2 SAMUEL 24:7 - Cho Bible Common Language 2016

⁷ Cun ungka naw a htum lam khäng ciah mang gaw Tire ah hteit ci gui, cun ungka naw Hivit gui la Kanaanit gui ah mang gaw avan ung hteit u ne, ak hnu ah Judah khaw a htum lam Beersheba ung khüt ne hteit ci gui.

2 SAMUEL 24:7 Referans Kwoze

JOSHUA 19:29

Cun ungka naw khogii cu ng’hlat ne, Ramah ung gawk ne, mang gaw paang Tire ung gawk ci. Cun ungka naw Hosah täng ah ng’hlat ne, Mediteranean tuinu ung khüt ci. Acun ung Mahalab, Achzib,

JOSHUA 11:3

Ani naw shin gui am phi thu m’khäh gui ci; Amorit gui, Hittit gui, Perizzit gui la khogui khaw ung om ciah Jebusit gui ah kyak ci. Mizpah khaw Hermon m’htung nawi ung om ci gui ah Hivit gui am phi thu m’khäh gui ci.

2 SAMUEL 24:2

Cun ah kyasei David naw a gabawi, Joab am, “Na bawi gui awn a täng ah, vang khaw cawi ungka naw vang khaw cawi ung khüt khai ah, Israel pakhui avan ung, chang gui na khei vai. Chang a i chü a law ah kei naw ka hmat hlük ci.

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.

2 SAMUEL 24:8

Cun ah ngami cu cha kaw la hnüüp m’ku ung hteit u neta Jerusalem ah law ba ci gui, ngami cu khaw avan ung hteit ci gui.

ZEKHARIAH 9:3

Tire naw mät ah phäh ah gaw k’paang sa ne, m’vut khui chü ah da ciah ghui ngui ng’peeih cu m’küm ci.

JOSHUA 9:1

Israel gui ah näng nak cu Jordan tuinu akhei täng ghanpughang gui ami van naw hmat ci gui, khawgui gui, m’htung nawi gui la Mediteranean tuinu kem khaw avan ung a siiptäng Lebanon ung khüt ci; cun gui cu Hittit, Amorit, Kanaanit, Perizzit, Hivit la Jebusit gui ah ghangpughang gui ah kyak ci.

JOSHUA 9:7

Cun ung phi Israel chang gui naw, “A i ah kyasei nangmi awn hmuhchum nak kami bi vai ang? Nangmi ang et nak ung nami om ciah kyak khai nei” cik ci gui.

JOSHUA 19:28

Ebron, Rehob, Hammon la Kanah, Sidon güt ung gawk ci.