2 SAMUEL 24:16 - Cho Bible Common Language 2016

¹⁶ Bawipa ah khanchang naw Jerusalem m’di khai ah pawng khäta, chang gui m’di nak vai ah mawng ung Bawipa naw am lung m’thawng neta, chang gui ngawn ciah khanchang am, “Ng’düm ä! Bä khai nei!” cik ci. Cun yah ung khanchang cu Jebusit chang Araunah htang khlang ung om ci.

2 SAMUEL 24:16 Referans Kwoze

PHYAWN NAK 12:23

Bawipa naw Egypt gui ngawn gui khai ah Egypt khaw ah a law ung, m’kawt ung la m’kawt khan ung nami hluk ah si cu ani naw hmuk khai, cun ung ani naw sih nak ah khanchang cu nami im ung kä luh law sak khai, kä ning ngawn gui khai.

ATÜNNAK 6:6

Khomdek khan ung chang tüisho ne a tha ah phäh ah a yä ba ci.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

2 SHONTÄP NAK 3:1

David Ghangpughang, Solomon ah apa naw Taigüim cawh nak vai ah hmun cu a pyan pyi ah kyak ci. Cun cu Jerusalem, Moriah Khomhtung ah David ah ma ah Bawipa ang dang cu Jebusit chang Araunah ah htang m’häi nak khlaang ah kyak ci. Ghangpughang Solomon naw cawh kyan nak cu

2 GHANGPUGHANG GUI 19:35

A cu mü Bawipa ah khanchang cu Assirian phung ah hteit ne Assirian gakap 185, 000 cu ngawn gui ci. A ngawi khaw thaih ung a cun ung ami van si ne ng’yän ci gui!

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

2 KORIN 2:6

Nang mi akda pi naw nami m’kat nak a gah ani naw a kyä vai ah m’kat nak ah kyak ci nei.

MAKUH 14:41

Bawipa Jesuh cu ak thum vei nak ah taigü ne law ba netah, “Nangmi cu tuhgüt ip ne, ng’te ne, nami om ci ma? Bä khai nei, akhin gawk lawk ci nei, chang ah Htapa cu changshe gui ah kut ung ap lawk khai gui nei.

ZEKHARIAH 9:7

Ngami naw asi om ciah asa cu kä ei khai gui, ami hlawi sak gui phung kä ei khai gui. K’pawih ci gui ami van cu kei ah chang ah kyak khai gui, Judah pakhui ah pa ng’pai tumat ah mäih ah kyak khai gui. Ekron gui phi kei ah chang ah kya u ne, Jebusit ah mäih ah kyak khai gui.

HABAKKUK 3:2

O Bawipa, na bi cu ng’ya ne, kei cu kyih aa nak awn ka be ci nei, tuhbäi bi law ba ä keimi ah khin ung, dämduh ciah hnünthawh na bilawh man cu. Na m’lungshe ung phi na chimgein gui ä.

AMOS 7:6

Bawipa naw am lung m’thawng bamä neta, “Cun ah kä kya hnga khai nei” cik ci.

AMOS 7:3

Bawipa naw am lung m’thawng neta, “Na hmuh ah mäih ah kä kia hnga khai nei” cik ci.

ISAIAH 57:16

Kei naw ka chang gui am ghin nak ka pek ci, kei naw ngami cu kä ka k’dün ba gui khai, ngawi yä kä ka m’lungshe naba gui khai.

ISAIAH 27:8

Bawipa naw a chang gui cu om k’tu khaw ah tüi gui ne m’kyuk gui ci. Ani naw ngami cu kiangtäng ah ka, m’gäize ciah khokhiawn hteh püi gui ci.

SAM 135:14

Bawipa naw a chang gui cu shungshet gui ne; changshäm gui cu k’dük gui khai.

SAM 90:13

Kho a i khäta na m’lungshe nak cu ng’pyi khai ang? O Bawipa, na changshäm gui cu na m’gein gui ä!

SAM 78:38

Cun ung phi Khanpughi naw akchang gui cu, chimgein gui ci. Ani naw ami katnak m’gein gui ci, kä m’di gui ci. Ani cu akda vei am lung üüp ci, am lung she nak cu m’cäi ba ci.

