2 SAMUEL 3:21 - Cho Bible Common Language 2016

²¹ Abner naw David am, “Kei tuhbäi hteit ba ne, Israel avan cu, näng ne, nang ka bawi ung ka ap lawk khai nei. Ngami naw ghangpughang ah ning dou khai gui, cun kawn ah nang naw na ng’yak hlü cu na gah khai, khaw avan cu na uk khai” cik ci. David naw Abner cu a phyawn htein vai ah ng’thushai ta shüüt neta, hteh ba sak ci.

2 SAMUEL 3:21 Referans Kwoze

1 GHANGPUGHANG GUI 11:37

Jeroboam, kei naw nang cu Israel ghangpughang ah ka ning pyang khai, nang naw khawpäng avan cu na ng’yak hlü ah na uk khai.

2 SAMUEL 3:12

Abner naw David ah ng’shä tüi ci, ani cu cun yah ung Hebron ah om ci. Ani naw ng’shä am cäi cu, “Shin ah khaw a u naw uk khai ang? Kei awn ngün kyük nak na bi vai nei, Israel khaw avan na näng vai ah nang täng ah om ne ka ning bawm khai nei,” ciah kyak ci.

PHILIPPIAN 2:21

A hei chang gui läi cu ami mät ah hmawk bäng ngaih-tüh u ne Bawi Jesuh Khrit ah bi cu kä k’tha nak ci gui nei.

SAM 20:4

Na ng’yak hlü cu ani naw ning pe sä, Na pawngpüi avan na näng vai ah ning pyang sä.

2 SAMUEL 2:9

A cu ah Abner naw Ishbosheth cu, Kilead, Asher, Jezreelaa, Ephraim la Benjamin khaw gui ah ghangpughang, akcang ah Israel khaw avan uk khai ah hmoh ci.

2 SAMUEL 3:20

Abner cu akchang m’ku khah püi ne David ah om nak Hebron ah law khäta, David naw akbä ah khin na güi ci.

2 SAMUEL 5:3

Cun ah kyasei Israel gui ah ami ng’vai gui ami van cu David Ghangpughang ah om nak Hebron ah lawk ci gui. Ani naw theing ciah hmuh ng’gei nak cu bi püi gui ci, ngami naw ani cu m’shumphyuk u sei, ani cu Israel ghangpughang ah kya lawk ci.