2 SAMUEL 3:1 - Cho Bible Common Language 2016

¹ Saul ah kyongchang gui naw ami ng’düih püi gui la David naw ang düih püi gui ah gakap gui cu akshou ng’tuk ci gui. David cu khüi ghat law pi pi sei, ang tuk püi gui cu ami tha ken law pi pi ci.

2 SAMUEL 3:1 Referans Kwoze

1 GHANGPUGHANG GUI 14:30

Cun ah khin ung Rehoboam la Jeroboam cu ng’tu laih laih ci goi.

JOB 8:7

Na shum shäuh ah na khawh avan awn m’tumtäng ne kä gah vai ah Khanpughi naw ning pe ba khai nei.

2 SAMUEL 2:17

Nui ciah ami ng’tuk nak cu ng’pyi sei, Abner la Israel chang gui cu David ah chang gui naw hnim gui ci gui.

EPHESIAN 6:12

Mikmi cu hnicim cang awn ng’tuk mi bik ciah kä kyak ci, khankho ah om ciah mümcha she gui la shin ah kho hmüp nak kho ung, uk ci gui, huham mah gui, la hlüngtai nak om ci gui awn ng’küükneet ne ng’tuk mi bik ciah kyak ci.

SAM 84:7

Ngami cu gai law pi pi ne hteit ci gui; Ngami naw Zion mang gaw ung khanpughi gui ah Khanpughi cu hmuk khai gui nei.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

KALATIAN 5:17

A i ah kya sei ciung Hnicim chang ah ng’yak hlü cu Mumcha ah ng’yak hlü awn hnu ng’tuk ci, Mumcha ah ng’yak hlü cun phi hnicim chang ah ng’yak hlü awn hnu ng’tuk ci. Shin ah hnih goi cu ng’gaa na tuk ci goi. Cun ah kyasei nangmi cu nami mät ah ng’yak hlü ah kä nami bi hlawt ci.

ESTA 6:13

Ani naw amawng ama avan cu a chu la a teihpüi gui am m’thein tu gui ci. A chu la cüivai ciah a teihpüi gui naw, “Nang ah huham cu tün ne, Mordekai ah kaa ah gawk pyi ci nei. Ani cu Jew ah kyak ci, nang naw kä na näng hlawt khai. Ani naw akcang ah ning näng khai nei” cik ci gui.

1 GHANGPUGHANG GUI 15:32

Judah ghangpughang Asa la Israel ghangpughang Baasha cu ani huham a om mah chuih ng’tu laih laih ci goi.

1 GHANGPUGHANG GUI 15:16

Judah ghangpughang Asa la Israel ghangpughang Baasha cu ani huham a om ah chuih ng’tu gäk gäk ci goi.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

THU PHLAAN 6:2

Kei naw teng netah ng’se bawk tumat cu ka hmuk ci. Cun ah ng’se ung ng’cum cicu li kawt ne lukhu gah ciah kyak ci. Ani cu näng pyi netah näng ba khai ah pawng ci.

2 SAMUEL 2:28

Cun kawn ah Joab naw Israel gui ami k’täm nak ami düm nak vai ah m’hnüt nak ah k’phyung puuk tum sei; ami ng’tuk nak cu ng’pyi ci.

2 SAMUEL 5:10

Ani cu ang täih ah ng’ghaw tai lawk ci, a i ah kyasei ci ung hlüngtai ciah Bawipa Khanpughi naw om püi ci.

2 SAMUEL 22:44

Kei na ng’tuk püi ciah chang gui ungka, na na k’phyawn ci. Chang pakhui gui ah khan ah ka uknak na gawk sak ci. Kei naw kä ka hmat gui ah chang gui phi, tuhbäi ka chang ah kya lawk ci gui.

1 SHONTÄP NAK 11:9

David cu thüighat law pi ci, a i ah kyasei ci ung M’gäi ciah Bawipa naw ani cu om püi ci.

ESTA 9:4

Tuhbäi Mordekai cu mang im ung huham mah pikbäih ne, a huham däm law piktäi ciah uknak khaw avan ung hmat pyi ci gui.

SAM 18:43

Na ng’küüt neet püi ciah chang gui ung na na hun ci; Pakhui päng ka uk khai ah na na pyang ci. Kä ka hmat man ah chang phi ka chang ah kya ci.

SAM 46:9

Ani naw m’dek khan ung ng’tuk nak avan düm sak ci, ani naw li gui cheiuh ne, k’htei gui m’di ne, shawi gui mei ung m’khih ci.

2 SAMUEL 3:6

David ah chang gui la Saul ah kyongchang ung bekhüt ci gui cu ng’tu laih laih u neta, Saul ah hnu läk ci gui ungka, Abner cu huham mah law pi k’täi ci.

1 SHONTÄP NAK 3:1

Hebron ung a om yah ung David ah hta gui cu, a khokum aläk ah khei ung shin ah kyak ci: Amnon, anu cu Karmelaa ah ka Ahinoam Daniel, anu cu Karmelaa ah ka Abigail Absalom, anu cu Geshura ghangpughang Talmai ah hta hnumi Maakah, Adonijah, anu ci Hakkith Shephatiah, anu cu Abital Ithream, anu cu Eklah