SAM 35:6

Bawipa ah khanchang naw gawt ne aktäm gui yah ung, ami lam cu hmüp ne ng’nawk sä!

1 GHANGPUGHANG GUI 19:4

Elijah cu bung hmu ah hnüüp pum ung hteit ci. Ani cu sing ghing ah ang hniim ka ah ng’düm neta, ka sih ung bä tuba khai, ci neta ak taigü cu, “Bawipa, ka yai aih ci nei, ka ghin nak cu na lak pe ä; kei ka sih ung bä tuba khai nei!” cik ci.

2 SAMUEL 24:18

A cu hnüüp Gad cu David ah hteit neta, ani ah ma ah, “Araunah htang khlang ah hteit neta, Bawipa ah sonkiang co vä” cik ci.

2 SAMUEL 5:8

Cu hnüüp ung David naw ak chang gui am, “Kei ah mäih ah Jebusit chang gui thüi na gui ci om ne ang? Ngami cu ngawn gui vai nei! Cun kawn ah tui m’hlawng ung hteit ne, am dauh la akshum gui cu tuk gui vai nei.” (“Cun ah mawng thu om cicu am dauh la akshum gui cu Bawipa ah im ung kä lut tu hlawt khai gui nei.”)

SUKI GUI 1:21

Cun ung phi Benjamin pakhui chang gui naw Jerusalem ung om ciah Jebusit gui cu kä k’täm gui hlawt ci gui. Cun ah kyasei Jebusit gui cu om lä u ne, acun ung Benjamin chang gui awn om ghawm lä ci gui. Ephraim la Manasseh pakhui gui naw Bethela cu näng ci gui.

JOSHUA 15:63

Cun ung phi Judah chang gui naw Jerusalem ung om ciah Jebusit gui cu kä täm hlawt ci gui. Jebusit gui cu tu ä güt Judah chang gui awn a täng ah om ci gui.

PHYAWN NAK 12:13

M’kawt ah khan ah si awn mek phung cu nangmi ah om nak ah im ah m’hnüt nak ah kyak ci nei. Kei naw si ka hmuh ah a kyak ung ka phlän tak khai, Egypt chang gui ka m’kyuk law gui ung kä ka ning nat sak gui khai.

PHYAWN NAK 9:28

Bawipa ah taigü vä! Keimi cu shin ah hmumkyeek la gääi nu awn kami ng’büh khai nei. Kei naw shai ka tak ci, ka ning hteh sak gui khai nei, shin ung nangmi kä nami om tu ba khai nei” cik ci.

ATÜNNAK 10:16

Kanaan ah hta ba gui cu Jebusit gui, Amorit gui, Kirakashit gui,

PHYAWN NAK 32:14

Cun ah kyasei Bawipa naw am lung cu m’thawng ba ne, a chang gui khan ah a law püi vai ang ngaih ah kyih vai ah leigai cu kä law püi ci.

1 KORIN 10:10

Mikmi cu chang amshah gui ah mäih ah kämi ng’nakso tuk khai, ngami cu Sihnak ah khanchang naw m’di gui yawp ci.

JEREMIAH 26:19

Ghangpughang Hezekiah la Judah chang gui naw mikah cu sih nak kä pek ci gui. Cun nak vaisü ung Hezekiah naw Bawipa m’tamkhah ne, a hmawi ak kyang vai ah k’tha na ne bik ci. Cun kawn ah Bawipa naw ami khan ah leigai a law püi vai ah a pyen te cu ani naw amlung m’thawng ci. Tuhbäi mikmi naw mi mät ah khan ah kyih vai ah leigai cu mi law püi ci nei.”

1 SHONTÄP NAK 1:14

Kanaan cun phi Jebusit gui, Amorit gui, Kirkashit gui,

JEREMIAH 42:10

Nangmi cu shin ah khaw ung nami om lä vai nami ng’yak hlü ah a kyak ung, kei naw ka ning colcyang gui khai, kä ka ning m’shet m’kat gui khai kei naw ka ning geif gui khai, kä ning mawi gui khai. Nangmi ah khan ah ka law püi ah dishum nak naw kei cu ak däm ah na azä sak ci nei.