2 SAMUEL 24:14 - Cho Bible Common Language 2016

¹⁴ David naw, “Tuh bäi kei ung ng’cet lawk ci nei! Cun ung phi chang naw ana m’kyuk vai kä ka ng’ya hlük ci. Bawipa amät bäng naw mikmi na m’kyuk gui sä, ani cu chi m’gein ciah kyak ci.”

2 SAMUEL 24:14 Referans Kwoze

SAM 119:156

Cun ung phi Bawipa, na m’hteihtang nak cu dämduh ci nei; Na m’gein nak na m’hnuh ne, na hun ä!

SAM 51:1

O Khanpughi, na m’hni nak awn na chimgein ä. Hlüngtai ciah na m’gein nak awn ka katnak gui na phai pe ä.

1 SHONTÄP NAK 21:13

David naw Kad cu m’shang ne, “Kei cu ang ngaih u kaa ah ka kyak ci nei! Cun ung phi chang naw a na m’kyuk vai kä ka yum ci. Bawipa amät bäng naw na m’kyuk sä, a i ah kyasei ci ung ani cu chimgein thei ciah kyak ci nei.

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

SAM 145:9

Ani cu avan ah khan ah nik ci, tüisho avan cu chihna ci.

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

NG'THU K'THUUK~ 12:10

Changninaw a ui ai cu akni ah m’htei ci, changshe cu m’ghämce ci.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

2 GHANGPUGHANG GUI 6:15

A ngawi ung khongawi hta Elisha ah changshäm cu tho law ne, im ah k’pung ah hteit neta, ng’se gui, yatha gui awn gawnu koi ciah Sirian gakap gui cu hmu gui ci. Ani cu Elisha ah law ba neta pyen ci “Mikmi cu mi ng’yiin pyi ci nei, a i ah mi kyak khai ang?”

1 SAMUEL 13:6

Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;

PHILIPPIAN 1:23

Kei naw hnih ah ka ngaih nak om ci, kei cu shih ah ghin nak nawng shüt ne Bawi Khrit ung ang htei ah ka om hlük ci, cun cu kei ah hmawk ah bä pi ci.

JOHAN 12:27

“Tuhbäi kei cu kamlung thüi ci nei, a i cine ka taigü khai aw? Kapa, tuhbäi kei ah khan ah gawk lawk khai ah akhin ungka na phiawn sak kä! ka cik khai ang?

ZEKHARIAH 1:15

Zeikyai ding gei ciah pakhui gui ah khan ah anghtei ah ka m’lungshe ci nei. A i ah kyaseici ung kei naw ka chang gui ah khan ah ka m’lungshe nak ka m’dang law vai ung, cun ah pakhui gui naw, ka chang gui ani geinvai vai ah akshe ah bik ci gui nei.

MIKHAH 7:18

O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.

2 SAMUEL 9:8

Mephibosheth naw m’khukdong ba neta, “Bawi aw, kei cu ui k’si hlawk ah phi kä ka kyak ci ne! A i ah kyasei kei ah khan ah nang na ni aih ang?” cik ci.

SAM 130:7

Israel gui Bawipa ung zumhtek vä, Ani ah m’hni nak cu ng’täi ci, ani naw ak phlüt ah ning hun gui hlük ci nei.

JEREMIAH 39:17

Cun ung phi kei, Bawipa naw ka ning shung vong gui khai, nang mi cu, nangmi naw nami kyih gui ah chang gui am kä ningap gui khai gui.

NG’ÄI KYAH 3:22

Bawipa ah kä yung kyak ciah am hni nak la a chimgein nak cu ng’täi lä ci nei.

DANIEL 9:9

Nang naw na chimgein ci, na geinsei ci, cun ung phi keimi naw kami ning hnungtuk püi ci.

MIKHAH 7:19

Nang naw na na chimgein ba gui khai. Kami katnak cu na khaw awn leh ne, kami cheishoh nak cu tuinu ah ng’lung ung na shum yawp khai.