2 SAMUEL 3:28 - Cho Bible Common Language 2016

²⁸ David naw cun ah a mawng cu ng’ya neta, “Kei ah chang gui la Abner ngawn nak ung kei changni ah ka kyak cu Bawipa naw hmat ci nei.

2 SAMUEL 3:28 Referans Kwoze

KHEI NAK 35:33

A shin ah mäih ah nami bi ah a kyak ung, nami om nak ah khaw nami cheishoh sak ciah kyak khai. Chang ngawn nak naw khaw cheishoh sak ci, chang ngawn nak ah khaw ng’gängsei nak vai cu, chang ngawn ciah chang a sih tuba vai ah kawn ah a hei lam kä om ci.

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

PHYAWN NAK 21:12

“Chang shun daih ne ngawn ciah chang cu amät ngawn ba vai.

ATÜNNAK 9:6

Chang cu Khanpughi ah mäih ah a tüisho ah kyak ci. Cun ah kyasei chang awn cicu amät chang naw ngawn tuba khai.

ATÜNNAK 4:10

Khanpughi naw, “A i ah kyasei shin ah akshe na bi ang? M’dek ung long ciah na nau ah si naw phu tuk vai ah mäih ah k’aw awn na khü ci nei.

2 SAMUEL 1:16

David naw, Amalek chang am, “Shin ah na kyak vai cu na mät naw na law püi nei. Bawipa naw ghangpughang ah a ghü ah chang, na ngawn ciah pyen ne, na ng’kia cu na mät naw na mät na m’kyuk ah kyak ci nei” ci nak ci.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

2 SAMUEL 3:29

Cun ah phäh ah m’kyuk nak cu Joab la akyongchang van ah khan ah ng’kya sä! Ang shon päng ung ani ah kyongchang m’neh ung gaw sä, kheilei ung gaw sä, hnumi bi bäng bi hning sä, ng’tuk nak ung ngawn u sä, kä tui ei hning sä!” cik ci.

2 SAMUEL 16:8

Nang naw Saul ah uknak khaw na gut ci, Saul ah kyong chang akda na ngawn ah phäh ah Bawipa naw tuhbäi ning m’kyuk ci nei. Bawipa naw uknak khaw cu na hta Absalom am pe pyi ci nei, nang na dishum ci, chang ngawn ciah chang!” cik ci.