2 SAMUEL 3:12 - Cho Bible Common Language 2016

¹² Abner naw David ah ng’shä tüi ci, ani cu cun yah ung Hebron ah om ci. Ani naw ng’shä am cäi cu, “Shin ah khaw a u naw uk khai ang? Kei awn ngün kyük nak na bi vai nei, Israel khaw avan na näng vai ah nang täng ah om ne ka ning bawm khai nei,” ciah kyak ci.

2 SAMUEL 3:12 Referans Kwoze

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

2 SAMUEL 19:41

Israel chang van ghangpughang ah hteit neta ami pyen nak cu, “Bawi mang, a i ah kyasei, kami phäi nau gui, Judah chang gui naw, ngami naw va ami ning lak ba vai, nang, na kyongchang gui la na chang gui, cu ngami naw Jordan kah nak ung va ami ngäng m’htei vai ah ami ngaih ang? cik ci gui.

2 SAMUEL 19:14

David ah ng’thu naw Judah chang gui ami van akbe ah bekhüt sak gui ci, ngami naw, a bawi gui ami van nawn ami law ba vai ah ng’thu m’khäh ci gui.

2 SAMUEL 19:6

Ning m’hni ci hnu ng’tuk püi ne, ning gen ci na k’cang nak ci! Na bawi gui la na chang gui cu nang ah khan ah a i ah kä mawng ci gui ah na pyang pyi ci nei. Keimi kami van si u ne, Absalom a ghin vai sü ung nang ang htei ah na yei khai sü ah kei naw ka hmuk ci nei.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

2 SAMUEL 3:21

Abner naw David am, “Kei tuhbäi hteit ba ne, Israel avan cu, näng ne, nang ka bawi ung ka ap lawk khai nei. Ngami naw ghangpughang ah ning dou khai gui, cun kawn ah nang naw na ng’yak hlü cu na gah khai, khaw avan cu na uk khai” cik ci. David naw Abner cu a phyawn htein vai ah ng’thushai ta shüüt neta, hteh ba sak ci.

2 SAMUEL 3:11

Ishbosheth cu Abner kyih aih neta, thu m’kha ät phi kä pyen ne om ci.

2 SAMUEL 3:13

David naw, “Bä khai, kei naw nang awn mawng ät awn ngünkyük nak ak bik khai: nang naw kei ah na law ah a kyak ung Saul ah hta hnumi Michala cu na law püi vai.”

2 SAMUEL 3:38

Ghangpughang naw a bawi gui am, “Tuh ngawi dämduh ciah Israel ng’vai sik ci, cicu kä nami ngaih-tüh ne ma?