ami chaw nak ah kyak ci.

TAIGÜTHUM 15:2

Israel chang gui ah hmawk ah pe goi ci. Pami tumat ah a shäm ung kheihnai a om ah a kyak ung, kheihnai cu kä theingthap ci.

THULÄÄN NAK 21:6

Chang k’si ah ang yän nak ung ng’et pi ciah gawnu ung, ang vai gui ami van naw seipat ah khan ah ami kut ami m’si vai.

2 SAMUEL 3:28

David naw cun ah a mawng cu ng’ya neta, “Kei ah chang gui la Abner ngawn nak ung kei changni ah ka kyak cu Bawipa naw hmat ci nei.

2 SAMUEL 16:8

Nang naw Saul ah uknak khaw na gut ci, Saul ah kyong chang akda na ngawn ah phäh ah Bawipa naw tuhbäi ning m’kyuk ci nei. Bawipa naw uknak khaw cu na hta Absalom am pe pyi ci nei, nang na dishum ci, chang ngawn ciah chang!” cik ci.

KHEI NAK 35:33

A shin ah mäih ah nami bi ah a kyak ung, nami om nak ah khaw nami cheishoh sak ciah kyak khai. Chang ngawn nak naw khaw cheishoh sak ci, chang ngawn nak ah khaw ng’gängsei nak vai cu, chang ngawn ciah chang a sih tuba vai ah kawn ah a hei lam kä om ci.

SAM 7:17

A ng’düng ah hmawk ah Bawipa cu ka m’hlüngtai ci, A hlüngtai säih Bawipa cu ng’ä awn ka m’taam ci.